هل القبول يعتمد على المقابله الشخصيه والبليسمنت ولا درجات الثانويه والقدرات؟
 

السلام عليكم ورحمة الله وبركاته

اخواني هل القبول في جامعة الامير محمد بن فهد يعتمد على المقابله الشخصيه واختبار البليسمنت ولا على درجات الثانوي والقدرات؟
يعني لو كانت دجاتي كويسه في الثاني والقدرات وجبت العيد في المقابله والبليسمنت هل راح انقبل في الجامعه؟

رد: هل القبول يعتمد على المقابله الشخصيه والبليسمنت ولا درجات الثانويه والقدرات؟
 

المقابله الشخصيه والاختبار هو مجرد تحديد مستواك باللغه وذهابك للمستوى الي يناسبك ومن الممكن تعديت السنه التحضيريه اذا كانت لغتك الانجليزيه جيده.

القبول بالجامعه حالياً لا يهمها درجات الثانوي وتقدر تختار اي تخصص حتى لو كنت انت طالب شرعي .. ولا يتطلب منك انك تجيب اختبار القدرات الا انك تبي تقدم على المنحه الدراسه فلازم تجيبه .. يمكن مستقبلا يحطون شروط ومعايير صعبه زي الجامعات الثانيه خخخ

كما سبق وذكرت لك اختبار القدرات ليس مهم بالجامعه .. والمقابله والاختبار هو تحديد مستواك ووضعك بالمستوى الذي يناسبك

بالتوفيق ان شاء الله خيو

رد: هل القبول يعتمد على المقابله الشخصيه والبليسمنت ولا درجات الثانويه والقدرات؟
 

شـكــ وبارك الله فيك ـــرا لك ... لك مني أجمل تحية .


طيب مثلا بيصعبون القبول وش المعايير اللي بتصير؟

كم عدد الكلاسات للاولاد في التحضيريه وكم عدد الطلاب في كل كلاس؟

كم طالب يقبلون كل سنه؟

متى تتوقع راح يبدون يصعبون شروطهم؟

رد: هل القبول يعتمد على المقابله الشخصيه والبليسمنت ولا درجات الثانويه والقدرات؟
 

في الفتره الحاليه ما اتوقع يصعبون الامور لان يبون اكبر عدد من الطلاب ,, يمكن المعايير بالمستقبل بتصير زي البترول قدرات وتحصيلي ونسبه موزونه.. لاكن انت سجل هالفتره وماعليك من الي بيصير بعدين ما راح تتطبق عليك


ثلاث مستويات للغه 4 كلاسات لادفانس وفيها 16 طالب اما المستويات الثانيه ما ادري كم كلاس فيه بس ما اتوقع كثيره والطلاب فيها يا 16 او اقل


اتوقع راح يصعبون شروطهم اذا صار تكدس على طلب الالتحاق بالجامعه في السنين القادمه لانها الجامعه الوحيده الي تدخل فيها بدون شروط صعبه مثل الجامعات الثانيه .. وانها تقبل خريجين ثانويه لهم فتره من يوم تخرجو وغير كذا كل واحد ما قبل في جامعه ثانيه جاء وقدم فيها و غير الي يفشلون بالدراسه برى ويفصلون من بعثه ويجي يكمل فيها .. انا اشوف السنتين القادمه راح تصير شروطها زي شروط اي جامعه ثانيه

لاكن انت استغل هالفرصه وسجل من الان .., وبالتوفيق

رد: هل القبول يعتمد على المقابله الشخصيه والبليسمنت ولا درجات الثانويه والقدرات؟
 

بالتوفيق