|
الى الطلبة الجدد في المستوى الخامس
السلام عليكم ورحمة الله وبركاته حيا الله الطلبة الجدد في المستوى الخامس احنا ان شاء الله ما شين للسادس بنترك لكم المكان لا توسخونه:biggrin: فقط قبل امشي حبيت افيدكم وش المادة الي افضل انك تحذفها وتأجله للترم السادس او السابع لأن المستوى 20 ساعة يعني لازم تحذف مادة عشان ما تتجاوز 18 ساعة اول شي تشوف الاختبارات تحاول تكون مواد الاختبارات الي عندك يكون معك وقت تذاكر كل المواد وقت الاختبارات بينهن يوم ونص للمذاكرة الا مادتين الصوتيات و ظهور الرواية لكن من باب ان اصعب مادة في المستوى الخامس هي مادة الصوتيات فا لازم تبدأ مذاكرتها من قبل الاختبارات وتخصص لها اقل شي اسبوع لأن المادة فهم وحفظ فأنا عن نفسي حذفت المادة الي قبل الصوتيات الي هي الفكر والثقافة الانجليزية صار معي يومين ونص لمذاكرة الصوتيات والحمدلله فادتني هذي اليومين كثيير مع العلم اني مذاكر الصوتيات قبل الاختبارات ب3 اسابيع ولازم تذاكر ظهور الرواية قبل الاختبارات وتطلع على الكويزات وعلى الروايات عشان فقط تراجع مراجعة قبل الاختبار ولازم تذاكر جميع المواد قبل الاختبار وتطلع على الاسئلة قبل الاختبارات وتترجم الملازم عشان تأخذ درجة ممتازة واسأل الله لكم التوفيق |
رد: الى الطلبة الجدد في المستوى الخامس
يعطيك ١٠٠٠٠ عافية
ماقصرت واطمنكم مستوى سادس لذيذ وخفيف الهضم وحلو جداااا وممتع للذاكرة بالنسبة لمستوى خامس انا معك خطتك حلوة لان مستوى خامس جميل ويحتاج اجتهاااااااااد ومذاكرة خصوصا في مادة نظرية الترجمة - الصوتياات. فغالبا ياتحذف فكر وثقافة او تحذف مهارات تحدث ( انا حذفت مهارات ) لان اسهل مادة بخامس مهارات فتضيفها بمستوى سابع ويكون جدولك زي العسل انا احب دايما افتك من المادة اللي تحتاج مذاكرة واجتهاد وما احب ااجل الا المواد السهله حتى ماشيل همها بالتوفيق يارب الي مقدم على مستوى خامس او سادس |
رد: الى الطلبة الجدد في المستوى الخامس
موضوع جيد . شكراً لك.
فعلاً المواد يبي لها مذاكره م̷ـــِْن بدري. وتركيز بالنسبه للصوتيات. الافضل تاجلون الفكر اذا بتاخذونها. مانصحكم تاجلونها لسادس لان المستويات كل ماتتقدم تصعب شوي. الماده جميله. وفهم وتعتمد على حفظ الجداول راح تلاقون الجداول بالملتقى منزله بكذا موضوع. وايضاً ظهور الروايه معلوماتها كثيره. والدكتور ينزل اسئله مباشرات ويساعد، لكن الدكتور دقيق باسئلته تعتمد على فهمك للماده وليس حفظك لاسئله الاعوام. كمان مهارات التحدث فهم و3 ساعات ذاكروها زين. انا اجلتها وخذيت الروايه. وتمنيت اني اخذتها لان الكل مدح الدكتور والاسئله مكرره. . كمان نظريه الترجمه تعتبر م̷ـــِْن ادسم المواد. واكثرها تشعب. ذاكرواها قبل الاختبارات بفتره انا خذت منى اسبوع ويومين. بقيه المواد تمام ،، في الختام. اهلا وسهلا بمنزلكم الجديد.واتمنى ان تجدوا ماينفعكم للمعلومه. اجلت الفكر. ومهارات التحدث. فقط وباذن •اللّـہ̣̥ اخذهم صيفي :icon120: ولا اكلت هواء مع سادس |
رد: الى الطلبة الجدد في المستوى الخامس
موضوع مفيد فعلا ومهم...
فعلا خامس يحتاج مذاكرة من قبل الاختبارات الا مادتين مررره روعة وبسيطة جدا اذا نفس الدكاترة الا هي الحضارة الاسلامية والادب الانجليزي في 17 دكاترتهم متعاونين مررة ويكررون.. مادة الصوتيات تحتاج جهد وفهم وحفظ وتركيز وياارب دكتورها يتعدل ويعدل اسئلته ومهارات التحدث انا ماخذتها وندمت كثير لان شكلها سهلة ودكتورها سهل لكن باذن الله اخذها صيفي.. ولكن انصحكم تاخذونها ما دام دكتورها ما تغيير.. وبالتوفيق للجميع.. |
رد: الى الطلبة الجدد في المستوى الخامس
الله يعطيكم العافية ويسعدكم بالنتايج الزينة
، لكن وش فيكم مستعجلين فصلوا لنا شوي عن مواد خامس ، عرفنا ان الصوتيات مقرر يبي له اجتهاد وباقي المواد كيف دكاترتهم لان عندي قاعدة " اهم من المقرر، الدكتور " يعني هو بكيفه يخليها سهلة او يخليها صعبة .. فعطونا نبذة شوي لكل مقرر وكيف كانت صعوبة او سهولة الاسئلة :) |
رد: الى الطلبة الجدد في المستوى الخامس
اقتباس:
وفعلا لقينا كلامهم مظبوط... الا الصوتيات غلسها اكثر علينا.. والحضارة الاسلامية والادب دكاترتهم متعاونين ما خذت مني كل مادة الا يومين مذاكرة وباذن الله فل مارك.. طبعا انا دائما اقرئ الملزمة كاملة قراءة فقط اخذ فكرة عامة عن المادة قم اركز على اسئلة الاعوام للمادة الي معروف دكتورها يكرررر مثل الحضارة والادب.... اما المقال سهلة المادة لكن دكتورها يقدم ويؤخر حتى لي المكرر.. بس مو يتفلسف زود.. الترجمة دكتورها مررره صعب بس الحمدالله تعدل الترم الي فات وترمنا كااااان احلى بكثير... شيئ لا يصدق كررر نموذج كامل الا سؤالين او ثلاثه.. ويااارب يسخره لكم زي ما سخره لنا... ظهور الرواية دكتورها بعطي اسئلة في المباشرة وضرروري تركزو عليها لان فعلا معظم الاسئلة منها بس تعتمد الى فهمها اكثر من حفظها لانه تلاقي شكل السؤال مختلف والاجابة طختلفة حتى تشك انك شفت السؤال هذا من قبل.. بس اذا فاهم المعنى وفاهم كل كلمة في السؤال راح تختار الاجابة بسهولة وكمان يكرر من اسئلة الاعوام ويحيب كم سؤال جديد من المحتوى.. بس ضروري تذاكرها قبل الاختبارات لا ن ما فيه وقت ومعلوماتها كثيرة ومتشابهه... وهذا الرابط.. للقادمين الجدد : المختصر المفيد لـ مواد المستوى الخامس .. https://vb.ckfu.org/t818078.html |
رد: الى الطلبة الجدد في المستوى الخامس
اقتباس:
فالك الفل مارك ف كل المقررات ان شاءالله ومو غريبة عليك ، ولو اني مو بمستواكم لكني اشقر على قسمكم سابقا اقرا تعليقاتكم واخذ ردود افعالكم وانتي من الاشخاص اللي ردودهم كانت مميزة ومفيدة ولفتت انتباهي ' كل التحايا :icon1: |
رد: الى الطلبة الجدد في المستوى الخامس
شكرا جزيلا لثناءك...
ويسعدني ان اخدم هنا باي شيئ حتى ولو كان بسيط. لانني فعلا استفدت كثير من كل كلمة تكتب هنا وادعوا دائما لاصحابها بالتوفيق والسداد.. وكنت اتمنى ان اقدم هنا اكثر ولكن ظروفي وارتباطاتي وانشغالي يحول دون ذلك.. ويااارب يفرحنا واياكم بالنتائج الي تسر الخاطر... |
رد: الى الطلبة الجدد في المستوى الخامس
اقتباس:
واخذت القرن 17 دكتوره متعاون جداا ويكرر لكن احيانا شقلب السؤال جواب والعكس بس انت افهم الماده وع طول راح تاخذ فل مارك والفكر والثقافه الماده حلوه لكن الدكتور مصعبها يعني لازم تكون فاهم الماده وحافظها واسئلة الدكتور واضحه ومباشره هذا من وجهة نظري |
رد: الى الطلبة الجدد في المستوى الخامس
اقتباس:
|
| All times are GMT +3. الوقت الآن حسب توقيت السعودية: 08:00 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه