|
بعد استلام خطاب القبول؟؟؟
السلام عليكم ورحمة الله وبركاته انا اختبرت البلسمنت تست قبل اسبوعين و كلموني الجامعه وقالو لي اني انقبلت بالجامعة ولازم امر عليهم عشان اسلمهم شهادة الثانوية الاصل واستلم خطاب القبول وادفع الدفعة الاولى سؤالي هنا : هل هذا يعني تم قبولي بشكل نهائي؟؟ لاني سمعت ان فيه اختبار للماث بعد الانجلش وانا ما اختبرت الا انجلش وسؤالي الثاني ما هو جدول مواد الادفانس لفل وايش الكلاسات الي ناخذها مع العلم اني دوام مسائي ؟؟ وشاكر لكم جميعا وسوري لو كان فيه شي مو واضح بس مو متعود على الكتابة بالمنتديات :119: |
رد: بعد استلام خطاب القبول؟؟؟
ان شاء الله الشباب يفيدونك.
ايش موضيع المقال إلي جاتك؟ وهل الاختبار صعب (مشددين) في المقابله. ولو اختبرت وخذت اقل من لفيل 3 هل يقبلوني مع العلم ان موظف؟ |
رد: بعد استلام خطاب القبول؟؟؟
تم قبولك بشكل نهائي .. بالنسبه للماث اذا انك فاهم الجبرا وتبي تختبر فيها تقدر تأخذ بليسمنت تست وتعديها اما انك منت فاهمها وتبي تدرسهابتأخذها اذا بديت الدراسه وهالماده مو داخله بالمعدل وفيه ماده ثانيه بعدها اذا تخصصك بزنس راح تاخذ انترميديت الجبرا وتقدر تأخذ فيها اختبار البليسمت تست واذا تخصصك هندسه بتأخذ بري كايكلس وتقدر تأخذ بليسمنت تست بشرط انك تعدي الجبرا ..
جدول الادفانس كومنكيشن بعدين الماث بعدين رايتنق .. وبيعطونك الجدول وبيكون واضح فيه كل شي وبالتوفيق ,, |
رد: بعد استلام خطاب القبول؟؟؟
aqeel12
الاختبار سهل وكان عبارة عن مقالين تختار منهم واحد الاول كان ( culture of people) والثاني نسيته لاني كتبت الاول وتكتب مالا يقل عن 250 كلمة اما المقابلة عاديه جدا ولا فيها اي تشديد !! وبالنسبة للقبول في الدوام المسائي لازم انك تجيب الادفانس لفل اما لو كان مستواك اقل من الادفانس يخلونك بقنر او انتراميديت والمستويين هذولي دوامهم صباح بس يعني القبول مو مشكلة بس دامك موظف لازم تجيب الادفانس لفل وان شاء الله اكون وضحت لك الامور وشكرا |
رد: بعد استلام خطاب القبول؟؟؟
الله يعين.وان شاء الله اخذ لفيل 3
|
رد: بعد استلام خطاب القبول؟؟؟
[align=center][align=right]m3golah_10-sane[/align][/align]
مشكور اخوي على توضيح الامور لي بس عندي استفسار بالنسبة للماث انا مستواي متواضع يعني اخذ الجبرا وعلى كلامك بعدها اخذ بري كايكلس لان تخصصي هندسي سؤالي : البري كايكلس اخذها بالسنة التحضيرية مع الجبرا والا بعد التخصص وهل ما تدخل بالمعدل ؟ وبالنسبة للجدول الدوام المسائي ثابت من 5 الى 10 المساء او على حسب الجدول ؟ وعندي سؤال اخير بخصوص معادلة المواد لاني خريج كلية تقنية متى راح تكون معادلة المواد هل خلال الايام الجايه قبل دخولي الترم التحضيري والا خلال الترم وكيف الاجراءات راح تكون لان ما عندي اي خلفية ؟ وسوري ع الاطاله من جد وجزاك الله خير |
رد: بعد استلام خطاب القبول؟؟؟
اذا مستواك متواضع بالماث وودك تختبر الجبر بليسمنت تست تأخذ الاختبار قبل يبتدأ السمستر الجاي باسبوع او اسبوعين .. ولازم تسجل اسمك من هالحين عند مكتب التسجيل انك بتاخذ هالاختبار بعدين هو مو ضارك .. والاختبار عباره عن اختيارات ومو ذيك الصعوبه .. وافضل انك تدرس ادفانس مع بري كايكلس .. حتى اذا بديت الكور تكون تدرس كل المواد ومحسوبه بالمعدل
اذا خذيت الجبرا بالتحضيريه .. تاخذ بري كايكلس بالكور .. والثنتين مو داخله بالمعدل اذا درست الجبرا وانت في ادفانس تاخذ البري كايكلس وانت بالكور .. اما اذا عديت الجبرا بالبليسمنت تست راح تاخذ البري كايكلس في ادفانس الجدول ثابت الا في حالة اتفق جميع الطلاب مع الي يدرسهم في تنظيم الجدول وتقليل وقت البريك .. مثل ما صار معنا السمستر الي راح خلينا البريك نص ساعه على شان نبدأ الظهر بدري ونطلع بدري .. وهو يعتمد على الي يدرسك والله يا اخوي ماجد .. بالنسبه للمعادله ماعندي عنها اي خلفية .. وياليت تروح لهم على شان يعادلون لك ويحذفون عنك مواد ويقل وقت الساعات .. ونصيحه روح لهم مره وحده قبل يبدأ السمستر الجاي باسبوعين او اكثر بشوي على شان تسجل لا اختبار الجبرا وتعادل بعض المواد وبالتوفيق واي سؤال انا حاضر |
رد: بعد استلام خطاب القبول؟؟؟
الله يعطيك العافية على المجهود الواضح والرائع بالمنتدى كله
وجعله الله بميزان حسناتك |
رد: بعد استلام خطاب القبول؟؟؟
اخوي مبرووووك القبول
كم نسبتك بالثانوي والقدرات؟ |
رد: بعد استلام خطاب القبول؟؟؟
عبوووووود
الله يبارك فيك للمعلوميه انا ما سجلت بشهادة الثانوي لأني خريج كلية التقنية تخصص هندسة ميكانيكة وكانت نسبتي 3.5 واعرف شباب نسبهم بالثانوي نازله مره وسجلو وانقبلوو عشان كذا لا تشيل هم هالموضوع وسجل والله يوفقك ان شاء الله |
| All times are GMT +3. الوقت الآن حسب توقيت السعودية: 07:31 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه