|
لمن يقدر يفيدنا طلاب المستوى الثاني هااام جداً
1 مرفق
[align=center]بسم الله الرحمن الرحيم
السلام عليكم ورحمة الله وبركاته الأخوه الاعزاء الذين سبقونا بالجامعه بالمستوى الثاني او من لديه الخبره في حكاية تسجيل المواد بصراحه حنا جالسين نتخبط ولا ندري وش السالفه يا أخوان على هذا الرابط من موقع الجامعه مباشرة جدول خاص بطلاب المستوى الثاني طبعاً الجدول بالمرفق مو راضي يجي معاي هنا وحطيته في مرفق طبعاً سبق وان بلغت الطلاب ان هذا جدول اجباري ..... وراح يطبق علينا زي ما تطبق على اللي قبلنا اعتقد اعتقد ان الطالب يستطيع إضافة مواد او تغيير مادة والله وأعلم فهل ياناس هذا جدولنا ولا وش السالفه والله تمخول عقلي ياليت احد يقدر يفيدنا وراح يكسب فينا اجر برضه عشان الواحد يحسب حسابه في تسجيل المواد وعشان ما يندفع لاني اطلعت على الجدول الزمني حق تسجيل المواد مالقيت لنا حنا اللي معدين المستوى الاول يوم مخصص يتم تسجيل المواد فيه جز الله من يفيدنا خير الجزاء اخوكم ومحبكم / فيصل العمار[/align] |
رد: لمن يقدر يفيدنا طلاب المستوى الثاني هااام جداً
اخي فيصل بصراحه الرااابط مو رااضي يفتح معاااي بس احب اطمن بالك واقولك المواد السمستر الثاني ان شاء الله بتكون
والمواد هي: انجليزي كتابه انجليزي قراءه مبادئ الاحصاء اذا كنت ادبي (شرعي) في الثانويه فلازم احد يشرحلك لانها مسائلها كثيره مبادئ الاداره النحو التطبيقي1 كان لازم ناخذها في السمستر الاول بس لان الدكتور كان مسافر النحو التطبيقي2 مهارات التعلم والتفكير القراءه والمحادثه مدخل الى تقنية المعلومات التلاوة والتجويد الصحه واللياقه ..................... حابه اعطيك رابط مواد السمستر الثاني واتمنى اني افدتك .......................................واحب اقولك ماتاكل هم الدراسسسه لان كل اهل الملتقى يد وحده وبنسسساعد بعض ان شاء الله يارب هذا رابط الاخ السساهر <<<<<<<< http://www.4shared.com/dir/37899226/8fc495b3/sharing.html اذا طلعت عندك نفس المواااد لان الرابط مافتح معااي بتكون صح واذا كان فيه اختلاف بيجوز حسسب التخصص لان انا تخصص انجلييييزي والله يوفقك ياااارب لا اله الا الله محمد رسول الله الله يحمينـــــــــا من كل شر ونكون من اهل جنتـــــــــــهـ يارب |
رد: لمن يقدر يفيدنا طلاب المستوى الثاني هااام جداً
شكراً ضحكة قمر
بس مو هذا اللي كنت ابي الاجابه عليه السؤال هل المواد اجباريه اللي بتنزل لنا بالمستوى الثاني بعدين انا حاط مرفق بنفس الموضوع اعتقد مادخلتي عليه لو دخلتي عليه تعرفين وش ابي افهم انا لكن ما اقول الا الله يعطيك الف عافيه على هالرد والمرور |
رد: لمن يقدر يفيدنا طلاب المستوى الثاني هااام جداً
بصراااحه اخووي المرفق مو رااضي يفتح معااي بس اكيد لو فتح كان ماقصرت وجاوبت ع كل الاسئله
طيب ياريت تقول وش حاب تعرف بالضبط وانا بوعدك لو عندي اي فكره عنها بسسساعدك مواد السمستر الثااني مو اجبااااري اختياااري بس ع حسسسب معدل الطالب بس المواد هذي الي انا نزلتها لك تقريبا هي نفسسها الي بينزلونها لك السمستر الثاني وانتا تختاري المواد الي تحبها وع حسب معدلك زي ماتعرف يحسبونها بالسساعات اتمنى اني افدتك وياريت تحط اسألتك كلها هناااا لان والله مافتح معي المرفق واعتذر لاني ماوصلتك المعلومه صحيحه بس هذا الي فهمته لا اله الا الله محمد رسسول الله الله يحمييينا من كل شر ويجعلنا من اهل جنتهـ يااارب |
رد: لمن يقدر يفيدنا طلاب المستوى الثاني هااام جداً
يا اختي انا ابي افهم
هل المواد اللي بندرسها بالمستوى الثاني اجباريه او اختياريه الشئ الثاني اذا ما كانت اختياريه ليه منزلين جدول والجدول موجود بموقع الجامعه انا حاطنه بالمرفق عاد اذا مافتح معاك والله هذي مشكله تكون بجهازك مو بالمرفق لاحظي تري الجدول مكتوب عنوانه جدول المواد للمستوى الثاني وفيه عشر مواد كلها بالنسبه لنا جديده طبعاً هذا اللي اللي ابي افهم ومشكوره على الاهتمام |
رد: لمن يقدر يفيدنا طلاب المستوى الثاني هااام جداً
اول شي كنت حابه يكون اسلوبك احسن من كذا عالعموم شكرا
ثاني شي انا ماسويت شي غلط اعتذرت منك لان المرفق مافتح معاي وهذي مو غلطتي وسؤالك انا جاوبت عليه مليون مرة وارجع اقول مواد السمستر الثاني الي نزلتها لك ومو اجباااري تختارها كلها فيه تختاري الي تحبه وتبغى تدرسه بس مايحق لك تاخذ اكثر من معدلك بس عادي لو اخذت اقل بس المواد ثابته هي نفسسها الي نزلتها لك بالموضوع بس مو مجبوور تدرسها كلها في السمستر الثااني فيك تترك كم ماده لسمستر الثالث واتمنى اني جاوبت ع سؤالك ولو ماوصلت للاجابه اتمنى غيري يفيدك لا اله الا الله محمد رسسول الله الله يحمييينا من كل شر ويجعلنا من اهل جنته يااارب |
رد: لمن يقدر يفيدنا طلاب المستوى الثاني هااام جداً
بسم الله الرحمن الرحيم
لجميع الاخوان والاخوات طبعاً موعد التسجيل للمواد بعد العيد صح راح نطرح في هذا المنتدي الجميل والغالي على قلبي ,,,, في مدخل بوابة الانتساب من غير أن ندخل في أقسام الكليات موضوع كيف تتعامل مع تسجيل المواد لكل طالب وطالبه على حد سواء الان الكل يختف من ناحية المواد الدراسية السابقه والمعدل ولماذا نحن نختار له المواد على اي اساس كل هذي التوضيحات راح تطرح بعد شهر رمضان الكريم شكراً |
رد: لمن يقدر يفيدنا طلاب المستوى الثاني هااام جداً
الله يوفقكم
أنا كذلك عندي نفس الأسئلة يعني ماودي آخذ كل المواد الترم الثاني لكن ينصحوني الأهل آخذهم كلهم وأنا أقول لا كثير وماأقدر خصوصا الترم الأول أحس صار ضغط لا وبعد أحس خلاص الحماس والدافعية راحت بسبب نزول هالقرارت الي مالها أساس خصوصا للي مساكين ومايقدرون يروحون وين مايريدون سواء بالدراسة أو بالعمل أشكر كل من ساعدنا يوم كنا نحتاج |
رد: لمن يقدر يفيدنا طلاب المستوى الثاني هااام جداً
اقتباس:
سبحان الله يا اخوان هذا المنتدى رسمي لابد ان نتعامل برسميه شوي وبالنسبه اذا كان زعلك من ان المرفق يفتح معاي ولا يفتح معاك لسبب ان هنالك مشكله في جهازك وش الاسلوب اللي اقوله ..!!!؟؟ وشكرتك على الاهتمام كان ردي في صلب الموضوع شكراً للاخوان والاخوات اللي علقوا على الموضوع وننتظر إلى مابعد العيد واسأل الله ان يكتب مافيه خير |
رد: لمن يقدر يفيدنا طلاب المستوى الثاني هااام جداً
وعليكم السلام ورحمة الله وبركاته
هلاااااااااااااااا والله أخوي فيصل عاش من شافك وينك وين أيامك يالقاطع أنورت و أسفرت كيفك عساك طيب شوف أخوي فيصل المواد اللي في الجدول عبارة عن 20 ساعة طبعاً أعلى حد للكل 18 ساعة يعني لو تاخذ العلامة الكاملة مايحق لك تاخذ أكثر من 18 ساعة والمادة الوحدة عبارة عن ساعتين يعني شوف المواد اللي راح أسجلها أنا بإذن الله تعالى الصحة و اللياقة 2 إنجليزي قراءة 2 إنجليزي كتابة 2 مهارات التعليم و التفكير 2 مدخل إلى تقنية المعلومات 2 مبادئ الإدارة 2 القراءة و المحادثة 2 مبادئ الإحصاء 2 النحو التطبيقي(2) 2 طبعاً الحين عندي 9 مواد وكل مادة ساعتين يعني 9 × 2 = 18 وأنا معدلي يسمحلي بأخذ هذة الساعات أما إذا كان معدلي أقل من 2.49 فيسمح لي بأخذ 12 ساعة إلى 15 ساعة فقط إن شاء الله أكون أفدتك والله يوفقك أخوي دنيا و آخرة |
| All times are GMT +3. الوقت الآن حسب توقيت السعودية: 08:17 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه