احتاج من يساعدني في العذر
 

رد: احتاج من يساعدني في العذر
 

عليكم السلام

الحل جدا بسيط والجامعة متعاونين
ارفق بطاقة العمل وقل لهم ان العمل قطعوا اجازتك وبينقبل عذرك ان شاء الله

رد: احتاج من يساعدني في العذر
 

وعليكم السلام ورحمة الله وبركاته

ولله هذي فيها مغامره كبيره اذا بتقدم لهم بطاقة عملك وتقولهم دوامي قطعوا علي الاجازه

احب اذكرك بملاحظه مهمه موجوده في شهادة حضور الاختبار ومكتوبه اسفل الشهادة (ملحوظه: على الموظف الذي يؤدي اختباره في مقر عمله التنسيق مع مرجعه فيما يخص دوامه دون ادنى مسئولية على الجامعة)

رد: احتاج من يساعدني في العذر
 

الله يصلحك

لا مغامرة ولا هم يحزنون

انا شخصياً صارت معي واكثر من مرة ارفقت لهم بطاقة العمل وقلت لهم بسبب ظروف العمل كنت مداوم وانقبل العذر

الملحوظة اللي تقول هذي كتابه روتينية يعني مانجبر عملك انهم يفكونك تروح تختبر ان فكك العمل كان بها واذا مافكك مالنا عليهم كلام

رد: احتاج من يساعدني في العذر
 

وعلى فكره ترى مكتب العمل يفرض على اي دائرة حكوميه او أهليه إعطاء الموظف الي معه اثبات رسمي ان عنده اختبارات نهائية اجازه بنفس عدد ايام اختباراته ... والاجازة هذي لاتؤثر على رصيد ايام اجازتك الرسمية

رد: احتاج من يساعدني في العذر
 

الكلام هذا هو المغامرة والمقامرة وخراب الديار

لان العمل اهم واولى من الاختبار وهذا قصد الجامعة في الملحوظه اللي تكلمنا عنها

مو تغيب عن عملك بحجة عندك اختبار وانو من حقك تختبر غصب عنهم ويفصلونك :biggrin:

لذلك قالت الجامعة ما نتحمل مسؤولية احد

رد: احتاج من يساعدني في العذر
 

الله يصلحك انت

وش الي خراب ديار ومقامره ؟ انت من جدك جالس تكلمني كذا ؟ ههههههههه

لاحول ولا قوة الا بالله

هذي حكومتنا الي وجهت مكتب العمل بهذا النظام ونزل عليها هذا القرار وماجبتلك شي من راسي

وتفسيرك للملحوظه بالطريقه هذي يمكن تنكب حظ الرجال

من يقول ان الدوام هو الاهم ؟ عطني اثبات او قرار حكومي ؟ ...يامسلم الاختبار اهم من الدوام ولاماكان شفت مكتب العمل يفرض النظام هذا على اي دائرة حكوميه او اهليه ...

اذا الجامعه قبلت عذرك مثل ما انت تقول فهو تسامح منها على ايام الدكتور الفريدان والطيبين الي كانوا قبله ... لكن الان ابدا مو متعاونين مثل قبل ومتشددين معنا كثير والكل جالس يشوف هالشي ... والله يكتب الي فيه الخير للجميع

رد: احتاج من يساعدني في العذر
 

مرة ثانية الله يصلحك

الجاهل عدو نفسه

حتى في القرارات اللي تقول عليها صيغتها كذا ( بعد موافقة جهة العمل يحق للدارس او الطالب اداء الاختبارات ..... الخ ) اشترطت موافقة جهة العمل اولا

واللي صار في حالة زميلنا ان جهة عمله ماوافقت او وافقت وبعدين استدعوه لمصلحة العمل ( والنظام يكفل لهم الموافقة او عدم الموافقة )

العمل اهم من اختباراتك يا فالح ( لان العمل مصلحة عامة واختباراتك يانيوتن مصلحة خاصه )

وش الاهم المصلحة العامة ولا المصلحة الخاصة ؟

فيه اشياء بديهية ماتستحمل جدال


زيادة على كذا صدر قرارات جديدة الغت القرارات القديمة تقول ان اجازة الاختبارات تحسب او تخصم من رصيد اجازات الموظف

دعواتي لك ان يصلح الله حالك واحوالك ..

رد: احتاج من يساعدني في العذر
 

خطاب من العمل انك في هذا اليوم كنت في مهمة مستعجلة خارج المدينه يكفي

او شفلك عذر طبي قديم وضبط الامور [emoji16]


Sent from my iPhone using ملتقى فيصل

رد: احتاج من يساعدني في العذر
 

هههههههههههههههه حلوه الله يصلحك مره ثانيه

من الي قايلك اني احتاج دعواتك ؟

والجاهل عدو نفسه هذا الكلام يمثلك انت وهذي طريقة تفكيرك وكلن يرى الناس بعين طبعه

واذا كنت تشوفوني نيوتن وتشبهني بكافر انا اترفع اني ارد عليك وبعطيك على قد عقلك

ولاتتفلسف على روسنا هنا ومصلحه عامه ومصلحه خاصه ... يامسلم اقوى سلاح تضرب فيه هو شهادتك ومافيه شي يعادل قوتها ... ومكتب العمل قراراته ماتغير فيها شي وهذا انا في عملي اشوفه

اسمع يالي محد فاهم في الدنيا غيرك ... انت جالس تألف من راسك هنا وتخترع لنا علشان توهمنا انك الصح ؟

هههههههههه وش فيك حست ام الموضوع كذا الله يهديك بس

الله يصلحك يامشرفنا الاجتماعي ترى من دونك كلنا جاهلين

اجل المصلحه العامه اهم ههههههههه

الله يكملك بعقلك وناخوك ويفتح على قلبك

ولاتنكب الرجال بكلامك علشان مايدعي عليك لاسمح الله مستقبلا اذا رفضوا عذره

وانا اختم كلامي هنا والمهاترات الي مثل هذي مااحب اضيع وقتي عليها