ملتقى طلاب وطالبات جامعة الملك فيصل,جامعة الدمام - متخرج من الثانوي هالسنة وجالس ونسبتي كويسة ساعدوني

السلام عليكم

أنا خريج هالسنه من الثانوي

تخصص علوم طبيعية

نسبتي 83.33

وقدراتي ( طبعاً لها قصة هذي )

والتحصيلي 52

المهم القدرات إختبرت 3 مرات

المرة الأولى طلعت 58 هذي إختبرتها قبل التخرج

والثانية بعد التخرج 59 طبعاً تفاجأت وتضايقت

لأني ما أقدر أعوض إلا السنه هذي

المهم فتحوا الكليات والجامعات وكل مكان التسجيل

وسجلت بكل مكان مافي مكان ماسجلت فيه

وللأسف الكل (( ماقبلني ))

والحين أنا جالس ترم كامل عاطل باطل

وإختبرت هالسنة القدرات والحمدلله جبت 67 ع الأقل أحسن من الأولى والثانية

والفصل الثاني بيبدأ عن قريب

وقدمت في أماكن كثيرة

منها ماطلع النتائج ( جامعة الإمام - كلية الشريعة بلأحساء )

وقبلوني بتخصص إدارة أعمال

بيني وبينكم أنا مالي ميول بذا التخصص

بس كنت بروح أسلم أوراقي لأني مليت من الجلسة

وأبي أستقر ولا أجلس عالبطالة

بس خفت !!!!!

أروح وأرجع بدون فايدة

زي مانتوا عارفين هذا بكالوريوس 4 سنين

مافي لعب ولا إستقرار

يا أروح جد من البداية أو ما أروح

المهم سألت عن التخصص والكلية وكل شي

ناس مدحوها وناس مامدحوها

لما آخر شي ما رحت أسلم أوراقي

مع إن إسمي طلع من المقبولين

أول شي أبغى رآيكم بالتخصص وهل القى وظيفة فيه بسهولة أو لا ؟؟؟؟؟؟

وهل التخصص بكلية الشريعة دراسته سهلة أو صعبة

ناس يقولون في الوقت الحالي أحسن شي الكليات التقنية

والأحسن التخصصات الفنيه يعني مثل الكهرب والحاسب والكترونات

إنتوا وش تقولون ؟؟؟؟؟؟؟؟؟؟

بغض النظر عن شهادة دبلوم أو بكالوريوس

بس وشو الأحسن . . واللي مستقبله مضمون