|
المكافئة طلاب
سلااام
انا في قبلوني كليه الاداب علمي وشهادتي علمي كم المكافئه ..؟ وانا بدرس سنه وابي احول وش اقدر اسوي ووش تنصحوني ..؟ |
رد: المكافئة طلاب
المكـآفأه بالضبط 840 ريال
تنزل في تاريخ 28 من كل شهر بالنسبه للتحويل في خطوات بالاول شد حيلك وخذ المواد السهله حتى تنجزها وانتبه تخفق في وحده منهم ولآبد انك تتخرج من السنه التحضيريه بمعدل 3 ونص وطــآلع واكيد الطلاب راح يساعدونك في اختيار الدكاتره شئ آخر لابد لك من ان تنجز 24 ساعه خلال الترمين وانا افضل انك في الترم الاول تنجز 12 ساعه وفي الترم الثاني 12 ساعه وبكذا بتنجز 24 ساعه وبدون ضغوط وبإختيارك سواء ترتب جدولك مســآئي او صبــآحي " السـآعآت اختيـآريه " كل يوم محاضرتين , وتخلي لك يوم ooff " فــآضي " بس رتب جدولك من وقت وقبل تقفل الشعب عليك واحنا هنا وماراح نخليك راح نساعدك بقدر المستطاع واتمنى اني افدتك واي سؤال انا حاضره والسموووحه اذا طولت عليك وبالتوفيق لك يارب ~.. |
رد: المكافئة طلاب
..
عسولهَ يعطيك العافيه ع المعلومات:love080: بس لما نرتب الجدول احنا نختار يوم الاوف ؟؟؟ ولما نطبع الجدول نوديه معنا اول يوم ؟؟ طيب وكيف نعرف المواد السهله :(:011: معليش دخلت عرض هع َ:cheese: مشكورهٍ:love080: |
رد: المكافئة طلاب
ربي يعافيك يالغلآ وأنــآ مـآ عملت الآ وآجبي وأقل
شوفي ياقلبي بالأول رآح تنزل الخطه للجدآول اللي اهي " اسماء الموآد ووين موجود الجدول للماده " أنتي راسليني ع الخـآص و اذا تحبي تكتبي موضوع وان شاالله ماراح اتركك بخبرك بالمواد السهله والدكاتره الأحسن والي انا درست عندهم تطبعين الجدول وتودينه بس مو لهم لا لك انتي .. اطبعيه لك وخليه معاك على طول حتى ماتنسين رقم الشعبه والمباني واذا ماعرفتي اي شي خبريني وانا بالخدمه واتمنى لك التوفيق ~.. |
رد: المكافئة طلاب
أن ششـآءالله
(l) :$ |
رد: المكافئة طلاب
اختي طيب متى اسوي الجدول عشان الحق قبل تقفل الشعب
وثانيكو تعبتك وياي |
رد: المكافئة طلاب
مشكوره عسوله على هل المعلومات طيب الحين الدكاتره حق البنات نفسهم يدرسون الشباب ولا ؟
هم قالو نجي الجامعه يوم 16 طيب بهل اليوم شراح نسوي فيييه وكم الساعه نروح ؟ |
رد: المكافئة طلاب
الجدول تسويه في 16 شوال
____________ جوزيف بعضهم يدرسون بنات ورجال وبعضهم مقتصر على جنس واحد اما المدرسات للبنات فقط __________ يوم 16 تسجيل الجدول ماهو الدوام ________ حضورك على حسب موعد محاضراتك بتخيليها 7 ونص تجي في وقت المحاضرة بتخليها العصر تجي العصر وهكذا |
رد: المكافئة طلاب
مشكور ويعطييييييك العافيه
طيب وش هي المواد السهله والدكاتره الزينين ؟ معذرة ً اذا ازعجناكم وتعبناكم |
رد: المكافئة طلاب
عادي مافيها ازعـآج ولآتعب
بالنسبه للموآد السهله التحرير العربي >> مثل الإملآء .. ويعتمد على الدكتور تقنية المعومـآت سهل >> أهو صدق كثير لآكن يحتاج لمتـآبعه أول بأول لأن المعلومات على سهولتها الا لأنها كثيره التلآوه والتجويد >> حلو تقييم قرآن تقرأ قرآن وترآعي التجويد وتختبر في التجويد .. خرابيط .. اخفاء .. اظهار وكذا فقه السيره >> عاد هذآ رهيب كله قصص عن النبي عليه افضل الصلاه والتسليم وكلها ماره علينا وسهل بس أخذه عند دكتور تمام العقيده الإسلاميه >> توحيد الربوبيه والالوهيه ووو حقين اولى ابتدآئي اشياء حافظينها خذها عند الدكتور محمد عبد الدآيم الأخلآق >> هذا حلو بسسس يعتمد على الدكتور ويعتمد على تركيزك والمذاكره اليوميه علم إجتمـآع >> هذآ روعه ومثل التربيه الوطنيه حقت الأولآد .. كله درآسـآـ عن المجتمع مهارات التعليم والتفكير >> يعتمد على تفكيرك وتركيزك في نفس المحاضره والمشاركه وآدآء وآجبـآت المـآده اول بأول هذه الموآد السهله بس أرجع أقول تعتمد على الدكتور نفسه وتعـآملك معـآه وخذوهـآ مني نصيحه .. لآتحضر نفسك وتطلع .. ترى في أسئله تجي من المحاضره وحـآول مـآتغيب عن المحاضررات المهمه .. شئ آخر طيب النفس مع الدكـآتره وشارك وخلهم يعرفونك على الأقل تضمن 10 درجات اذا في نشآطـآت أول وآحد قدمهـآ مااقصد نشاطات الكليه لا اقصد النشاطات الفصليه مثل شرح محاضره او تقديم عمل او اي شئ من كذا .. واذا في وآجبـآت برضوآ لآتخليها وبرضوآ اذا عجبك موضوع تقدر تسوي مثل ماسويت انا كانت عندنا محاضره عن التدخين دخلت القاعه قبل البنات وعملت منشورات ووزعتها على الطـآولآت وجهزت القاعه من رسومات وتغليف وسويت ميدليات فيها زقاير وعليها علآمة ممنوع التدخين وشعارات للتدخين وكذآ يعني خلآص كذآ الدكتور يحطك براسه ويعطيك الـ 10 وذآكر أول بأول أتعب شوي بس والنتـآئج رآح تفرحك وتسعدك 1) معدل رائع 2) فوق الـ 4 وهذآ يتيح لك مجال للتحويل لو ماارتحت في الكليه 3) لو صـآر 4 فاصله 60 تاخذ تفوق 5) شهادة تكريم 6) رحلآت جـآمعيه الى المؤتمرآت وغيرها وأتمنى لك التوفيق ~.. |
| All times are GMT +3. الوقت الآن حسب توقيت السعودية: 02:29 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه