ما قبلوني طب ! بجلس في البيت ..
 

بسم الله الرحمن الرحيم

السلام عليكم و رحمة الله و بركاته

تحية طيبة و بعد ...

الكل هذي السنة متأزم و يحس إن الامور فوضى هذي السنة و نتائج القبول أغلبها غير مرضي ... الخ من هذه الاسباب ..

تدرون إيش السبب الرئيسي ورى كل هذا ؟

( فصل جامعة الملك فيصل بالاحساء عن الدمام )

في قديم الزمان << وسالف العصر و المكان , كانت الاحساء و الدمام جامعة وحده => التسجيل مره وحده , يا دمام يا حسا تختارين !

لكن عند الفصل => الكل صار يسجل بالمكانين !

و ما شاء الله .. الي بالدمام و القطيف شطار كثير و نسبهم الموزونة جدا عالية , لذالك صار ارتفاع بالنسب لهذه السنة , و لكن ..

بعد ما كل بنت اختارت قسم واحد , بدل ما تصير مقبولة بأكثر من مكان => توفر شواغر كثيرة و بالتالي طلعت اسماء لبنات و لكن بعد شوية تأخير ..

كل الي اطلبه منكم يا خريجي و خريجات هذي السنة ..

صبر جميل و الله المستعان => لا تتأزمون ! لا يصيبكم احباط ! الي ما قبلوها طب هذي السنة لا تجلس بالبيت !

لان التسجيل في الكليات الصحية يسمح فقط لخريجي نفس السنة

يعني تضييع سنة من عمرك تقضينها في البيت ما بتفيدك !

ثم انتم تلاحظون !

مع كل سنة تقدم , الناس تتشطر و النسب تزيد كثير ..

يعني ايش يظمن لكم يلي تفكرون تجلسون بالبيت ان يجيكم قبول السنة الجاية ؟؟

اتمنى منكم تفكرون بهدوء و تاخذون الامور بشكل اكثر عقلانية !

ما انقبلتوا طب ! طيب ! انقلبت الدنيا ؟؟ ايش الي يظمن لكم انكم لو دخلتوه راح تعدون سنة اولى ؟ او ايش الي عرفكم ان هذا القسم هو الانسب لكم ..

يمكن تقولون انتي تدرسين طب و الي ايده بالماي مش مثل الي ايده بالنار ..

لكني اقسم لكم ! ان الله سبحانه و تعالى ادرى بمصلحة كل فرد وين تكون ! و بنفس الوقت .. وين إيمانكم بالله ؟

قل يا عبادي الذين آمنوا لا تقنطوا من رحمة الله !!

ادعوني استجب لكم !

عسى ان تكرهوا شيئا و هو خير لكم

الى هذه الدرجة مش مقتنعين بلي ربي قسمه لكم !

من الخطأ الجلوس في البيت و ندب الحظ ! كل هذي الاشياء ما بتفيد !

بتقولون حلمنا من كنا صغار !

طيب هو " حلم " و ربي ما كتب انه يتحقق !

طيب ! تبغون طب ! .. الي حلمها طب , لسى ما ضاع الامل ,, في بعثات خارجية ممكن تروحها ! و البعض يسجلون في جامعات المملكة البعيدة زي في جده و مدري وين و احيان يقبلونهم ..

على ما تصير كل هذي الامور السنة الجايه ..

لابد تحركون عمركم شوي , تتعلمون " لوجه الله " مش ضروري انا ما احب هذا القسم ما بدرس بجلس في البيت !

هذا حنا في المدرسة ندرس امور ما نحبها غصب عنا

كيميا و فيزيا و تاريخ و جغرافياا و مع ذالك نكون ساكتين !

انا كتبت هذا الموضوع فقط عشان الي في بالهم معتقد بنجلس في البيت ! و ما بندرس في شيء غير طب !

طبعا احتمال يكون في دفع ثانية و تنقبلون فيها

لكن الى ان يحين موعد هالشيء

ارضو بقسمة الله

و انا ابصم لكم بالمية مش بالعشرة بس ! ان لله حكمه في وضع الشخص المناسب في المكان المناسب ..

الي بتضيع عليها فرصة قبول هذي السنة

خل تتأكد ان نسبة قبولها في السنوات الجاية تقل بشكل تدريجي ..

موفقين جميعا ..

رد: ما قبلوني طب ! بجلس في البيت ..
 

السلام عليكم ورحمة الله وبركاته

اختي ارجوان رائيك جدا جدا جدا سليم فعلا عملية الفصل ردت بنتيجة سلبية ع طلاب وطالبات السنة هادي وبعد الطلبة السنة هادي صار عندهم وعي اكثر من طلاب السنوات السابقة من ناحية القبول ولاختبارات القدرات والتحصيلي ---والخ بصراحة اشكرك ع طرحك الاكثر من جميل لهدا الموضوع فعلا لااحد يضيع فرصة القبول لهسنة لانة الواحد مش ضامن والله يوفق الجميع ولايضيع تعب مسلم يارب وجزاك الله ع رائيك الرائع ودعمك الدائم اخت ارجوان
تقبلي مروري وشكرا لك

رد: ما قبلوني طب ! بجلس في البيت ..
 

و عليكم السلام و رحمة الله و بركاته

الشكر الجزيل لمرورك جبروت ابتسامة

يسعدني مشاركتك بالموضوع

و أتمنى الكل يطلع عليه للاستفادة ...

ما ابغى حد يخسر سنة من عمره و يقضيها في البيت علشان ما انقبل في الطب ..

رد: ما قبلوني طب ! بجلس في البيت ..
 

صح لسانكـ حبيبتي أورجوان


أنا طالبة متفوقة ومعدلي جدا عااالي

وكنت أطمح للطب

إذا مو طب صيدلة

لكن للأسف لم يتم قبولي لافي هذي ولا في الثانية

تحطمتـ وحزنتــ لكن ماقدرت أوقف مستقبلي على طب وصيدلة فقط

وأجلس بالبيت ...

الحمدالله تم قبولي بالرغبة 3 علووم

ويوم عن يوم اقتنعت بالعلووم

( الخيرة فيما أختاره الله )

يمكن أنا وغيري نطمح للطب

لكن الله أعلم إذا بنقدر عليه وإلا لا

وكل وحدة تقتنع بالمكان اللي قبلها أفضل من قعدتها بالبيت

..

أورجوان يعطيك العافية

وبالتوفيق للجميع

رد: ما قبلوني طب ! بجلس في البيت ..
 

السلام عليكم و رحمة الله و بركاته

موضوع قمة الروعة

حطيتي ايدك عزيزتي على الجرح بالضبط

فعلا فصل الجامعتين

سوى نتيجة سلبية للطالب و خصوصا الاحسائيين <<ان شاء الله جمعتها صح

بنات لاتيئسوون الطب مو اخر الدنيا

انا اعرف وحدة ما قبلوها طب في الاحساء و الدمام

بس قبلوها تخصص ثاني ما وقفت الدنيا

درست في فيصل العام

ما جلست في البيت

و استفادت من المكافاءة <<<هذا اهم شي هع هع

و السنة هذي سجلت في جدة و انقبلت و لله الحمد

النهاية توكلوا على الله ادرسوا هنا

السنة الجاية سجلوا في جدة على طول

موفقين

رد: ما قبلوني طب ! بجلس في البيت ..
 

السلام عليكم ورحمة الله وبركاته

أتمنى إلي راسخ في ذهنهم انهم يجلسون في البيت يقتنعون بالكلام المطروح هنا من قبلي و من قبلكم ..

موفقات ان شاء الله

رد: ما قبلوني طب ! بجلس في البيت ..
 

ارجووان اول ماقريت العنوان وشفت اسمك
قلت بسم الله لهالدرجه جوعانه ولا شفيني خخخ

كلامك عي العقل خيتوووو
لازم مانيأس
مالومهم لما يزعلون يتحطمون من حقهم
بس الديا مابتوقف الواحد يحاول
والله كريم
صديقتي نسبتها ماتدخلها طب بالاحساء قدمت بجده وطلعت وبتروح
يعني الدنيا مابتوقف :)

رد: ما قبلوني طب ! بجلس في البيت ..
 

اهــــ انا وحيدة ماما فهمووووووووووووووووووووووووووووووووووووني ابي احقق حلمهااااااا
لو حلمي ماقلت :Cry111:

حسبي عليكم يالي كنتوا السبب:Cry111:

رد: ما قبلوني طب ! بجلس في البيت ..
 

أولا مشكورة أختي أورجوان على الطرح الرائع وكلامك عين العقل صحيح انو الواحد بيتحطم في البداية لكن...

في الأخر بيحس نفسه انو متلائم 100% مع التخصص اللي اختاره له رب العالمين لا ويمكن يتفوق فيه كمان

بالنسبة للأخت حلمي أنا معاك انو انتي وحيدة مامتك الله يخليها لك ويخليك لها لكن ...

اذا انتي فعلتي ما بوسعك وقدمتي في كذا جامعة طب وما قبلتي وش راح تسوين ؟

هل سوف تعترضين على حكم الله من أجل ارضاء والدتك ؟

أنا رأيي ارضي بحكم الله وتوكلي عليه في التخصص المختار لك وأنا واثق انك راح ترتاحين ان شاء الله