ملتقى طلاب وطالبات جامعة الملك فيصل,جامعة الدمام - زمان الحضاره جوال وزقاره . ماجد الشمري

- ملتقى الفنون الأدبية (https://vb.ckfu.org/forumdisplay.php?f=150)

- - زمان الحضاره جوال وزقاره . ماجد الشمري (https://vb.ckfu.org/showthread.php?t=86783)

زمان الحضاره جوال وزقاره . ماجد الشمري

يسعد صباحكم مع مساكم بكل حب

من قصايدي القديمه صوّرت فيها

البعض من شبابنا وبناتا في هالزمان

اتمنى انها تنال اعجابكم ..

بعنوان (زمان الحظاره )..

البـــارحه في ليــل مظلم خــــــــــلاوي

جالس افكر في زمـــــــــان الحظـــاره

حظــــارتــن شفـــنا معــاها البــــلاووي

دمــار والمــــــــوضــه سبايب دمــــاره

فيــــــه البنــــــات يحاربنّ الغطـــاووي

بـضيــق المــــلابس والدلـــع والاثـــاره

تمشــي تـخـمّـع بالعـبــــاة الرهـــــاوي

يـــدن بها جـــــــــوال ويـــدن زقــــاره

اصبـــح لهــن مجـــالـسـن بالقـهـــاوي

ياخــوفي من بكـــــرا يردّن سكـــارى

اصبح ضروووري بالمحبه تخـــاوي

وش هالزمــان اللـي غريبــن مسـاره

اما الشباب علــــوم والله و حـــكاوي

بالهستره ياخـــوك يرفــــع شعـــــاره

البعض منهم للمــشـــاكل غــــوااوي

راحت حياتــه كـل ابوهـا دشــــاره

ابـــوه يشكـــي ماتــفيــد الشكــاوي

من كثر سجنه صـــاير السجن داره

ولا بعـضــهـم في حيـاته هـــــواوي

نمــره على درب الغـــزل واستمــاره

يرقص على الريـحـه حياته غنــــاوي

سهران كل ليــلــه ونايم نهــــــاره

يسحب على ساره ويصاحب مضاوي

وتزعل مضاوي ثم رجعلك يا ســـاره

في دنــيته عايش وعاشــق وهـاوي

كـــل الحـــرام وكـــل دربــــن دعــــاره

هذي حياتـــه ياحيـــاة الشقـــــــاوي

ياكثـــر من مثـــله حيـاتـه خســــاااره

متجنبــن اهل الذمــــم و اللحــاااااوي

المسلــم اللي لحيــته هي وقـــااااره

المـعـذره ياهل الـسّطر والعـــزاوي

مير الحــــراره يالهــــيــب الـحــراره

ياصاحبي والــيـــوم مانــــي بقــااوي

افصّـــل الواقــــع بثـــوب الطــهــاره

يالله ستــــرك من زمــان البـــــلاوي

يالله تســـتر من زمـــان الحـــظاااره

وسلامتكم

بقلم / ماجد الشمري