المكافأه
 

السلام عليكم

بنات انا سنه تحضيريه
قسم رياضيات مواد عامه تفاضل وثقافه و انجلش
وعدد الساعات اللي ادرسها 8 ساعات
ومن بداية السمستر الثاني مانزلت لي مكافأه
ابي اعرف كل البنات مثلي او بس انا
مع العلم ان معدلي التراكمي كان 2.00

بليييز ردو

رد: المكافأه
 

وعليكم السلام ورحمة الله..

يعني انتي تدرسي مواد عامه بس؟؟؟

رد: المكافأه
 

غريبه :mh19:

رد: المكافأه
 

وعليكم السلام ورحمة الله وبركاته

حبوبة
المعروف بقسم علوم " رياضيات "
المواد العامه هي
"الثقافه" و " الانجليزي"

واللي يدرسونها هم اللي ماتخصصوا ... يعني لآهم رياضيات ولا احياء

مادري انتي يالغلا شلون تقولين
رياضيات وتدرسين مواد عامه ومعهم تفاضل

احسس في شي غلط !!!
ماينفهم

لان المعروف لو مثلا انتي رياضيات معناه
انك ناجحه الكورس الاول بمادة الدكتور عماد
وتتخصصين رياضيات وتدرسين كل مواد التخصص

استحاله تخصصين رياضيات
ولا تدرسين كل مواد التخصص !!!

هذا اللي اعرفه .. وممكن فهمي غلط .. بس رديت عليك بحكم اني ادرس
معك بنفس السنه :)

بس اذا كنتي مواد عامه ماتاخذين مكافأة
واذا كنتي متخصصه والمعدل فوق 2 بتنزل لك مكافأة

واذا انتي من بداية السمستر مانزلت لك
ليه مارحتي للشؤؤن المالية !!
انا لي 3 شهور مانزلت لي وقلت بروح للشؤن الماليه بس تاخرت شوي عليها
لما جيتها قالت لي لو كنتي متاخره بس يومين كان من جد
وهقه قلت ليه
قالت: لاني ما اخلي الشيكات عندي
بالكثير اسبوعين
وبعدها ارجعها لهم

فا انتي روحي راجعيهم
ترى المسسؤله عن الماليه لحد الحين بالكلية الاسبوع اللي طاف كنت بالكلية وشفتها

وان شاءالله اني فدتك :)
وموووفقه يارب

رد: المكافأه
 

[align=center]
انا تخصصي رياضيات
بس لأني ادرس زائره بالنعيريه وقبل الاختبارات النهائيه بشهر قالولي الشؤون بالنعيريه احنا رح نحولك لمواد عامه على اخر السنه وحذفولي مواد التخصص بالبنر
على ان التخصص الى الان مسجل رياضيات بالبنر :Cry111:<<- قصة حياتها
حسبي الله عليهم
ومعدلي 2
وبالنسبه للتفاضل من المواد العامه مو التخصص
لأن بنات الكيمياء يدرسون تفاضل

انا من الجبيل صعبه اروح الخفجي بعيد مره
لأني كذا مره اطق مشوار واروح لهم يكون عندي مشاكل بالبنر مثلا
مايعبروني وكل وحده تقطها ع الثانيه مااطلع منهم بنتيجه


يعني خلاص المكافأه طارت :011:
[/align]

رد: المكافأه
 

والله سالفتك سالفه ابي افهمها بس معقدة

يعني انتي تخصص رياضيات با اي حق يحذفون مواد تخصص

ويخلونك تدرسين بس المواد العامه..!

واذا انتي من الجبيل وتدرسين

زائرة بالنعيرية

شدخل الخفجي ...؟!

يعني دامك زائرة بالنعيرية فا تستلمين المكافأة من النعيرية

الخفجي مالها دخل

واذا لها دخل فهميني ..؟!

واذا كان استلامك من الخفجي

وبغيتي مني استفسر لك ابششري

لاني راح اروح الاسبوع هذا لهم عشششان اختي

رد: المكافأه
 

مشكووووره ياقلبي ع الرد

اقتباس:

واذا انتي من الجبيل وتدرسين زائرة بالنعيرية شدخل الخفجي ...؟! يعني دامك زائرة بالنعيرية فا تستلمين المكافأة من النعيرية

ياقلبي هذا نظام الطالبه الزائره يحولونها لأقرب كليه لها علوم واداب مو تربيه واقرب كلية علوم للجبيل هي النعيريه ..
وطبعا ملفي في الخفجي مو بالنعيريه .. انا مجرد زائره فيها
حتى بالبنر وارقام السي ار ان من الخفجي ..

سؤؤؤؤؤال .. كلية الفلس مفتوحه الحين او لا ..

الله يخليكم ردو ..

رد: المكافأه
 

الله يعينك والله حوسه الشغله كلها

انا امس اتصلت بشغله وردوا علي
بس ما ادري اذا الاستاذه حقت الشؤون مداومه ولالا !!

رد: المكافأه
 

بناات انا قسم اداب ومعدلي 1و92


تنزل لي مكافئة ؟؟؟

رد: المكافأه
 

لا يالغلا اللي اعرفه انا المكافأه عشان تنزل لازم يكون معدلك التراكمي 2 اقل شي..

الله يوفقك..