حنان المنيدي ؟؟؟
 

بسم الله الرحمن الرحيم :119:


الحمدلله والصلاة والسلام على رسول الله وعلى آله وصحبه أجمعين

السلام عليكم ورحمة الله وبركاته ...

خواتي الله يجزاكم خير انا حابه اسال عن الاستاذه حنان المنيدي شرايكم فيها ابي اللي تجاوبني تكون قد درست عندها مابي البنات يقولون بليييز ...

كيف شرحها ونظام الدرجات عندها وكيف اسئلتها وهل هي متساهله مع البنات ولا لا ؟؟

واللي عندهانموذج من اسئلتها تحطها الله يجزاكم الجنه لاتبخلون علي .... عموما هي تدرس عقيده ...:000:

رد: حنان المنيدي ؟؟؟
 

سألت بنت درستهاا

تقول حبوبه بس يبغاله مذاكره عدل لأنه أسئلتها دقيقه

<<هذا كلام البنت

وانا بعد بتدرسني ان شاء الله تكوون حبوبه

رد: حنان المنيدي ؟؟؟
 

اختي amoon لاخلا ولا عدم ماتقصرين يالغاليه ..



انتظر مزيد من الردود

رد: حنان المنيدي ؟؟؟
 

شدعوه يابنات ردو 30 بنت مرت على الموضوع ومالقيت جواب الا من امون فديتها ...!

رد: حنان المنيدي ؟؟؟
 

السلام عليكم ورحمة الله وبركاته
عزيزتي , انا درستني حنان المنيدي في سنه ثالث كل الترمين,اسلوب الدكتوره في التدريس هو قرائتها للمنهج يعني ماعندها شي تشرحه
ثانيا ما تأخذ حظور وغياب الا نااااااااااادر
اسألتها دقيقه , و لا تحلمين تاخذين درجتكم قبل نهاية الترم!
تنزل الدرجات في وقت الاختبارات النهائيه,واللي اقصده هو درجات الاختبارات الشهريه .
تطلب بحوث .
انا عن نفسي ما حبيت الدكتوره ,مو عشان شي بس انها كانت تنرفزني بأسلوبها في التدريس واسلوب تعاملها مع الطالبات.
في بنات يحبونها ويمدحونها وهي بصراحه مو شينه لكن انا عن نفسي وترى هذا رأي شخصي اتمنى انها ما تدرسني مره ثانيه!
وعسى ربي يوفقك :)

رد: حنان المنيدي ؟؟؟
 

مشكوره اختي الله يجزاك خير طيب انتي نجحتي عندها تنجح يعني ؟؟؟ واذا عندك نموذج اسئلتها حطيها لي الله لايهينك

رد: حنان المنيدي ؟؟؟
 

دكتورة ..محاضرتها ملل وبس تقرأ ..ونادر وما تحاول تجيب موضوع من برا
وتزيدك معلومة
وبصراحه انا درستني العام سنه ثالث -- والفصل الثاني سوت فينا مقلب بايخ
نزلت للانتساب ملزمه --واحنا يالانتظام ننتظر تنزلنا ملزمه لانها قالت لا تشترون كتب ولا ملزمه انتساب لانها غير عنكم وهي اللي قالت انا اجمع لكم المنهج
ومانزلت هذه الملزمه الا قبل اختبار النهائي باسبوعين..وامتحان طلع موحد مع انتساب

دكتورة بالاسم بصراحه على كثر ما درست سنة ثالث الا نها مو عارفه شيء اسمه النظام والوقت
ومثل ماقالت الاخت اللي قبل شوي الدرجات الشهريه ماتشوفينها خير شر
وانا صار لي معاها موقف كانت خاسفه بدرجات الترم اول طلبت منها تفتح ورقتي واشوف تقسيم درجاتي وانا بشنو ناقصه
قالت اذا فتحت ورقتك ..وماطلع عندك شيء ناقص انقص منك درجتين.. بالله وين العدل والحق وهي مدرسه عقيده بعد

ويارب ما درسني مره ثانية

رد: حنان المنيدي ؟؟؟
 

اختي اميره الشرقيه مشكوووره وماقصرتي انا سالت عنها لاني اشوف كثير يتكلمون عنها وحاطينها لنا بالعقيده مافي الا هي تخيلي ووالله مشكله ووو بس ماجاوبتيني ... انتي نجحتي عندها تنجح يعني ؟؟؟ واذا عندك نموذج اسئلتها حطيها لي الله لايهينك

رد: حنان المنيدي ؟؟؟
 

سبحان الله

رد: حنان المنيدي ؟؟؟
 

بصراحة البتات ماقصروا ، مثل ما قالوا بالضبط محاضرتها مملة لابعد درجة تتخيلنها وصوتها واطي يجيب لك النوم، مستحيل تدخل أحد بعدها حتى لو كنتي جاية من برا الدمام(وكان الجو مطر وحوسة والشوارع زحمة ماتراعي أبداً) الحضور والغياب ع كيقها في مدرجات شديدة معهم وتأخذهم أسبوعياً ومدرجات لا، درستني الترم الاول سنة ثالثة كانت حريصة عليه وتأخذ وقت طويييل فيه وكل أسبوع تحذف أسماء وتزيد أسماء، والترم الثاني ما كانت تأخذه أبداً،و تتأخر كثير بالطلعة يعني تنتهي المحاضرة وهي عادي تكمل بعدها وتأخذ إضافي والمنهج طويييييل ومشتت والمشكلة هي بس تقرأ بالضبط اللي موجود بالكتاب، أحيانا تسئل بالمحاضرة السابقة بالاسماء، والابحاث كثيرة وفي واجبات، ودرجات الشهري تلفينها معلقة جنب مكتبها بالامتحانات النهائية يعني مافي أمل تأخذينها قبل كذا، والحمدلله أنا نجحت عندها بس مادري عن البنات بس أنا درجاتي عندها ماكانت تعجبني أحسها مو حلوة..
الله يوفقك بس هي شكلها الوحيدة اللي درس سنة ثالثة عقيدة لانها درستنا ترمين وحتى الدفعة اللي قبلنا الله يعينك..
ويارب ماترجع تدرسني مرة ثانية..