ملتقى طلاب وطالبات جامعة الملك فيصل,جامعة الدمام

- منتدى كلية الجبيل الصناعية (https://vb.ckfu.org/forumdisplay.php?f=84)

- - لأهل الخبره ... (https://vb.ckfu.org/showthread.php?t=92030)

لأهل الخبره ...

السلام عليكم ... انا انقبلت في كلية الجبيل الصناعيه و الحمدلله . بس عندي كم استفسار :

انا عملت كل الاجراءات المطلوبة و اخذت الكتب و الملابس بس باقي السكن و البطاقه ... قالو لي تعال اول يوم

دراسه و نشوف لك سكن و نعطيك البطاقه . بس انا اذا رحت اول يوم وش اسوي ؟ على طول اقول لهم عطوني

السكن ؟ و هل الدخول للكليه لازم ببطاقة الكليه ؟ لانهم ما عطوني بطاقة الكليه . و اول يوم وش اجيب معي ؟ الورقه

اللي فيها الاجراءات ؟ و الكتب كلهم ؟ و هل لازم البس الملابس اللي عطوني اياهم ؟ لانه اول يوم يمكن ما فيه

دراسه يعني ما يصير البسهم ع الفاضي .

استفسار اخيير : بطاقة الكليه وش فايدتها ؟ لان كثير من اللي اعرفهم ما عطوهم هالبطاقه يعني اكيد مش بطاقه

للدخول و اذا انا غلطان اتمنى تصلحون لي .

و اسفين على الاطاله

رد: لأهل الخبره ...

[
align=center]
اوووول شي الف مبرووووك واسااالتك وربي مهــمه وعسى الله يوفقك
يا اخوووي هم ما عطووك شي عن السكن صح ترا على فكره على اللي سمعته ان مو كل الطلاب لهم سكن
هااذ اللي سمعته وعسى الله يوفقك
ولو عندي خبره كااان فاديتك
والله يوفقك اخووي
[/align]

رد: لأهل الخبره ...

الله يبارك فيك اخوي مشكووور ع الرد و انا انتظر اهل الخبره يردون على استفساراتي لان اجابات هالأسئلة مهمة لكل طالب مقبول و ما عطوه سكن و لا بطاقه ...

رد: لأهل الخبره ...

[align=center]اوكي اخوي أنا بالانتظار[/align]

رد: لأهل الخبره ...

وعليكم السلام ورحمه الله وبركاته

مبروك القبول abq في كلية الجبيل ومرحبا بك بيننا واتمنى لك التوفيق والنجاح

بالنسبة لاستفساراتك

راح ابدا بالاهم ..

بطاقة الكلية هي اثبات للطالب لانتمائه للكلية ..

ماتقدر تشتري كتب الا من خلال البطاقة
ماتقدر تاكل من المطعم الا من خلال البطاقة
ماتقدر تخش الكلية ( بعض الاحيان ) الا من خلال البطاقة
ماتقدر تاخذ سكن الا من خلال البطاقة
واشياء كثيرة اخرى

فالبطاقة مهمة جدا والدليل انهم سلومكم البطاقة في بداية القبول

الاستفسارات الاخرى

بالنسبة لاول يوم ماراح يكون فيه دراسة
راح يكون يوم تعريفي للطلاب .. عن انظمة الكلية وعن التخصصات الى اخره
اتوقع راخ يبدا من 7 ونص الى 10 او 11

فالامر يرجع لك .. اذا تبغى تحضره عشان تستفيد وتاخذ نظرة كاملة وفكرة واضحة عن الكلية
عشان ماتجي بعدين تقول ماعرفت او مادريت ..وانا انصحك انك تحضره

او انك تسحب عليه وتروح للسكن وتاخذ سكنك

لانه راح تكون على مكتب الاسكان زحمه خيااااااالية جدا خصوصا اول يوم

والدراسة باذن الله راح تبدا يوم الاحد ولازم تجي باليونيفورم ( الملابس الي عطوك اياها )

واول يوم تقدر تجي بلباسك العادي ثوب وشماغ او اي شي

اتمنى اني اكون افدتك
اي استفسار انا حاضر

رد: لأهل الخبره ...

مشكووووووور اخوي بو خليل ما قصرت و الله ... بس انت غلطان انا ما عطوني بطاقة الكليه الى الان قالو لي اول يوم نشوف لك سكن

و نعطيك البطاقه ... و ما جاوبت على بعض الاستفسارات مثل : هل اجيب الكتب كلهم يوم الاحد ؟ و لا يوم السبت يعطوننا الجدول ؟

و بالنسبه للسكن وين اوح ؟ اكلم الموظفين و لا دايركت اروح المكتب حق الاسكان ؟

و مشكووووووور مره ثانيه ع الافاده و اتمنى اني ما اكون ثقلت عليك بس

رد: لأهل الخبره ...

اقتباس:

المشاركة الأصلية كتبت بواسطة طارقtariq (المشاركة 1417116)

اخوي ماقصر معااك

موفق بإذن الله ... لك مني أجمل تحية .

الله يوفق الجميع و مشكووور على الاهتمام

رد: لأهل الخبره ...

يوم الاحد استلم البطاقة بالاول وبعدين دايركت على مكتب الاسكان والورقة حقت التسجيل معك

- بالنسبة للكتب راح ينزلون الجداول قبل الدراسة باسبوع وطبعا على حسب الجدول راح تعرف ايش تجيب
وغالبا راح يكون الكتاب الازرق الي مكتوب عليه رقم 1 مع كتاب القرامر الاحمر + الدكشنري

اقتباس:

اتمنى اني ما اكون ثقلت عليك بس

خذ راحتك ابدا اسعد باستفساراتك واسئلتك واي سؤال انا مستعد