تصديق خطاب موجه للجامعه بعدد الساعات
 

السلام عليكم ورحمة الله وبركاته
اتمنى تكونوا بأتم صحه وعافيه يارب العالمين
ياجماعه مثل ماهو مكتوب بالعنوان
انا في الغربيه ومطلوب علي تصديق عدد الساعات بخطاب موجه للجامعه من العمل مدري إيش الحل ابغى اذا تعرفون أحد يخلص هالورقه بمبلغ أو ايش الحل انا بعيد وعندي عائله ما اقدر اسافر كل هذا المشوار عشان ورقه اختمها بس
تكفون اللي يعرف احد يكتب لي رقمه

رد: تصديق خطاب موجه للجامعه بعدد الساعات
 

وعليكم السلام ورحمة الله وبركاتة

الحمد لله احنا بخير واتمنى تكون بخير ان شاءالله

بصراحة استغرب من طلب عملك لعدد الساعات لانك معك الوثيقة الرسمية ومختومة ختم رسمي ومعك سجلك الإكاديمي الرسمي ومختوم ختم رسمي وفيه عدد الساعات وفيه كل التفاصيل!!

انت ضايع منك سجلك الإكاديمي الرسمي؟

رد: تصديق خطاب موجه للجامعه بعدد الساعات
 

أبد سجلي الأكاديمي موجود ولكن العمل عنده خطاب نموذج تعبيه الجامعه وتختمه. ولا يعترفون الا فيه غيره مايمشي عندهم

رد: تصديق خطاب موجه للجامعه بعدد الساعات
 

أنا لو في مكانك بروح لأكبر مسؤول في العمل وارفع له شكوى واقوله هذي وثيقتي مختومة ختم رسمي وهذا سجلي الاكاديمي ومختوم ختم رسمي وفيه اعتماد بعدد الساعات وكل التفاصيل لكن انتم طلبتوا اخذ خطاب بعدد الساعات واصدقه من الجامعة وهي تحتاج اني اخذ اجازة واسافر واعرض نفسي لخطر كورونا ويمكن يصير لي شي في الطريق او الجامعة ترفض الخطاب( قلهم لو الجامعة قريبه كان رحت لها مباشرة لكن انا وين وهي وين، اذا قالك كلم احد تعرفة في الاحساء يخلصها لك ... قله انت تعرف احد في الاحساء؟ اذا قالك لا ... قله انا مثلك مااعرف احد) حاول معهم بالكلام الحلو وتوكل على الله وان شاءالله ربي راح يسخر لك الي يخدمونك

حبيت اساعدك بالي اقدر عليه واعذرني على القصور

وفالك التوفيق ان شاءالله