ملتقى طلاب وطالبات جامعة الملك فيصل,جامعة الدمام

- - احتساب ساعات الدراسه .. (https://vb.ckfu.org/showthread.php?t=88303)

احتساب ساعات الدراسه ..

بسم الله الرحمن الرحيم

السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين ..

بصراحة اهنيئكم بهذا الملتقى والتجمع العلمي الرائع انا اول مره اشارك فيه واود ان اسدح بعض الاستفسارات لدى بخصوص معادلة الساعات ..

انا خريج كلية التقنيه تخصص محاسبة ماليه بمعدل 4.94 ( اذكرو ربكم :017:) ابي اعرف اذا

يعادلون لي الساعات او لا ..؟ واذا يعادلونها كم يعادلون ..؟ << ماتلاحظ انك لحست مخهم

بكلمه يعادلون ياشين القراوي لاتثقف :000:

لاني ناوي هالسنه ان شاء الله اكمل بكالوريس وادخل اداره اعمال انتساب ..

ادري وربي اني عجنتها بس لاتواخذوني << مطفووووق يبي كل شي بسرعه هخهخ :000:

ودمـــــــتم بـــــووووود ....

رد: احتساب ساعات الدراسه ..

هلا هلا وياامرحبا فيك ويانا

كلنا كنا مطافيق هذا حماس مو طفاقه

المهم بجاوبك ويارب مايضيق خلقك لانها خيره ان شاءالله لنا

مافي معادله للاسف

انا نفسك معاي دبلوم محاسبه وماراح يعادلون لي لان اللي تخرج واخذ الشهاده ماله معادله

المعادله للناس اللي ماخذوا الشهاده لاي سبب من الاسباب

انا سألت قبلك وبغيت ازعل بس مازعلت:119:

بيني وبينك احسن احسن على شان ندرس موادنا بالترتيب ووحده وحده ماله داعي نطامر المواد فيه مواد تعتمد على مواد قبلها من صالحنا ندرس بالترتيب

بجيب لك شروط المعادله

موفق اخوي والله يسهل امور انتسابنا

رد: احتساب ساعات الدراسه ..

ثانياً: اجراءات معادلة المقررات

في حالة دراسة الطالب لبعض المقررات في جامعة أخرى يجوز له أو لها أن يتقدم بطلب معادلة ذلك المقرر في الجامعه .. وعليه أن يقوم بالتالي:

أولا: الحصول من جامعته السابقة على سجل أكاديمي (دراسي) أصلي ومختوم بختم الجامعه
ثانيا: الحصول على وصف للمقرر الذي يرغب في معادلته من جامعتة السابقة أيضا
3- تحديد المواد المطلوب معادلتها ويذكرها في خطاب خطي يوجة لوكيل الجامعه للدراسات والتطوير وخدمة المجتمع
4- ترسل هذه الأوراق جميعا على العنوان التالي:

عمادة تطوير التعليم الجامعي
جامعة الملك فيصل
الهفوف - ص.ب 400 الرمز 31982

وستقوم العمادة بارسال هذه الأوراق الى القسم العلمي والذي سينظر في القبول من عدمه وسيبلغ الطالب بالنتيجة بعد ورود قرار القسم بالمعادلة من عدمه .

ارشادات عامه لمعادلة المقررات:

1- لايمكن قبول معادلة أي مقرر تقديره أقل من ج أو c
2- لايمكن قبول أكثر من 15 ساعه للطالب كساعات معادلة
3- عند الموافقة على المعادلة سيتم احتساب الساعات للطالب دون الأخذ بالمعدل أي لن يدخل تقدير الطالب الحاصل عليه في جامعتة السابقة في معدلة هنا بالجامعه.. ولن يطالب الطالب بدراسة هذا المقرر الذي عودل هنا بالجامعه.
4- لايمكن معادلة أية مادة درست في درجة علمية أو شهادة أخرى تم الحصول عليها ..

يعني أن الطالب أو الطالبه إذا درست بكالوريوس أو دبلوم وتخرجت فلايمكن قبول معادلة أية مقرر من المقررات التي درستها في تلك الدرجة لكي تعادل في درجة علمية ثانية اللي هي الانتساب لأن هذي درجة علمية تختلف عن تلك ولايمكن أن يقبل أي مقرر لكي يستخدم مرتين في شهادتين مختلفتين. المعادلة فقط ستتم لمن درس مقررات دراسية لم يحصل من خلالها على درجة علمية

رد: احتساب ساعات الدراسه ..

دخلت بس بقولك ماااااشاء الله عليك

خلك طموح مو لازم معادله كمل وادرس يكون عندك خليفه احسن

والله يوفقك وحياك ربي

رد: احتساب ساعات الدراسه ..

خيتووووه بلحه2 يسلمووو على التوضيح كلك نظرة

ااااهــ وربي حرام تضيع سنتين ونص دراسه على الفاضي :017:

انا سألت قبلك وبغيت ازعل بس مازعلت:119:

ههههههههههههههههه اشوه انك مازعلتي ياااحيي

يسلموووو خيتي يعطيك العافيه

رد: احتساب ساعات الدراسه ..

خيتي بناس يسلموووو والله يحيك ياملي
على قولتك بنكمل التكرار يعلم الشطاااار ههههه

يسلموووو خيتي والله يوفقك

رد: احتساب ساعات الدراسه ..

الله يسلمك ويعافيك

ولااا مو حرام خيره خيره والله انها خيره

يعني جم ساعه بيعادلون لك ترا اقصى عدد 15 ساعه مايعادلون اكثير يعني مواد سمستر واحد مافرقت 3 شهور ترا

وتخيل عادلوا لك وطمروك جم ماده وجيت بعدين تدرس مواد ثانيه معتمده على مواد اساسيه حذفوها لك على اساس انك دارسها بالدبلوم وانت بالاساس ناسيها كلها

تاكلها ساعتها وتعال دور المواد اللي حذفوها لك واقراها واخذ فكره عامه عنها على شان تمشي حالك بالمواد الجديده والله العالم يمكن ماتشيلها معاك مره ومرتين الله لايقولها

اقول ندرس وحده وحده والدبلوم مو خساره زياده الخير خيرين وهذا انت قلتها التكرار يعلم الشطار واحنا شطار :cheese:

وربي يوفقك وييسر لك امورك

رد: احتساب ساعات الدراسه ..

اختي يسلموووو وربي ماقصرتي
وعلى قولتك تكوون ناسيها
انا اصلا ناسي تعريف المحاسبه هههههههههه صارلي ثلاث سنوات متخرج وحتى معدلي وربي مااذكره زين
بس يلا ندرس من جديد نتعلم ونضيف شهاده بالملف مو خسرانين شي
اطلب العلم لو في الصين << ناوي يدرس محاسبه صينيه ههههه
دمتم بود

رد: احتساب ساعات الدراسه ..

اما محاسبه صينيه ههههههه

محاسبه عربيه مانفعتنا ونسيناها علشان محاسبه صينيه :cheese:

المشكله اني مقدمه الحين على وظيفه بالبنك :s11: فشله لو رشحوني للمقابله كله ميييح نسيته:000:

شكلي بقول لهم اسمحولي انا دارسه محاسبه صينيه اعقدهم وافك عمري:hahahahahah::hahahahahah:

رد: احتساب ساعات الدراسه ..

اقتباس:

المشاركة الأصلية كتبت بواسطة حياة الرووح (المشاركة 1378036)

اما محاسبه صينيه ههههههه

وش اسوي ادور الستر :hahahahahah:ههههه

محاسبه عربيه مانفعتنا ونسيناها علشان محاسبه صينيه :cheese:

المشكله اني مقدمه الحين على وظيفه بالبنك :s11: الله يوفقك اختي فشله لو رشحوني للمقابله كله ميييح نسيته:000:عادي اختي اذا سئلوكي عن تعريف علم المحاسبه قولهم ارجعوو لمذكرة محاسبه ماليه 1 صفحة 27 تجدون الاجابه كامله << شفتي اني شاطر بالمحاسبة العربيه ههههه:mh19::hahahahahah::hahahahahah:

شكلي بقول لهم اسمحولي انا دارسه محاسبه صينيه اعقدهم وافك عمري:hahahahahah::hahahahahah:

هههههههه اي ولاتنسين بعد تذكرينهم ان ثقافتك يونانيه ههههههه:hahahahahah:

الله يوفقك اختي بس لاتخافين ترا المقابله الشخصيه اسئلتها عامه واغلبها شخصيه يعني تكون اختبار عن شخصية الفرد وسرعةالبديهه عنده هذه اهم شي وركزي على تعريف علم المحاسبه واساسياتها << مجرب مقابلات البنوك:mh19:
بالتوفيق يارب..