استفسار ضروري يا جماعه
 

رد: استفسار ضروري يا جماعه
 

وعليكم السلام ورحمة الله وبركاته

اعتقد كان فيه خطاء منهم لانه سمح لك بالتسجيل وانت موقوف لعدم السداد ولما سددت وشوفوا انك مسجل والنظام قبلها بالخطاء حذفوها ويبونك بعد السداد تطلب رفع الايقاف من الخدمات الطلابية وتسوي طلب العوده للدراسة تحت تبويب خدمات الشؤون الاكاديمية ثم اذا صارت حالتك فعال تروح وتسجل من جديد ...

لكن علشان نتاكد انت مسجل شي حاليا او لا

روح للبنر وروح للتسجيل ثم روح للتسجيل الحالي (وليس الحذف و الاضافة) وشف الصفحه هل فيها المواد الي انت سجلتها قبل شهر؟

ومحلوله باذن الله

رد: استفسار ضروري يا جماعه
 

ما طلع شي يالغالي

لا توجد مواد ولا يسمح لي بالتسجيل

رد: استفسار ضروري يا جماعه
 

انا فهمت موضوعك يالغالي

انت سددت وفتحوا لك الانظمه بس باقي مارفعوا عنك الحظر وهذي تاخذ لها وقت بالكثير 72 ساعة عمل وبترجع حالتك الأكاديمية فعال .. من الخدمات الطلابية تحصل ايقونة الاسئلة المتكرره تحت تبويب خدمات اخرى وارفع سؤال جديد لشؤون الأكاديمية انك سددت و وصل سدادك لكن باقي محظور عن التسجيل ولايوجد لديك انذارات او ضعف مده .... وبعدها المطلوب منك تشيك كل شوي على حالتك الأكاديمية لين تحصلها فعال ثم تروح لنظام البنر وتسجل موادك مره ثانيه.. بس لاتنسى تشيك كل ساعتين على حالتك الأكاديمية لين تكون فعال وتسجل موادك... وياليت تكتب هنا اذا رجعت فعال ... واذا مرت 72 ساعه ماتغير شي برضوا اكتب هنا لكن صدقني باذن الله بترجع لانها صارت مع كثير من الطلاب وكنت متابع معهم ...بس اهم شي لايكون عليك انذارات او ضعف مده هذا المهم

وانتظر جديدك وبالتوفيق ان شاء الله

رد: استفسار ضروري يا جماعه
 

الله يعطيك العافيه

لا الحمد لله لا يوجد انذارات

ولا يوجد انقطاع عن الدراسه المشكله بالرسوم وتسددت بس باقي الحاله الاكاديميه للطالب متوقف بسبب الرسوم
يمكن لاني سددت اليوم وهي تاخذ 72 ساعه مثل ما قلت
اول ما تفك برسل هنا

شكرا لك

رد: استفسار ضروري يا جماعه
 

الله يعافيك يالأمير

بالضبط مثل ماقلت لك تاخذ لها وقت وبيفك عنك الحظر

وبشرنا بالجديد.. وموفق ان شاء الله

رد: استفسار ضروري يا جماعه
 

الجديد سلمك الله

حالة الطالب الاكاديمية : ( فعال ) بس باللون الاحمر !!

ولما ادخل على البانر بسجل موادي تطلع المواد الي سجلتها سابقا

ولما اروح التسجيل الحالي يطلع لا يوجد مقررات .

رد: استفسار ضروري يا جماعه
 

جمييييل ،،، الله يبشرك بالخير يالأمير

تدري حتى انا فعال احمر بس مسموح لي كل شي ومستغرب ليش احمر
واعتقد لانهم طبقوا النظام الجديد هذا السمستر وهو الي يحذفون المقررات للي ماسددوا واعتقد بيصير فعال اخضر اذا سددنا رسوم المواد الي سجلناها هذا السمستر

اذا ماعليك امر افتح البنر وروح للتسجيل ثم حالة التسجيل
و((اختر الفصل الأول ١٤٣٩ بيكون هو الخيار الثاني )) ثم اختر اكمال الطلب وشوف هل كل شي مسموح لك وعليه علامة صح باللون الاخضر؟
اذا كانت كلها صح باللون الاخضر قفل البنر وافتحه من جديد وروح للتسجيل ثم السجل التاريخي للتسجيل وشوف هل المواد الي سجلتها او تبي تسجلها موجوده ولا لا ؟

رد: استفسار ضروري يا جماعه
 

هـلا وغـلا اخوي

افضل حل مراسلة الجامعه من خيار الاسئلة المتكررة الموجود بالخدمات الطلابية

ارسلت لهم اول شي ان حالتي الاكاديمية متوقف بسبب الرسوم وردوا الصباح انه تم تعديل الحالة الى فعال

وبعدها ما قدرت اسجل مواد وارسلت لهم عن طريق الاسئلة المتكررة وردوا بنفس اليوم وقالوا تم حل المشكلة بامكانك التسجيل

واليوم سجلت موادي وخلصت وترى جربت كل خطواتك الي ذكرتها فوق والحمد لله كلها لون اخضر والمواد موجودة

ولكن فيه نقطة الترم السابق فيه مادة غبت عنها وارفقت عذر وتم قبوله

واعتقد المفترض الماده هذي انها تضاف مع المواد المسجله في البانر ولكن ما لقيتها

رد: استفسار ضروري يا جماعه
 

جميييل ،، وعداك العيب ولله

بخصوص الماده الي قبلوا عذرك فيها بالعاده تاخذ لها وقت بعد ماتسجل موادك بأسبوع الى اسبوعين ... وانتبه تضيفها بنفسك

انا اضافوها لي بعد ماسجلت موادي باسبوعين تقريبا

ومايمنع انك تراسلهم من الاسئلة المتكررة وتبلغهم ان الماده هذي باقي ما اضافوها لك ومتى راح تضاف

وامورك صارت الحين في السليم باذن الله

وبالتوفيق ان شاء الله