|
بنات الكيمياء ممكن شوي
مساااااء الخير
كل عام وانتو بألف خير بسالكم يابنات الكيمياء انا عندي ماده اسمها كيمياء عضويه والكتورات اللي يدرسونها د. اسماء الشريف ,, د. عبير الدوسري .... عند مين تنصحوني آخذ الماده ياريت تقولي عن اسلوب كل دكتوره وكلموني شوي عن الماده انا احسها صعبه <<< مدري ليه !!! |
رد: بنات الكيمياء ممكن شوي
مرحبا عزيزتي..
الكيمياء العضويه مادة ممتعه لكن يبيلها وقت .. لأن كميتها كثيره الى حد ما .. لكنها تمشي معاك عادي .. بس لازم تكونين متابعتها أول بأول اذا راكمتيها بتتعبين .. بس تراها حلوه بالنسبه لي أشوف انها ماده كيميائيه بحته بعكس باقي المواد أحسها مالها شغل بالكيمياء!!! بالنسبة للدكتورات .. أسماء الشريف ماعرفها أظنها مصريه.. وصراحه الدكتورات المصريات أسئلتهم تكون حلوه وواضحه ومافيها فلسفه بس يحبون تكتبين واااجد.. لكن عبير الدوسري يقولون انها شديده وأسئلتها صعبه ودقيقه ومو متعاونه مع الطالبات عندي زميلات إدرسوا عندها يقولون مو حلوه الماده عندها .. ...... أتمنى أكون أفدتك ..:) |
رد: بنات الكيمياء ممكن شوي
أهلآ أختي ... د.عبير الدوسري... من أروع وأطييب الدكتورات الي مرو علي ... ذوق وأخلاق وتعاملها راقي بس خسارة ماراح تدرسنا بثالث بس الحمدالله على كل حال.. ياحظكم من جد وتعاملك وكأنك اختها الدكتورة عسل بمعنى الكلمة.... وتفهم وتشرح وشرحها مرة حلو وسريع... وأسألتها تجنن بمعنى الكلمة..بس يبغالك تذاكرين المادة بتركيز عالي لانها دقيقة بس أبدآ أسألتها مو صعبة وترى المادة جدآ جميلة وحلوة بس لازم لازم تذاكرين المادة اول بأول لانه سريعة النسيآن ... وبإذن الله راح تدعيلي إذا سجلتي عندها لأني انا توني مخلصة ثاني وجبت عندها ِa+ واكيد دكتورة عبير جدآ متعاونآ ودليل عطتنا واجب نحله وزادت لنا درجاتنا الله يجزاها خير..وهذي الدكتورة مدرستني فصلين كآملين وأي أستفسآر عنها أنا حاضرة... وهذا كله من وجهة نظري وأيضآ أحترم وجهة نظر البنات الثانيات بس مرررررررررررررررة انصحك بدكتورة عبير الدوسري الدكتورة تستحق كل التقدير والأحترام ودآئمآ تتكلم عن التفائل وتبينا متفائلين وبإذن الله راح تمشين مع المادة.. والله يسامح البنات الي مادرسو زين معها وحملو المادة وقالو انه أسألتها صعبة لانه أكيد الي مايدرس زين بتكون المادة صعبه عليه (إذا الله أراد)وكل شي سهل بإذن الله مع الجد والأجتهاد والمثابره .. موفقه بإذن الله مع د.عبير الدوسري الله يحفظها |
رد: بنات الكيمياء ممكن شوي
لا بالعكس ..
أصلا الدكتورات المصريات أفضل بكثيييييير السعوديات يتفلسفون وهم مايعرفون شي!! وإذا سألتيهم او استفسرتي يتوهقون مايعرفون يجاوبون المصريات يحبون ينجحون ومايخلون أحد يحمل الماده... احترامي للجميع.. |
رد: بنات الكيمياء ممكن شوي
أهلآ أختي عطر فرنسي...
حياك الرحمن... أنا أحترم كل وجهات نظر البنآت... وأنا بنظري الدكتورآت السعوديآت ممكن أسألتهم تجي أكثر على الفهم بعكس دكتوراتنا المصريآت... لاكن السعوديآت تحسينهم يحفزونك على التفكير لأبعدالحدود (يعني يشغلون مخك أكثر من المصريآت) وبذات مع دكتورة ليلى حسين... وأنآ أحب جميع الدكاترة بس الي جد أثرت بحياتي من الدكتورات دكتورة عبير الدوسري لانهآ تجذبك أكثر... تتكلم معك بطريقة انك تتقبلين تقريبآ كل كلامهآ لانها صادقة وأفكآرها وآضحه وماتحب ابدآ أي بنت ترسب عندهآ.... وأنا محترمه كل وجهات نظرك.. وبس... الله يسهل عليك وموفقه أختي عطر فرنسيوجميع البنآت .. |
رد: بنات الكيمياء ممكن شوي
حبيبتي عين الحياه
شكلك انتي احياء لا تتحمسين واجد انك تختارين الدكاتره على كيفك شفتي السمستر اللي فات كل الدكاتره اللي نزلت اسمائهم درسونا يعني احتمال يصير نفس لشئ وتدرسك ذي وذي |
رد: بنات الكيمياء ممكن شوي
هلاااااااا خيتو
انا بصراحه درستني الدكتوره ..اسماء الشريف طبعا سعوديه شرحهااا دايم عرض بس نفس الكتاب واسئلتهااااااا واااااو تجنن نفس اسلوب الكتاب ومافيهااا تعقيد ابد واسلوبهاااا حلووو اما الدكتوره عبير ماجربتهاااا والله والكيمياء العضويه حلوه وسهله بس شرط <<<<مذاكره اول بأول وبالتوفيق انشاءالله |
رد: بنات الكيمياء ممكن شوي
مشكوووورين وما قصرتوا الله يجزاكم الف خير
بس محتاره ..... انا درست عند د. اسماء صحيح اسالتها سهله ومافيها تعقيد بس ما كنت افهم الى شرحها احسها بس تقرأ..!! |
رد: بنات الكيمياء ممكن شوي
أهلآ أختي عين الحيآه...
أنا عن نفسي أشوف أن دكتورة عبير الدوسري تفهم وتوصل المعلومه بطريقة حلوة وممتعه مثل عن طريق الفيديو الخاص بالدرس او الصور ... ويبيلك تتعرفين أكثر على طريقة وضعها للأسأله ولاتنسين انه الدكتورة دقيقة وأشوف مادة العضوية تحتاج مذآكرة أكثر من مرة لانه اذا ذاكرتيها مرة ممكن تغفلين عن شي والدكتورة تحبه فأنصحك ذاكري المادة أكثر من مرة.. فكري زين وحددي أختيارك وأنا قلتلك كذآ لانو جد الدكتورة أثرت علي وحببتني بالعضويه الله يوفقك ويسهل دروبك... |
رد: بنات الكيمياء ممكن شوي
حسبالي إن أسماء الشريف مصريه!!!!
لكن تبين الزبده.. صلي استخاره :) |
| All times are GMT +3. الوقت الآن حسب توقيت السعودية: 04:43 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه