|
ارجوا المساعدة من اخواني
السلام عليكم ورحمة الله وبركاته
بغيت استفسر من اخواني الي خلصوا السنه التحضيريه لاني انقبلت وماني عارف شي بخصوص الدراسه اللهم اني اعرف انها باللغة الانجليزيه . السؤال هل اول مادخلتم الكلية تعروفون تتكلمون باللغه الانجليزيه لاني والله ماعرف شي بالانجليزي ؟؟؟؟ وشايل هم:Cry111: والله من الحين ابي اعرف هل اذا شديت حيلي معهم اول باول امشي باللغه ولا لا :s12: ارجووووو التفاعل من الي خلصوا السنه التحضيرية :mh19: |
رد: ارجوا المساعدة من اخواني
أخي أنا خريج كلية الجبيل الصناعية برنامج البكلوريوس
أول ما دخلت الكلية حالتي نفس حالتك ويمكن أردى لاني تخرجت من الثانوية وأزفت درجة عندي الإنجليزي بس الحمدلله ألحين الإنجليزي بالنسبة لي لغة سهلة وحسافة اني ما درستها عدل في الثانوية والسنة التحضيرية تحتاج منك متابعة لأن اللغة تعتمد على الممارسة مو فقط الحفظ وانتبه من الناس اللي يحطمون في الكلية لأن هذولا ما راح يبقى منهم أحد في الكلية ولا تمشي مع ناس استهتاريين وألزم ما عليك دراستك أتعب ألحين وبترتاح في المستقبل |
رد: ارجوا المساعدة من اخواني
الله يعطيك العاااافيه اخوووي
واشكرك على تفاعلك مع الموضوووع |
رد: ارجوا المساعدة من اخواني
راح اعطيك نبذة مختصرة عن مناهج الانجليزي في الكلية
السنة التحضيرية : English I : وهي مجموعة من الكتب عددها 12 كتاب + جرامر اللون الاحمر كل اسبوع تاخذون كتاب والاسبوع الي بعده كتاب جديد وهكذا لحد اخر اسبوع في الكلية وكل كتاب مستواه اصعب من الي قبله .. مثلا الكتاب الازرق ابسط من الاخضر واسهل من الاصفر وهكذا .. هذي الكتب فيها مهارات عديدة مثل : كتابة وقراءة وكلمات جديدة واكما فراغات واستماع .. الخ تبدا من الاسهل فالاصعب .. فلا تخاف من هذي الناحية .. راح يبدون معاك من الـ أ لحد الـ ي English II : نفس الترم الاول من السنة التحضيرية راح يكون 12 كتاب بس مستواها متقدم شوي وكلمات جديدة راح يكون التركيز فيه على الكتابة والكلمات الجديدة .. انتهينا من التحضيري .. نبدا بالتخصص English III : هذا كورس كامل في الكتابة .. زي كتابة القصص والكتابة الوصفية والتفصيل وكلها ماتنقص عن 200 كلمة :) بس ماراح تكون واصل لهذا الكورس الا واساسك مبني كويس . :) English VI: هذا الكورس متخصص في SPEAKING التحدث .. راح يكون عندك 4 مشاريع في الترم الاول تطلع وتتكلم عن نفسك قدام الطلاب .. والثاني تتكلم عن اي موضوع يعجبك .. والثالث نفس الشي والرابع راح يكون مجموعة طلاب من 2 الى 3 يتكلمون عن موضوع معين طبعا تستخدم فيه البوربوينت واللابتوب .. :) ايظا لاتخاف .. راح تكون واصل الى مرحلة بامكانك التحدث جيدا .. الاخير Technical Writing اخر كورس انجلش في الكلية .. هذا الكورس متخصص في كتابة التقارير وكتابة الرسائل كورس بسيط من ابسط الكورسات في الكلية .. هذي نبذة مختصرة اتمنى اني افدك فيها اي استفسار حاضر |
رد: ارجوا المساعدة من اخواني
الله يوفقك
بس يا شباب جتني رساله على جوالي من الكليه الجبيل كلها انجليزي وارقام وخربطه ما دري شلون رحت دخلت على الموقع ودخلت رقم بطاقه الحوال المدنيه طلعت لي صفحه مكتوب فيها غير مستمع شلون يعني ..؟؟ ممكن تساعدوني لاني على اعصابي |
رد: ارجوا المساعدة من اخواني
لو تكتب محتوى الرسالة يمكن نساعدك
|
رد: ارجوا المساعدة من اخواني
محتوى الرساله شلون ارقام مع حروف انجليزيه مدري شلون حتى ما تنقرا
|
رد: ارجوا المساعدة من اخواني
يمكن انقبلت .. مبروك
لانهم رجعوا ايقونه القبول بس لحد الحين ما انفتح السيستم شيك اليوم الساعة 9 الصباح او قبل يمكن تنفتح او اتصل عليهم واسالهم اذا فيه قبول الاسبوع هذا |
رد: ارجوا المساعدة من اخواني
حتى انا غير مستمع لآكن ماجاتني رسالة
|
| All times are GMT +3. الوقت الآن حسب توقيت السعودية: 08:57 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه