|
استفسار لبنات كليه المجتمع
السلام عليكم ورحمه الله وبركاته..
مرحبااا بناات الله يتقبل منكم بهذا الشهر الفضيل... بنات حابه استفسر عن الكليه هي اللي بالراكه صح؟ ابي اعرف نظام الدراسه هناك.. والدكتورات يسهلون والا ؟ والحين شلون اختار التخصص بعد سنتين؟ واذا جبت معدل اقدر ادخل نظم معلومات او حاسب صح مو هم اللي يدخلوني ع كيفهم؟؟ والحين مثلا اذا حمله ماده شلون يعني ماكمل الدراسه وشلون احصل ع معدل مثلا فوق 2لازم اجيب بكل المواد ايش؟؟ وبالسنتين فيه اوف والا؟؟ وهل هي احسن من كليه العلوم من حيث الدراسه وشكلا لان كليه العلوم يقولون دمار :011: وشاكره لكم ... لاني في حاله لايعلم فيهاا الا الله من التفكير .. والله يتقبل طاعتكم ياررب |
رد: استفسار لبنات كليه المجتمع
بلييز بناات محتاجه ردكم ~
|
رد: استفسار لبنات كليه المجتمع
وعليكم السلام ورحمة الله وبركاته
اقتباس:
اقتباس:
حسب معلوماتي لو كان معدلك التراكمي فوق 3 ( مو متأكدة كم المعدل بالضبط ) تقدري تختاري تخصص نظم معلومات ادارية وحاسب آلي لكن لو كان أقل حيكون قدامك اختيارين إما محاسبة أو تسويق اقتباس:
لا سمح الله وحملتي مادة حتعيدينها وطبعا حيتأثر معدلك لكن تكملين دراستك عااادي اقتباس:
أول ترم حتاخذي الجدول جاهز يمكن على حظك يطلعلك يوم أوف والأترام اللي بعدها انتِ تنسقي جدولك بنفسك وتختاري الأوقات اللي تناسبك واذا يمديك تحطي أربع أيام أوف وتتداومين يوم واحد ما في أي مشكلة http://www.ckfu.org/vb/images/icons/icon10.gif اقتباس:
ما ادري اذا كلية العلوم أحسن لأني ما أعرف عنها أي شي :119: هونيها وتهون يا أختي http://www.ckfu.org/vb/images/icons/icon21.gif اقتباس:
آمين ،، منا ومنكم |
رد: استفسار لبنات كليه المجتمع
وعليكم السلام ورحمة الله وبركـآآتهـ ..
اذا ماعليك امر انا قبولي بنفس هذه الكلية قلت بدامك حاطة الموضوع اسأل وياك خخ الحين احنا مقبولين كليه دراسات تطبيقيه وخدمة مجتمع يعني شلون اذا دخلنا نختار شي من الثلاث والا كيف لان السنوات الماضيه يدخلون تخصصهم من اول سنه وبالنسبة لنظم المعلومات هل الدراسه فيها ممتعة ؟؟والدراسه بالانجليزي والا ؟؟؟ وايش البرامج اللي يدرسونها ؟ في عندهم فتوشوب من ظمن الدراسه ؟؟؟ وايش تنصحون بنظم المعلومات والا كلية علوم الحاسب ؟؟ ادري طولت بأسالتي بس تكفون جاوبوني الله يكثر خيركم |
رد: استفسار لبنات كليه المجتمع
بنات حابه استفسر عن الكليه هي اللي بالراكه صح؟
يب الكليه بالراكه :) ابي اعرف نظام الدراسه هناك.. تدرسين سنتين في كليه المجتمع وسنتين في كليه الاداره والتخطيط والدكتورات يسهلون والا ؟ يسهلوون بس مو مرره مررره على حسب الدكتوره والماده والحين شلون اختار التخصص بعد سنتين؟ المواد في السنتين الاولى تقريبا نفس بعض يعني مافرقت وش تخصصك يعني تكوني بكلاس فيه بنات محاسبه وتسويق وحاسب كلكم تدرسون نفس الشي بس السنتين الي بعدها تختلف موادكم:) واذا جبت معدل اقدر ادخل نظم معلومات او حاسب صح مو هم اللي يدخلوني ع كيفهم؟؟ اي تدخلي بكيفك بس اذا معدلك اقل من المطلوب تختارين محاسبه او تسويق:) وبنات كثير يحولون من النظم الى محاسبه او تسويق يقولون صعب بس مدري والحين مثلا اذا حمله ماده شلون يعني ماكمل الدراسه تكملين يابعدي ولا كأنه صاير شي بس معدلك ينزل شوي وشلون احصل ع معدل مثلا فوق 2لازم اجيب بكل المواد ايش؟؟ اممم 2 مش صعبه ابد يعني لو كل موادك c اتوقع معدلك فوق 3 ان شاء الله وبالسنتين فيه اوف والا؟؟ انتي الي تسوين جدولك وتختاري اوقات دوامك :) وهل هي احسن من كليه العلوم من حيث الدراسه وشكلا لان كليه العلوم يقولون دمار :011: وشاكره لكم ... اي افضل بكثيييييييييييير لاني في حاله لايعلم فيهاا الا الله من التفكير .. حطي يدك في مويا بارده المبنى حلوو والتخصصات حلوه والدراسه بعد لاتحااتي دلبو والله يتقبل طاعتكم ياررب[/QUOTE] تقبل الله منا ومنك صالح الاعمال :s12: |
رد: استفسار لبنات كليه المجتمع
اقتباس:
احنا اخترنا التحصص السنه الي راحت من التقديم بس عادي مافرقت لان زي ماقلت المواد نفسها ماتختلف الا بعد سنتين تقريبا والدراسه حلووة بالنسبه لي مش شينه بس يختلف من شخص الى ثااني:cheese: وتدرسين بالعرربي بس في كم ماده انجلش وفي فتوشوب بس مش ماده اساسيه يعني تدرسين حاسب ومن ضمنه العملي اتوقع فيه فتوشوب وبالنسبه الى كليه علوم الحاسب اهي كليه قوويه كمستقبل بس كررررررف وكل شي بالانجلش واختبارات وكويزاات وصعبه شووي بس مستقبلها حلوووووو مره خاصه ان الكليه جديده انتو ثاني دفعه فيها وبالتووفيق ياااارب |
رد: استفسار لبنات كليه المجتمع
افدتوني كثير .. يعطيكمـ العافيهـ و الله يوفق الجميع
=) |
| All times are GMT +3. الوقت الآن حسب توقيت السعودية: 04:18 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه