ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)
-   -   بخصوص كـــــــــــــــــــل شي... (https://vb.ckfu.org/showthread.php?t=93651)

سمسونه 2010- 8- 31 11:38 PM
بخصوص كـــــــــــــــــــل شي...
 
مرحبا ..

ومبروك للكل ..

بصراحه عندي كذا استفسار..

واعرف بزعجكم...

بس عشان اشوف اذا اكمل والا اكنسل..

طبعا انا انقبلت ادارة اعمال ..الحمدلله يارب

وفي الاساس انا موظفة بنك... وويني ووين الدراسه من فتره عنها..
عموما مو هذا موضوعي...

اللي ابغى اعرفه اول حاجه بالنسبه لنظام البلاك بورد هل هو خاص في طلاب الانتساب والا التعليم عن بعد..

وهل يلزم حضور المحاضرات والا كيف... لاني مو قادره افهم الفكره احس شوشت..
واذا لازم احضر مصيبه لان ماعندي وقت.. وما احب احضر محاضرات

ثاني شغله بالنسبه لنا احنا اللي في الرياض الاختبارات راح تكون وين>>>>>>> اعرف بدري على هالسؤال بس ابي افهم كل شي من اللحين عشان ما اتبهذل بعدين

الله يسعدكم ياليت تفيدوني

وبس يجي في بالي شي ثاني راجعتلكم..

ھډۄء ٲڼٽۍ☺ 2010- 8- 31 11:44 PM
رد: بخصوص كـــــــــــــــــــل شي...
 
الي اعرفو لازم تحضري المحاضره على جهازك وان شاء الله يفيدونك

**Besho0o** 2010- 8- 31 11:51 PM
رد: بخصوص كـــــــــــــــــــل شي...
 
شفي اختي بخصوص المحاضرات ماعتقد انك لازم تحضرين لانه انتساب
اما مكان الاختبارات اذا كنتم اكثر من عشرين طالب يفتحون لكم مقر ااما
ذا كنت اقل عاد الله يعينك اقرب مكان عندك تروحين تختبرين
انشاء الله اكون افدتك

عزيز 2010- 9- 1 12:05 AM
رد: بخصوص كـــــــــــــــــــل شي...
 
حياك الله

انا مثلك انقبلت في نفس القسم

اما عن طريقة الدراسه

فعن طريق البلاك بورد تدخلين بالباسوورد حقك والدكتور يسجل حضورك بمجرد دخولك وتستطيعين ان تشاهدي المحاضرات على الهواء مباشره او مسجله وسوف تجدين كل شي عن دراستك وعن المراجع والملخصات وكل شي في بالك


يعني دراستك عن طريق جهازك في البيت ولاتحضرين الجامعه ولاتشوفيها اصلا وحتى شهادتك يرسلونها لك

يعني لسان حالهم ( مانبي نشوفكم نرسل لكم كل شي وانتوا في مكانكم لاتغثونا) ههههههه


اما عن الاختبارات
فراح تكون في الرياض في مجمع مدارس اهليه نسيت اسمها بس راح تعرفينها من خلال الموقع وهي على حسب علمي بين مخرج 15 و 14 في شرق الرياض

وطريقة الاختبار سهله عباره عن اختيارات تختارين والنتائج برضوا عن طريق موقع الجامعه وحتى اذا اردتي ان تاخذي اجازه اختبارات فهناك الجدول الخاص بك مكتوب فيه اسمك وجدول الاختبارات ومختوم بختم الجامعه
بس لازم توفرين طابعه ملونه عشان يطلع الختم ملون ويكون رسمي وهو معترف به نظاميا


واي استفسار انا او الاخوه هنا في الخدمه


كل هذه المعلومات اخذتها منهم فديت خششهم ولا يحرمنا الله من نفعتهم فهم اثبتوا بجداره انهم حقين فزعه

وسلااااااااامتك

سمسونه 2010- 9- 30 07:38 PM
رد: بخصوص كـــــــــــــــــــل شي...
 
الله يسعدكم يارب ويوفقكم..تسلمون وماقصرتو

سمو الإحساس 2010- 9- 30 09:08 PM
رد: بخصوص كـــــــــــــــــــل شي...
 
مادام سجلتي يااختي لاتفكرين أبدا بالانسحاب
الحضور غير اجباري وبامكانك استعراض المحاضرات مسجله يعني بوقت فراغك
وحتى الاختبارات ان شاء الله راح تكون في فترة مسائية ،

واصلي وربي يوفقك ويوفقنا جميعا ان شاء الله .


All times are GMT +3. الوقت الآن حسب توقيت السعودية: 04:06 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه