|
اخوكم من المستوى الخامس.... خطتي الخاصة للترم السادس
السلام عليكم ستكون خطتي الخاصة بمشيئة الله للمستوى السادس كالتالي النظم المتكاملة ( من المستوى السادس ) مبادئ التوريد ( من المستوى السادس ) القانون التجاري ( من المستوى السادس ) السلوك التنظيمي ( من المستوى الخامس ) الاعمال الالكترونية ( من المستوى الخامس ) انجليزي ( من المستوى الثاني) ابي مشورتكم من ناحية مدى تدرج صعوبة المواد وطبيعتها النظرية والعملية وطبيعة دكتور المادة موفقين لكل خير |
رد: اخوكم من المستوى الخامس.... خطتي الخاصة للترم السادس
انا من مستوى خامس سلوك التنظمي ماده نظريه و تحتاج تركيز فيها صعوبه و الاعمال الالكترونيه طويله بالنسبه لي موصعبه واجد بس طويله و نظريه تحتاج تركيز بس اذا ذاكرت الماده و راجعت التبويب ان شاء الله تنجح فيها انجليزي سهل و تافه اذا كنت عندك خلفيه في اللغه و فالك التوفيق يارب
|
رد: اخوكم من المستوى الخامس.... خطتي الخاصة للترم السادس
بالتوفيق لك إن شاء الله
أكثر شئ بأبشرك فيه دكاترة هالترم عسل , وينحطون ع الجرح يبرى عاد ما أدري بيتغير منهم أحد أو لا لكن بإذن الله تكون أسألتكم نفس المستوى , وأسهل أكثر |
رد: اخوكم من المستوى الخامس.... خطتي الخاصة للترم السادس
بالتوفيق اذا مواد المستوى السادس اللي بتاخذها نفس الدكاتره الترم هذا امورك في التمام كلهم بدون استثناء كويسين جدا
|
رد: اخوكم من المستوى الخامس.... خطتي الخاصة للترم السادس
التوريد جميل
و القانون جميل والنظم هالمستوى يمدحونه مااخذته معهم تحسفت مليون = باخذه المستوى الجاي اما بالنسبه الاكترونيه انا مأجلتها من المستوى الخامس بحطها بالمستوى الثامن بس شلون انت بتحط الإلكترونيه ووراها توريد تراه ضغطط كذا |
رد: اخوكم من المستوى الخامس.... خطتي الخاصة للترم السادس
ممتاز ودائماً خذ الحد الاعلى من المواد حتى يمديك تخلص بسرعه
والامور كلها بسيطه مافيها صعوبه خصوصاً هالترم ماشاء الله تبارك الله عندك مادة التوريد دسمه شوي (التعداد > خصائص > انواع > اهداف ) فيها كثير تحتاج مذاكره من بدري لكن الدكتور ماقصر واسئلته جيدة اخر نصيحه حاول تخلص من المواد السابقة حقت الاترام الماضية على شان ماتبلش بعدين ويصير عندك تعارض مادتين اختباره في وقت واحد الفصل الصيفي حاول تخليها للمواد السابقة وبعدها امش على الخطة واذا بتسجل مواد شف جدول الاختبارات تحصله بقوقل هو ثابت مايتغير وفالك التوفيق |
رد: اخوكم من المستوى الخامس.... خطتي الخاصة للترم السادس
اكثر شي مقلق فيها السلوك التنظيمي للدكتور يحظة سملالي
الانجليزي انت تحدد مستواك المادة سهله للي لغته كويسة الاعمال الاكترونية دسمة بس الدكتور ماقصر معنا جاب اسئله من التبويب |
رد: اخوكم من المستوى الخامس.... خطتي الخاصة للترم السادس
بالنسبة لي أشوف السلوك التنظيمي هو أصعب شيء في جدولك
أما مواد السادس شف الانطباعات وبتعرف سهولتها |
رد: اخوكم من المستوى الخامس.... خطتي الخاصة للترم السادس
اقتباس:
عندك النظم المتكاملة بحكم طول المادة ثم الاعمال الالكترونيه الي فهمته سمستر يكون صعب وسمستر حلوه اسئلته وهالمره كانت حلوه ثم السلوك التنظيمي ثم مبادئ التوريد ثم القانون التجاري ثم الانجليزي ( هذي ماخذيتها لانهم عادلوها لي ) طبعاً الترتيب من الصعب الى السهل وباذن الله كلهم هينين ولاكن اهم شي تخلي بينهم ايام علشان تقدر تذاكر زين ومافي شي صعب بالمذاكرة وبالتوفيق :d5: |
رد: اخوكم من المستوى الخامس.... خطتي الخاصة للترم السادس
الترتيب حسب الصعوبة السلوك التنظيمي مادة دسمه جدا الأعمال الإلكترونية تحتاج وقت لكثرة المصطلحات فيها النظم المتكاملة ايضا مادة دسمة الانجليزي و مبادئ التوريد و القانون التجاري بمجملها سهله ممتنعه. لو كنت مكانك اخترت احد المواد الدسمة ونزلته بالصيفي علشان ما اضغط نفسي و فالك التوفيق |
| All times are GMT +3. الوقت الآن حسب توقيت السعودية: 06:36 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه