|
استفسار عن ما بعد استلام الكرت الجامعي
بسم الله الرحمن الرحيم ...
الحمد لله اكملت فتح الملف و استلمت كرت الجامعة ^^ .... في المرحلة الثانية : أولا : ورقة الخطوات اخذت مني و لم استلم الكتب و لا السكن .. و قالوا ان السكن و الكتب بعد اكثر من شهر ^^ حبيت اعرف الموعد بالضبط . ثانيا : حبيت اعرف موعد اختبار قياس المستوى و طبيعة الاسئلة . ثالثا : انا من سكان الدمام و باخذ مشوار من الدمام للكلية حدود 1:00~1:30 ساعة فإذا لم احصل على سكن في الكلية كأني لم اقبل بها اصلا (مستحيل اضرب مشوار كل يوم للجبيل و الطريق كله حوادث و مصايب الله لا يواريكم ) ... ^^ رابعا : علمت ان السنه الأولى رياضيات و لغة فقط --- هل الكلام صحيح ... في النهاية اسف طولت عليكم --- مو مستعجل على الأجابات ^^ |
رد: استفسار عن ما بعد استلام الكرت الجامعي
مبرووك اخوي على القبول وعقبال بقية من سجل في هالكلية ... 1/ بالنسبة لموضوع الكتب اتوقع راح تاخذها اول يوم دراسي او ثاني او ثالث مو مهم يعني .. لانه هذا اللي دايما يصير ويانا اما السكن ماعندي علم عنه بس مدام قالوا لك اكثر من شهر يعني على بداية الدراسه على العموم خل بينك وبينهم اتصالات لتعرف التفاصيل بالضبط 2/ برضووا موعد اختبار قياس المستوى ماعندي علم بموعده .. والاختبار اصلا مو مهم بس عشان يحددون اي شعبه تناسبك اكثر .. يعني مستويات هي .. يحطونك مع الناس الصفر انقلش .. او اللي نص ونص .. او التوب ولا له علاقه بالدرجات ولا غيره اما طبيعته فهو اساله انقلش بس وعاديه .. ونصيحتي حل اللي تعرفه واترك اللي ماتعرفه فاضي احسن لك 3/ لا تخاف اخوي انت يحق لك تاخذ سكن والميزة هنا السكن مو داخل مبنى بل هي اصلا كانت غرف للعزاب وخذوها الكلية .. بمعنى لا رقابه على الغرف ولا شي .. تبي تركب تلفزيون اي شي محد حولك .. بس طبعا بيحطون واحد وياك بالسكن 4/ السنة الاولى اللي هي السنه التحضيرية بتدرس اول سمستر .. ( ماث 1, انقلش 1, مبادى الكمبيوتر1, ورياضة) والسمتر الثاني(ماث 2, انقلش 2, مبادى الكمبيوتر2 , فيزياء وكيمياء) علما ان الفيزياء والكيمياء تعتبر ماده وحده وطبعا الانقلش والماث هي اللي تحتاج شوي شده حيل والبقية سهلات وبسيطه .. ولازم تعرف ان درجاتك بالانقلش والماث هي اللي تساعدك في تحديد تخصصك في حال كان المتقدمين على التخصص عدده كبير. وحياك اخوي وان شاء الله قدمت لك افادة .. |
رد: استفسار عن ما بعد استلام الكرت الجامعي
هلا والله بك اخوي
انا ما بزيد على كلام اخوي طالب وبس الا بمسالة الكتب لان ما شاء الله عليه كفى ووفى الكتب باذن الله بيكون عندنا مشروع جبار ولا كلية ولا اي جامعه قد سوو هذا المشروع او الخطه هذه من قبل الا وهي خطة توزيع الكتب وهي كالتالي بكون هناك اربع شبابيك وكل طالب يكون له وقت محدد لاستلام كتبه يعني مثلا الطالب خالد يرسل لجواله يجب الحظور الساعه 8:25 دقيقه لشباك رقم 5 وهذا سيكون بمساعدة اخواننا بلجنة الكشافه وشكرا واتمنى اكون افتدك اخوك الرجاء |
رد: استفسار عن ما بعد استلام الكرت الجامعي
ماقصروا الاخوان
بس بقول بالنسبة لاختبار تحديد المستوى غالبا يعقد أول يوم دراسة اللي هو رح يكون 16 شوال بإذن الله موفق |
رد: استفسار عن ما بعد استلام الكرت الجامعي
[align=center]
وفقكم آلله جميعـآ مأقصروآ آلشبـآب جزآهم ربي كل خير آجـآبـآت موفقة دمتم بـ/ خير ^.^ [/align] |
رد: استفسار عن ما بعد استلام الكرت الجامعي
بسم الله الرحمن الرحيم ... أشكر جميع الأخوه الذين أجابو عن أسئلتي و أتمنا لهم دوام الصحه و العافيه . ^^ |
| All times are GMT +3. الوقت الآن حسب توقيت السعودية: 06:09 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه