ملتقى طلاب وطالبات جامعة الملك فيصل,جامعة الدمام - استفسار عن تخصص الهندسه الكهربائيه

اقتباس:

المشاركة الأصلية كتبت بواسطة ابوصلوح (المشاركة 1326652)

السلام عليكم ورحمة الله وبركاته

"كيف حالكم ان شالله بخير"..

اخواني بغيت استفسر عن كلية المجتمع بخصوص الهندسه الكهربائيه ياليت احد منكم يفيدنا عن مواد التخصص وهل فيه رياضيات طوال 5 سنوات ولا بس التحضيريه لان علاقتي مع الرياضيات مي ذاك الزود ,واللغه الانجليزيه هل يبدون معاك من اول شي ولالا. لاني قدمت على الكليه ومتردد اخاف ادخل وأتفاجأ بالمواد من ناحية الصعوبه وبالنسبه لساعات الدراسه في السنه التحضيريه من كم لكم فيه ضغط ولا دوام عادي وانا بصراحه مافكرت ادخل كلية المجتمع الا عشان بكالريوس الكهرباء
اتمنى من احد الشباب يخبرنا ..واكون له شاكر ومقدر .:119:

وعليكم السلام ورحمة الله وبركاته
اول سنه راح تدرس سنه تحضيريه وبعدها تدخل التخصص ..
طبعا الرياضيات راح تدرس بالسنه التحضيريه Math001 و Math002 وراح تكون سهله ان شاء الله .. لانها راح تكون الاساسيات

واذا دخلت التخصص راح تدرس تقريبا 5 مواد رياضيات وبعدين انت راح تحتاج الرياضيات طيلة فتره الدراسه لانك تخصص هندسه وعلى فكره مواد التخصص اكثرها حسابات وفهم وان شاء الله انها سهله .. وبالنسبه للغه الانجليزيه اكيد راح يبدون معاك من البدايه وانت اذا تبي تبدع بالسنه التحضيريه وتجيب معدل ادخل معهد قبل تبدا الدراسه لو شهر .. واللغه سهله مو صعبه خصوصا انك راح تبدا من البدايه وعلى فكره راح تكون دراستك كلها الخمس سنوات هندسه باللغه الانجليزيه لانها تابعه لجامعه الملك فهد يعني كأنك تدرس بالجامعه هذا نظامها الا في بعض المواد تدرسها بالعربي اللي هي مواد العربي والاسلاميات وهي تقريبا 3 مواد بس طيله الدراسه .. ومن ناحيه صعوبه ترا هذي الدراسه الجامعيه انت مو بالثانوي وبعدين اللي يذاكر راح كل شي يسهل عليه .. ومن ناحيه وقت الدوام هي محاضرات ماهي حصص مدرسيه وفي بريكات بين المحاضرات وفي محاضرات بعد الظهر بس راح الروتين يتغير عندك وراح يصير شي طبيعي عندك والضغط كله بالسنه التحضيريه واذا دخلت التخصص راح يكون اخف شوي ..

ونصيحه اذا قبلوك للبكالوريوس لاتطوفها وتوكل على الله يعني كأنك مقبول بجامعه البترول وكأنك تدرس هناك وعلى فكره الخطه الدراسيه للهندسه الكهربائيه اللي هي المواد نفس البكالوريوس بالبترول .. ^_^

واي سؤال انا حاضر وان شاء الله افيدك باللي اقدر عليه

..