ملتقى طلاب وطالبات جامعة الملك فيصل,جامعة الدمام

كنت أقول إن ضاقت الدنيا توسّع
وأتسائل ليه ضاقت في عيوني هالوسيعة

لين شفت الخافق اللي حب من جد وتولع
يحرمه وقته ووقته صارت أحزانه طبيعة

منحرف حظي وأعرفه طول عمره ماتسنع
من عرفت الشوق قاسي والهوى هذا صنيعه

(ياحبيبـي) حط إيدك فوق هالقلب وتسمّع
بس لا تسأل دخيلك ليه دقاته سريعة

يوم شفتك والحكي عيا يجي مدري تمنَع
والسكوت اللي ملا الدنيا مرافقني جميعه

يوم شفتك داخل عروقي نما عشق وتربع
يوم شفتك والحياة القاسية صارت بديعه

كيف أعيش وبعدك أنفاسي بها موتي تمتَع
كيف وأحلامي غدت دونك كوابيس شنيعه

والحزن اّاّهـ يالحزن فيني به الخافق تشبَع
لين جملني تناهيد وحملن ما أستطيعه

اّاّهـ من قلبي وأنا أشوفه مع الوقت يتقطع
ياّمر عيوني تهل الدمع وعيوني تطيعه

لو بقول إني بموت إن غبت يمكن ما أتصنع
دامه غيابك له الاّلاّم ولوعات فظيعه

وأنت في بالك فراقك يوم عادي ما يلوَع
أما أنا حاسب فراقك يوم من عمري فجيعه

ماتعبت ..!
إلا التعب ظلي ولدروبي تطوَع
والزمن يحفر مسافاتي غرابيييل وخديعه

والذنوب اللي معي نبض من اللوعه تجزَع
والخطا عشقي ولأكن ما لقى له من ذريعة

والعذاب اللي من أهواله قفص صدري تصدَع
ما نزع روحي من ضلوعي ولا أخذها وديعة

مستحي من حبك اللي ضمه الصدر وتنوَع
مدري شايف إن الهوى فيني له سدود منيعه

وأنت عشقك غير كل العشق لو ربعه توزَع
كل واحد ما عشق لبه يبي يصبح صريعه

عاد تدري لو هوى كل الخلايق لك تجمَع
مايجي ذرة من إحساسي مدام إنك شفيعه

يا زماني دامني ما أٌقوى على عنادك تشجع
وإرسم جروحي وأنا بشكي على رب الشريعه

يـــالله إني طالبك من قلب صادق ويتضرع
لا يجي بيني وبينه بعد وفراق وقطيعه

يـــالله إني طالبك وإن ضاقت الدنيا توسَع
لين تفرج والحياة تصير بوجوده وسيعه

ممـــا راق لـــي