ملتقى طلاب وطالبات جامعة الملك فيصل,جامعة الدمام

- ملتقى الفنون الأدبية (https://vb.ckfu.org/forumdisplay.php?f=150)

- - قصيدة رائعة اهديها الى .... (https://vb.ckfu.org/showthread.php?t=90899)

قصيدة رائعة اهديها الى ....

هذه القصيدة منذ الوهله الاولى احسست انها تلامس مشاعرنا بشكل كبير
واحب ان اهديها الى من يدرك انها له...

ما يشبهون لبعضهم يا صاحبي فيه اختلاف

اللي نوى خير وعمل واللي نوى شر وعمل

الخير واجد لو نبي والشر فالعتمه يشاف

لو يختفي ما يختفي إلا على واحد جهل

اليوم لو نزرع امل.. بكرا نبي جني القطاف

ننسى مشاركنا الفرح نذكر مشاركنا الزعل

اللي يموت من الغرق لو عاش ما اختار الجفاف

تناقض الرغبه قدر محدٍ يخطط للفشل

اسهل نصدق كذبنا ونشوف خلق الله نظاف

صعبه نصدق حلمنا لو حلمنا صدفه حصل

نضحك على كثر التعب ما نعتبر من شي طاف

في كثر ما نلقى فرح يا كثر ما مات الأمل

وين الصديق من العدو اشباه والنيه ضفاف

وين القلوب الطاهره اللي تبادلنا الوصل

ما هو قوي اللي قدر يضحك على قلوب الضعاف

دام الهوى ضعف البشر ما سمي الخاين بطل

فعيوننا شيٍ غريب نظرات ما فيها اعتراف

كلٍ تغير معدنه من قسوته محدٍ خجل

لو قلتلي يا صاحبي.. يا صاحبي فيه اختلاف

طبعاً ترى حنا بشرما فينا واحد اكتمل