|
ابغى آرائكم في سكن كلية الجبيل الصناعية
[align=center]
السلام عليكم ورحمة الله وبركاته بما اني من اهل الرياض شاغلتني شغلة السكن بالجبيل اسكن بالكلية ولا اسكن بشقة برى الكلية وانا اللي مخوفني بسكن الكلية 1- نظام الكلية والشعور بالحرية والراحة بالسكن (ترتاح بعد الدراسة) 2- زميل السكن مثلا انا ابغى اذاكر وهو يبغى ينام ولا يزعجني وقت المذاكرة والسلبية برى الجامعة الوحدة الاجتماعية المهم انا ابغى اللي سكنوا سكن الكلية يشاركونا خلفيتهم ورأيهم حول الموضوع حتى يستفيدون الطلاب الجدد للكلية ان شاء الله [/align] |
رد: ابغى آرائكم في سكن كلية الجبيل الصناعية
اهلا اخوي ..
بالنسبة للسكن انا مثلك توني متخرج ومقدم ع الجبيل وباذن الله مقبول بختار سكن عندهم بتحس بطعم المذاكرة وبطعم الدراسة وماتبلش بشي كل شي حووولك ( مطاعم + كافتريات + مكاتب ) والكلية بجمبك .. والطلاب حوولك بالسكن اذا صعب عليك شي تدق ع الجار يشرحلك > ض1 ومو معقولة اذا انت تبي تذاكر خويك بينام تذاكرون مع بعض وتنامون مع بعض ولو تبيني اسكن معك اوكي > تراني شاطر ... خخخخخخخخخخ ب التوفيق اخووي |
رد: ابغى آرائكم في سكن كلية الجبيل الصناعية
والله حلات الجامعة السكن اللي فيها على قولت ولد عرعر, جو يصلح للدراسة والوناسة له اوقاتها ^_*
وانا بعد من الرياض وبما أن عندنا سعود وانا ضامن القبول بأذن الله في الثنتين فأنا الأن بينفجر راسي مدري اروح لسعود ولا الجبيل الصناعية معليش اخوي طلعنا برى الموضوع:cheese: |
رد: ابغى آرائكم في سكن كلية الجبيل الصناعية
انا عانيت في بداية مع السكن
سكنت على حسابي في حي قريب من الكلية اسمه (حي البحر) وهي عبارة عن شاليهات قريبة من البحر طبعا الكلية لديها ازمة في السكن ولكن لو حصل وماحصلت سكن في الكلية, الكلية راح تسكنك على حسابها في حي البحر او تستطيع انك إذا تعرف احد من اخوياك ساكن في الكلية تزبط حالك معاه تحياتي |
رد: ابغى آرائكم في سكن كلية الجبيل الصناعية
^^^^^ أخوي هل فيه تعقيد بكلامك اللي فوق من الكلية يعني لو مآ حصلت سكن بالكلية يسكنوني على حسآبهم بحي البحر ..؟ لاني من القصيم وأن شاء الله مقبول ومحتآر بالسكن ..~! |
رد: ابغى آرائكم في سكن كلية الجبيل الصناعية
[align=center] اقتباس:
ماشاء الله عليك بعض الناس ياحالتهم حالة لانوم ولاوقت دراسة كل شي بالمزاج بس يالله لابد الواحد يعزم يغير بعض الامور حتى يكون افضل شرفني تواجدك يالحبيب اقتباس:
شوف ياطويل العمر اعرف اربع دخلوا الملك سعود كلهم هندسة وانقبلوا فيها مبدئي بس كان عليهم يجيبون بالتحضيري درجة عالية المهم بعد نهاية الترم الاول شافوا اثنين ان الملك سعود صعبة وحولوا للجبيل الترم الثاني (اخويان) ولاحظوا الفرق بصعوبة الدراسة وحسوا انهم مرتاحين بالجبيل الاثنين الباقين كرفوا وجابوا مدرسين وفحطوا ولاجابوا بالتحضيرية الدرجة اللي تدخلهم هندسة مع العلم انهم ممتازين الزبدة لك .. حياك يالمذهل اقتباس:
اسمع فيه كثير وانا بعد دخلت مواقع عقارية وكذا اشوف الشقق بالجبيل ثلاث ارباع شقق العزاب فيه حياك الله اقتباس:
لكن القصيم ان شاء الله مضمون سكن الكلية [/align] اتمنى من يمر يشاركنا حتى نستفيد اكثر |
| All times are GMT +3. الوقت الآن حسب توقيت السعودية: 12:21 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه