|
بزنز ( كوست نت)
السلام عليكم ورحمة الله وبركاته
تحية طيبه لكم جميعا... بما أننا في أجازه يمكننا وضع مواضيع خارج نطاق الدراسه يا مشرفين أنا كنت جالسه في كافيشوب ستار بكس, واتتني وحده قالت لي ممكن اتكلم معكي قليلاً قلت لها تفضلي جلست وقالت لي انتي طالبه أم موظفه ام ربت بيت قلت لها انا طالبه انتساب قالت لي ممتاز جداً هل تريدين أن تكوني من أصحاب الثروات والأموال قلت لها أكيد قال لي انا سوف أدخلكي معي في شركة ولن تحتاج منكي سوى الجهد والوقت القليل وسوف تصبحين من الأثرياء قلت لها ماهذه الشركه؟؟ قالت لي هذه شركة كوست نت أو بزنز كوست نت وطريقتها أن أشتري منهم منتج بمبلغ 2800 ريال وكلما أتيتهم بزبائن من بعد ما اشترك يصبح جميع الزبائن تحت اسمي الى ان يصل عدد الزبائن الذين تحت أسمي 65 شخص تقوم الشركه بصرف راتب لي أسبوعيا ستون ألف دولار (60000 دولار) أسبوعياً اي 240000 دولار شهرياً وانا وافقت أن أشترك على الفور ولاكني لم يكن معي 2800 لي اشترك واشتري المنتج ولكني أعطيتها رقم جوالي وسوف تتصلي على لي تأتيني المنزل وتدخلني في الشركة وأنا بحثت في الانترنت عن هذه الشركه ووجدت نفس الكلام الذي قالته لي فأنا اريد ان اتأكد منكم أن كان الكلام صحيح او لا ,, وهل أحد منكم مشترك في هذه الشركه؟؟ أو يعرف احد مشترك؟؟ وهل فعلأ يمكنني ان احصل على 60000دولار أسبوعيا؟؟ لمن لديه خلفي عن هذه الشركة اتمنا ان يفيدني وشكراً لكم جميعاً.. |
رد: بزنز ( كوست نت)
شو هيدآآ ؟؟ حياتو في اقسام مخصصه للمواضيع الي هيك فديتك "
لكن مافيش مشكله اطرحي الموضوع الي براسك " اول مره اسمع فيها صراحه انا عني اقولك ابعدي عن هالحوسه صراحه لخبطه ومدري ايش مالك ومال وجع الراس يااقلبي انا ما ارتحت للسالفه " لكن مايخالف اي احد عنده خلفيه ان شاء الله يفيدك " |
رد: بزنز ( كوست نت)
حتى انا مو مرتاحه للسالفه
وكذا مره اسمع سوالف مثل كذا وتنتهي بالنصب والخداع مو اي شي يقولونه صادقين فيه انتبهي |
رد: بزنز ( كوست نت)
ههههههههههههههه
اختي الشي بالعقل لو صحيح كان مابقي عاطل او فقير بالبلد والسالفه هذي من زمان وكل فترة ناس يرسلون بالايميل يروجون لشغلات النصب هذي واذا اخذوا منك 2800 ماراح تشوفين وجيهم مرة ثانيه فلا انتي الي صرتي غنية ولا انتي الي احتفظتي بفلوسك ال 2800 يعني الشغله نصب في نصب :119: |
رد: بزنز ( كوست نت)
اقتباس:
|
رد: بزنز ( كوست نت)
هههههههههههههههههههههههههاي
يعني روقي يااحووبي " ماله داعي السالفه من الأساس |
رد: بزنز ( كوست نت)
[align=center]
هلا اختي اول شي اتمنى تكوني بخير صار لي نفس موضوعك فديتك بس ماشتركت ... تدرين ليه؟ لان اصحاب هالنوع من البزنس مايذكرون الا الايجابيات ويتلاشون ذكر الخساره يعني شي مو واقعي وعلى فكره نسبة نجاحك بهالمشروع غير معروفة !!! وعمر الريال ماكان رخيص تذكري شغلة حبيبتي ماعمر احد صار غني باحلام على فكره فيه شغله ثانيه لو بغيتي تعرفين قيمة الريال ... روحي ومدي يدك للناس ... وشوفي كم راح يجيك باليوم فما بالك تجيك مادري كم الف !!! نصيحتي ابتعدي والباب اللي يجي منه ريح سده واستريح اختك : جواهر [/align] |
رد: بزنز ( كوست نت)
[align=center]
هلا أختي أنا سمعت عن الشركه من قبل .. وصار لي موقف مثل موقفك امممم الشغله يمكن تكون صحيحه إلي عنده جرئه ومقدرهـ إنه يجمع أشخاص بعدهـ ولكن مب كل الشركات تكون حلووهـ في هذا المجال طبعاً كوست نت في لها عدة فروع فـ على حسب الفرع إلا رآح تشتركين فيه ولكن مثل ماتكرموو الأخوان والأخوات .. بعدي عن الموضوع أحسسسن لأن ماورآآهـ إلا وجع الرآآس وإذا أنتي حابه تدخلين في هذا المجال .. دخلي مع شركه مضمونه .. مب أي شركه تقبلوو مرووري ،، [/align] |
رد: بزنز ( كوست نت)
اختي الكريمه انا عندي لك قصه حصلت معاي ولك الحكم
كنت بالبحرين اتمشى انا وزوجتي ووالدتي وكنا في مجمع الدانه فجأه وقفني شخص وقالي مبروك فزت بجائز وياليت تجي تستلمها انت والعائله الكريمه من شركتنا اللي متواجده في اعلى برج في البحرين المقصد من الجائزه اختي اني اشوف بعيني ان لديهم شركه قائمه مو مجرد وهم وفعلا رحت بدافع الفضول .. لما دخلت لقيت مجموعة طاولات وكل طاوله عليها عائله ومندوب تسويق من قبل الشركه جلست في طاوله وجانبي طاولها جالس عليها السوبر فايزر حقي بالعمل وزوجته المهم جلس يحدثنا عن امكانية الحصول على عقار في اي دوله ابغاها حول العالم بإيجار شهري معيّن وبإمكاني أتبادل العقار مع اي عميل اخر حاصل على نفس العرض يعني كل سنه اصيف بمكان اشوف احد العملاء واتبادل معاه اعطيه عقاري ويعطيني عقاره لمدة معينه وبعد سنين امتلك العقار وجلس يشرح لي امكانية تأجيري للعقار وإنه بإمكاي اصير مليونير وخرابيط طويله عريضه كانت الدفعه المقدمه 60 الف ريال وتفرجنا على العقار بشريط فيديو المهم الوالده اقتنعت واصرت اننا نقدم على العرض وزوجتي تحمست لكن انا الفار لعب بعبّي وحسيت الدعوه نصب في نصب وقلت اجيكم وقت ثاني ابي فرصه افكر .. قبل لا أمشي قام مندوب المبيعات اللي على طاولة السوبر فايزر حقي يصفق وفجأه الا كل الصاله تصفق .. أثر السوبر فايزر حقي وقع بالفخ وجالسين يعملون له جو لحظة التوقيع المراد من الموضوع بعد شهرين اسئل السوبر فايزر اقوله بشر وشلون الصفقه حقتك ؟؟ قالي والدموع تترقرق من عينيه ( اتعب على هالجمله ) :) اااااااااااااااه ياهم نصبوا علي على فكره الشركه قائمه ولديها موقع ثابت في البحرين وسجل تجاري وتصديق من الحكومه يعني مو شركه وهميه ولا هم يحزنون .. |
| All times are GMT +3. الوقت الآن حسب توقيت السعودية: 01:31 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه