|
شهاده الثانوي
السلام عليكم ورحمه الله
الحمدلله تم قبولي في ادارة الاعمال وانشاء الله يجي اليوم الي ابارك لكم فيه بالتخرج. اخواني احتاج منكم تدلوني على حل لمشكلتي وهي ان شهاده الثانوي ضايعه وعندي صوره فقط وهي الي اخذت منها البيانات في التسجل والحين لاكمال التسجيل يحتاجون مني اصل الشهاده فياليت احد يفيدني بالمعلومات كامله وبكل الخطوات لاستخراج بدل فاقد لاني لا اعلم كيف الطريقه ولا املك اي معلومه مع العلم انا من سكان الرياض وشكرا لكم |
رد: شهاده الثانوي
هلابك أخوي وموفق إن شاء الله
على حسب ماقالوا الشباب في أحد المواضيع لو إنت خريج ثانويه عامه .. تروح لـ وزارة التعليم < دامك ف الرياض .. وماتطول السالفه .. كلها يومين وتخلص يحتاجون منك تبرير عن فقدان الشهاده < عاد إنت عليك الفيلم أما لو تجاري أو صناعي < تروح لـ الكليه التقنيه .. وتسألهم هناك عن القسم المخصص وموفق |
رد: شهاده الثانوي
الجامعه طبعا تشترط شهادة الثانويه الاصليه
وانت بهالفترة حاول تطلع بدل فاقد عن طريق ادارة التعليم او عن طريق المدرسة الثانويه الي حصلت على الشهادة الثانويه منها |
رد: شهاده الثانوي
متاكدين أن شهادة الثانويه الأصليه ضروريه يعني صوره طبق الأصل ما تنفع ..
|
رد: شهاده الثانوي
شكرا لكم اداره التعليم وينها وش طلباتهم مع العلم انا متخرج عام 1419
شكرا لكم |
رد: شهاده الثانوي
وعليكم السلام ورحمة الله
السنه الماضيه كان عندي نفس مشكلتك وذهبت لوزارة التربيه وطلعت بدل فاقد في نصف ساعة ولكن يجب عليك ان تعلن في الجريدة اولاً عن فقد الشهادة اتمنى لك التوفيق |
رد: شهاده الثانوي
شكرا ابو فارس وياليت توضح اكثر في اي جريده اعلنت ووين موقع الوزاره بالرياض واي اداره اراجع فيها اختصارا للوقت ووش الاوراق المطلوبه عشان اروح لهم وكل شي معي
شكرا لك |
رد: شهاده الثانوي
يا اخوي وسع صدرك انا متخرج من 14 سنه والشهاده ضايعه اخذت صوره من الشهاده ورحت لوزاره التربيه والتعليم و ختموها لي طبق الاصل و كلمت الجامعه وقالوا لي الجامعه تقبلك بس في المستقبل تجيب الشهاده الاصليه حليلين جامعتنا ترا ومنتدانا احلى.
:m23asmilies-com: |
رد: شهاده الثانوي
السلام عليكم
لكي تعم الفائده للجميع الحمد لله استخرجت شهاده بدل فاقد اليوم واستلمتها وللفائده كانت الاجراءات كالتالي: الموقع وزاره التربيه والتعليم طريق المطار القديم جمب زارة الصحه مبى الاختبارات رقم 13 المطلوب صوره الشهاده ان امكن صوره بطاقه الاحوال بنفس الوقت تاخذها او من بكره والي جاب يترجم شهادت بعد قسم الترجمه في المبنى الرئيسي مطلوب صوره الشهاده وصوره الجواز مريت وترجمتها شكرا لكم |
رد: شهاده الثانوي
قرّت عينك ياخوي
مبروك استخراج الشهاده الجديده يالله الحين تطمن بتصير في مستودع الامانات بالجامعه عقبال ما تاخذها مع وثيقة تخرج الجامعه :) |
| All times are GMT +3. الوقت الآن حسب توقيت السعودية: 11:43 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه