بسمـ اللهـ الرحمن الرحيمـ

الســـلام عليكم ورحمة الله وبركاته ..

تحية طيبه الى جميع اعضاء المنتدى

الى متى .؟؟
من بداية استلام الشهادة الثانويه واحنا عايشين بقلق وخوف وتفكير حتى العطله الصيفيه اللي الكل ينتظرها للراحه والوناسه انقلبت لكابوس مقابلين النت 24 ساعه على امل نشوف كلمة ( تم قبلوك - تم ترشيحك - ) .
لكن صرنا نحلم فيها ومن الاستاحله ان الحلم هذا يتحول لواقع !!
كل منا كان حاط فـ راسه جامعه معينه يتوقع بيوم من الايام ان يكون احد الطلاب المنظمين فيها يقرأ عن الجامعه ويدخل موقعها دايم ويتابع اخر اخبارها وفيـ الاخير ينصدم، نعتذر لعدم قبولك لعدم توفر اماكن شاغره لم يتم ترشيحك نتمى لك التوفيق
هنا الواحد تقفل بوجه كل شئ خلا يتحطم على الاخير خلاص ضاعت الجامعه اللي احلم فيها
الحين يضطر انه يلحق نفسه باي جامعه عشان ما يجلس بالبيت والكارثه بانه يرفض مره ثانيه !
(هــــذا هـــو حــالــنا بأختصار )

بدايتي كانت مع جامعه تبوك لاني من سكان تبوك قبلتني لكن قدمت على اكثر من جامعه كن اظن انها افضل من جامعة تبوك ع سبيل المثال جامعة الملك سعود وقدمت ايضا على شركة الكهرباء السعودية
طبعا نزل قبولي بجامعة تبوك ولسا نتائج جامعة الملك سعود ما نزلت وايضا شركة الكهرباء هنا الشخص يحتار طبعا ما ننسى ان كل جامعة تتطلب شهادة الاصـل يعني اختار جامعه واحده بس !
ضحيت بجامعة تبوك الجامعه اللي قريبه مني على امل اني اقبل بالجامعه اللي احلمـ فيها
طبعا كانت النتيجة ( نعتذر لعدم قبولك ) تحطمت لدرجة اني كرهت شئ اسمه جامعه
لكن كان في امل بما انه تم ترشيحي للمقابله الشخصية بشركة الكهرباء ولكن الشركة قبولها ما هو مضمون يعني في فحص وفي اجراءات طويله تستمر معي الى 28 رمضان !!! وقتها راح اعرف اذا انقبلت بالشركة ولا لا
طبعا لحسن الحظ ان الشركة تطلب بالمقابله صور فقط ما تطلب الاصل
ومن المغامره اني استمر مع الشركة دون ما اظمن اني باي جامعه
ممكن اصل الى 28 رمضان ويتم رفضي وقتها ما يكون في قبول باي جامعه!!
الشئ الثاني اللي اعطاني امل هو كلية الاتصالات بجده لكن صرفت النظر عنها لاني سجلت فيها بس كذا
الشئ الاخــير اللي حطني على البر وخلاني ارتاح هي جامعة الجوف قبلتني وقلت الحمد لله
لكن النحس ما زال مستمر
موعد المقابله بجامعة الجوف السبت 26 / 8 الساعه 1 ظهرا بمنطقة الجوف
موعد المقابلة الشخصية لشركة الكهرباء يوم الاحد 27 / 8 الساعه 9 صباحا بمنطقة تبوك
يعني راح اسابق الزمن عشان اوصل لتبوك الفجر تقريبا عشان اضمن ما تروح علي المقابله

كــذا قلت خلاص وكلت امري لله لكن !!
واحد من الشباب اعطاني فكره كن كلية ينبع الصناعيه وكلية الجبيل الصناعيه
بصراحة خشت راي بقوووه وسجلت فيها بدون تردد
طبعا التحطيم الاول ما انقبلت بكلية ينبع الصناعيه
لكن احنا الحين وين هل تم قبولي بكلية الجبيل الصناعيه ام انه خطأ بالسيستم
ام ننتظر الى يوم الاربعاء ام ماذا ؟؟؟

بالله الواحد لمتى يتحمل الهم هذا
مستقبلنا يضيع قدامنا والسبب الانظمه الغبيه

من تبوك الى الرياض الى جده وصولا الى الجبيل !!
وبدون اي فائده .

اخواني للعلمـ
نسبتي بالثانويه
86.18
القدرات
66
التحصيلي
67

درجة الرياضيات 96 من 100
درجة الانجليزي 99 من 100

يمكن بعضكم يقول ويش يبغى هذا مسوي زحمه ودرجاته نازله
لكن المفروض يعطوني خبر اكيد بعدم القبول ام لا عشان الواحد يقدر يرتب مواعيده ويحسم اموره من بدري .


اعتذر لاطالتي واسـف اذا كان موضوعي ممل بالنسبه لك اخي العضو
لكن هو همـ بالقلب احاول اخفف منه بمشاركتمـ

تمنياتي للجميع بالتوفيق ,,,
تحياتي

أأأأأأأأأأأأأأأه بـــس مدري الواحد وش يقول بــس
والله ما ندري هم وش يبون منا يلعبوا فينا لعب
يخلوا الواحد على اعصابه وبالاخير يوقولوا له براااااا

اخوي قصيمي ماشاء الله درجتك بالتحصيلي ممتازه جدا الجامعات تاخذ اكبر نسبه بالقبول عليه ليه ما قبلت اي جامعه ؟؟؟
الله يوفقك وتنال الله تبيه باذن الله
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ

اخوي @Ahmed@

(لو تستقر على اول جامعة تقبلك افضل بكثير من التفكير والقلق ووضع اللوم على الجامعات والكليات

وكانهم سبب تعاستك بينما هم مؤسسة تعليميه تعمل بمبدئ المفاضله بين المتقدمين)

اخوي لو استقريت على اول جامعه قبلتني وبعد كذا طلعت نتائج القبول بجامعة اللي انا ابيها تصور كيف يكون وقتها شعوري اكيد تحطيييييييييمـ وندمـــ
وانا معك بالنسبة لنظام المفاضله كلنا نعرفه لكن مو حرام نتبهدل بمواعيد اعلان النتائج كل جامعه تحدد موعد ولا تلتزم فيه ابدا اذا هي جامعه بكبرها وما تلتزم بالمواعيد بالدقه اجل وش تتوقع يصير لما ندرس اقسم بالله راح نضيع !!
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ

اخوي الحدادي

هو كأس وكلنا شربنا منه ما اقول الا الله يعين الحميع
ما ادري العالم هذول متى يحسوا فينا
دراسه + تعب + نفسيه + امال واحلام + = ؟؟؟
هذا اللي وصلنا له طريق مسدود

الله يكون بعون الجميع
...