لكل من لم يقبل في الدفعة الأولى ... تعالوا الحل عندي
 

بسم الله الرحمن الرحيم

أولا أحب أبارك لكل إخواني المقبولين في كلية الجبيل الصناعية...

انا اخوكم حسن احد طلاب الكلية وحاصل على شهادة الدبلوم في تخصص تقنية الهندسة الكيميائية

اخواني الاعزاء نظرا لكثرة استفساراتكم عن القبول في الكلية واعتراض أكثركم لعدم قبوله قررت التسجيل في المنتدى لمساعدتكم في أي شيء تحتاجونه بقدر استطاعتي...:119:


في البدء أود أن أطمئن الجميع أن القبول في الكلية يكون لى دفعات تستمر حتى فترة أسبوعين كاملين (( يعني اللي ماقبلوه اليوم بكرة يشيك يمكن طلع اسه))

يا اخوان انا ترى زيكم أول ماتخرجت من الثانوية كانت نسبتي 94.44 والقياس 79 والتحصيلي 74 بس ماقبلوني الا في الدفعة الثالثة أو الرابعة تقريبا (( بس كانت اختباراتنا اصعب وزارة من انتو مدلعينكم:bawling:))

المهم اي واحد نسبته فوق لا يخاف بينقبل 100% والموقع مو مخرف هو كذا حتى على ايامنا ..

وأي استفسار ياشباب أنا جاهز..

المهم تدعون لي ان يطلع اسمي في القبول على برنامج الباكلوريوس في الكلية وبالتوفيق للجميع:Cry111:

رد: لكل من لم يقبل في الدفعة الأولى ... تعالوا الحل عندي
 

طيب اخوي
انا نسبتي 55 . 93
قدراتي 67
تحصيلي 62

تتوقع مقبول او لا ..
والله ي اخوك اليوم شوي ونبكي خخخ ..
كل املي بهالكلية وتركت المقابلات وكل الجاممعات ..
عشان هالكلية ..


يارب ننقبل =(
والله يجززاك خير والله طمنتنا ..

ويارب يطلع اسمك ع البكالريوس .. يااارب .. وتصير معيد عندنا بالكلية < فاهم غلط

رد: لكل من لم يقبل في الدفعة الأولى ... تعالوا الحل عندي
 

رووووووووووووووح ياشيـــــــــخ الله يوفقــــــك ...,, طمنتنــا ,,

طيب استفساار .. يعني الدفعات ,, كل يوم دفعه ؟؟

انا نسبتي 94.39 والتحصيلي 70 والقدرات 65 ,,

الانقلش 97 تتوقع انقبل .؟

ياليـــت تطمنا يالغالي:mh19:

رد: لكل من لم يقبل في الدفعة الأولى ... تعالوا الحل عندي
 

رد: لكل من لم يقبل في الدفعة الأولى ... تعالوا الحل عندي
 

أنا نسبتي 98.60 و القياس 82 و التحصيلي 70 و الرياضيات و الانجليزي 100

أنقبل لو لا .؟؟؟

يعطوني أول رغبة الجبيل الصناعية ؟؟؟

رد: لكل من لم يقبل في الدفعة الأولى ... تعالوا الحل عندي
 

اولا السلام عليكم ورحمة الله...

صباح الخير ويش مجلسكم للحين ياشباب:mh19:

المهم .. بالنسبة لاخوي ولد عرعر . اخوي ترى انا معاي خوياني نسبهم زيك وأقل بعد وقبلوهم لاتستعجل وانشاء الله يجيك القبول الكلية دائما كذا تبدأ باللي نسبهم عالية وتاخذهم على دفعات عشان مايصير في تكدس عدهم في الكلية تصور يقبلوا 400 واحد او 600 واحد دفعة وحدة والله الكلية تغص. انت تشوف احنا للحين نتايج الباكلوريوس ماطلعت عشان الزحمة.. فبإذن الله الواحد الأحد بيقبلونك.


وبالنسبة لاخوي الخيال 2 ...
نفس الكلام اللي قلته لود عرعر صدقني بنسبة 99% ماخذينك (( ال 1% شايلها عمولة لي:003:))
نام وتطمن ..


اما اخوي صارخ الصوت ... انا مستغرب انهم ماأخذوك لو يكون انك مسوي فلم ومدخل نسبتك في الموقع بالمقلوب لأن ترى صارت مع شباب من قبل .. على العموم انت المفروض طلع قبولك في الكلية .. بس ماأدري ويش الغلط يامنك مسجل غلط او يمكن شيك اليوم أو بكرة لأن نسبتك واجد حلوة وغريبة مااخذوك..


وترى اذا كلمتوهم بالكلية ماحد بيفيدك لأن إذا ماطلع قبولك الكتروني ماأحد يقدر يسوي لك شي أنا على ايامي طرت عليهم من التلفون صراخ فانتوا هدوا ياشباب ترى زي ماقلت لكم القبول مدته طويلة..

وبالنسبة للي يعرف ناس انقبلوا ونسبهم أقل منه .... عادي اخوكم بالله صار لي نفس الشي انتوا توكلوا على اللي ماتنام عينه ومابينساكم

وسلالمتكم ولاتنسوني من صالح دعائكم

رد: لكل من لم يقبل في الدفعة الأولى ... تعالوا الحل عندي
 

الله يجزاك الجنة ..
والله انك ريحتنا ..
انا نسبتي في الثانوي 91
وفي القدرات 72 لكن اللي خايف منه التحصيلي 51
طايحه جدا جدا ايش رايك .. ؟

يعني قدرات وثانوي درجاتي جيدة لكن التحصيلي هي المشكلة ..
قولك اني انقبل ؟ لأن مابقى لي أمل غير هالكلية ولو مانقبلت بجلس في البيت هالترم :(
ومرة ثانية الله يجزاك خير والله انك ماقصرت وريحتنا من حرق اعصاب ملازمنا من الصباح ..

رد: لكل من لم يقبل في الدفعة الأولى ... تعالوا الحل عندي
 

رد: لكل من لم يقبل في الدفعة الأولى ... تعالوا الحل عندي
 

سلام عليكم
انا نسبتي ثانويه 80
القدرات70
التحصيلي60
لانقلش74
الرياضيات62
تتوقعون انقبل لان اسمي ماطلع

رد: لكل من لم يقبل في الدفعة الأولى ... تعالوا الحل عندي