ملتقى طلاب وطالبات جامعة الملك فيصل,جامعة الدمام

- ملتقى الكليات الصحية بالاحساء (https://vb.ckfu.org/forumdisplay.php?f=209)

- - استفسار .. (https://vb.ckfu.org/showthread.php?t=95553)

استفسار ..

السلام عليكم ورحمة الله وبركاته
هذا أول موضوع لي بالمنتدى وأحب الكل يتفاعل معي ويرد

الحمدلله أنا انقبلت في كلية الصيدلةوالحين يقولو الجداول نزلت بس احنا طالبات الصيدلة قالو لازم اختبار تحديد مستوى في اللغة الانجليزية حبيت استفسر ...
متى يكون الاختبار؟؟
وشلون تكون طبيعة الاختبار؟؟

اتمنى انكم تجاوبوني .... ولكم جزيل الشكر

رد: استفسار ..

وعليكم السلام ورحمه الله وبركاته..

ألف مبروك القبول..

مــاعندي خبر متى بيكون الإختبار بس بالعادة يكون أول يوم دوام..

وأعتقد هالأختبار اختبروة السنه التحضيريه قبلك..بيكون أغلبه إختيار من متعدد..

هذا الي اذكره..ان شاء الله طالبات التحضيري يفيدوك أكثر..

وياليت لو يكون عنوانك واضح أكثر..

وفقتي

رد: استفسار ..

وعليكم السلام ورحمة الله

الف مبروك على القبول ..

موعد الاختبار والجدول وكل التفاصيل راح تعرفينها بأول اسبوع دوام ..
روحي للجامعه .. مبنى كلية السنه التحضيريه ( مبنى 22 ) وهناك تعرفين كل التفاصيل

بالنسبه لدفعتنا كانت اول دفعه بالسنه التحضيريه فكان مافيه لنا مبنى ولا دكاتره وكل شي حوسه عشان كذا تأخر نزول الجدول وتأخر الاختبار بس الحين انتو مترتبين وعمادتكم ومبناكم موجود فأكيد بيكون الاسبوع الاول .. انتي روحي وتأكدي منهم..

بالنسبه لنوع الاختبار .. كله اختيارات يتكلم عن كل شي بالانقلش من قرامر الى فوكاب الى .. الخ
بصراحه مو سهل بس انتي لاتحاتينه لأنه تحديد مستوى فقط لاغير ماراح ينقص ولا يزيد من معدلك بس عشان دكتورتك تعرف مستواك بالانقلش وبالتالي تعرف كيف تتعامل معكم

بالتوفيق اختي وأي سؤال آ خر حنا بالخدمه

رد: استفسار ..

روح شفافة ,, طالبة علم

شكرا لكم على الرد فقد استفدت كثيرا

رد: استفسار ..

العفو غاليتي..