|
الفرق بين الشباب والبنات بعد الرجوع من العزيمه.
البنت بعد الرجوع من العزيمة هي يوووه فاتك نص عمرك.. توني جايه من العزيمة أختها وش حطوا؟ هي يو يو يو ، حطهم يجنن، ما فيه شي ماحطوه ، أول شي الشاهي، بيالاتهم تجنن مزخرفه ومسكاتها ذهبيه ، بعدين القاتوه مدري من فين جايبينه طعمه يجنن وحاطينه في صياني خربزيه وفيها نقط صغيييره لونها أخضر ، والمكسرات تموووووت ، حاطين كل كسرة في كيس والا العشاءياربيييييه يهبببببل(يستمر وصف الاكل ساعة ونصف) أختها جت نوف؟ هي ايه جت، يالله لبسها يجنن، لابسه فستان وردي مطرز بكرستال بني ، لبسها من جد ياخذ العقل أختها لايكون نفس اللي لبسته قبل 5 سنوات؟ هي لا لا ذيك المره لابسه فستان أحمر مو وردي ولا كان فيه كرستالات اختها أجل شكلها لابسه فستان بنت عمها أريج لاني شايفه اللبس هذا عليها هي اي والله، يووووه يخزياه، والله انه ماتستحي ؟ لا وأريج تدرين وش لابسه ؟ اليوم لابسه لبس يحوم الكبد، الظاهر انها شاريته من أبو ريالين أختها وجزمتها؟ هي ما أدري ماشفتها، تصدقين طول العزيمه وانا احاولاتشوف للجزمة كن ماقدرت، حتى انييوم طفشت في الاخيرذبيت شنطتي تحت الكرسي حقها على بالي ما ادري ونزلت راسي اخذ الشنطة عشان اقدر اشوف الجزمة بس ماقدرت،الكلبة لبسها كان طويل مرة ومغطي رجولها اختها :اكيد جزمتها مثل لبسها يحوم الكبد .. هي دايم كذا ذوقها خايس ...طيبومكياجها كيف كان؟ هي وععععع ، مكياجها مخليها اكبر من امها، تخيلي حاطة روج بني، الظاهر انه ديرما مو روج، والله المسكرة بعد يووووووووه مالها داعي، ما ادري مين النذلة اللي حاطه لهااالمكياج ، شكلها زوجة ابوها اختها طيب وتسريحة الشعر هي حقت مين؟ نوف والا اريج؟ اختها كلهم هي تسريحة نوف حلوة، حاطة شباصة فضية وبكلة وردية، ومشابك برونزية والشعر صابغته بلون كحكحي لكنه يهببببل، اختها كحكحي؟ يعني ايش؟ اختها ماتعرفين الكحكحي يالقروية؟ هذا لون جديدللصبغات ، اذا شفتيه تجيك الكحه من زينهحتى سألتها وين مصلحه شعرها فيه ورفضت تعلمني النجسة، اما اريج تسريحة شعرها باييييخة، شفتي تسريحةخدامتنا جيناتاوهي تغسل المواعين؟ نفسها بالضبط اختها على طاري الخدامة؟ خدامة اريج وش لابسه هي الخدامة لبسها عادي، لكن جزمتها خقااااااااااااق ، تهبل ماكأنها جزمة خدامة، لونها اسود وعليها خيوط فسفورية اختها صدق والله؟ هذي مو جزمة اريج؟ هي الا والله؟ وانا اقول وين شفت ذا الجزمة فيه .. هذي جزمتها قبل عشرطعش سنة، اتذكرها شكلها عطتها الخدامةبدل ماتكبها في القمامة . ( ويستمر الحش إلى صلاة الفجر ) ------------ الولد بعد الرجوع من العزيمة هو السلام عليكم، توني جاي من العزيمة وترا كل الشباب يسلمون عليك انتهت المحادثة منقووووووول |
رد: الفرق بين الشباب والبنات بعد الرجوع من العزيمه.
هههههههههههههههه اي والله صااااااادقه
مشكوره ياعسل |
رد: الفرق بين الشباب والبنات بعد الرجوع من العزيمه.
اشكرررررررررررك اختى العزيزه لمرووووورك لمدونتي
شـكــ وبارك الله فيك ـــرا لك ... لك مني أجمل تحية . |
رد: الفرق بين الشباب والبنات بعد الرجوع من العزيمه.
|
| All times are GMT +3. الوقت الآن حسب توقيت السعودية: 05:44 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه