ملتقى طلاب وطالبات جامعة الملك فيصل,جامعة الدمام

اقتباس:

المشاركة الأصلية كتبت بواسطة موشغلك (المشاركة 1061581381)

السلام عليكم
عندي استفسار او محتاج احد يساعدين ويشرح لي نقطة معينه بالبحث
ق
بقولكم انا شنو سويت بالبحث في الطرق البحث حطيت اني بسوي استبانة وذكرت العينات بالتفصيل بس دكتور حط لي سؤال انا مافهمته زين ممكن احد يشرح لي شنو يقصد
i think you need to mention the methods and approaches you will use to analyze the data collected. How will you analyze the data?

نصا الدكتور كاتب لك .. كيف راح توصل للنتيجة كيف راح تحلل البيانات اللي جمعتها؟
يقصد بعد ما عبوا المشتركين الاستبيان .. كيف راح تطلع النتيجة؟

مثلا اذا كانت اسئلة الاستبيان (10 اسئلة) والاجابات فيها يا نعم او لا ... ممكن تقول ان كل اجابة ب(نعم) لها نقطة و كل اجابه (لا) بدون نقاط ..
فراح تتدرج مجموع النقاط لكل المشترك بين 0 الى 10 نقاط ..
بعدها راح اجمع كل نقاط المشتركين (قل عندك مثلا 20 مشترك) .. راح يكون مجموع النقاط بين 0 و 200 اي ان (متوسط النقاط) بين 0 و 10

في حاله كانت النتيجة بين 10 و 5 معناها متوسط اراء المشتركين يميل لكذا ... وفي حالة كان متوسط النتائج كلها بين 0 و 5 يدل ذلك ان متوسط ارائهم يدل على كذا.

اما اذا كانت الاسئلة (10) اجاباتها اكثر من خيارين..مثلا (موافق جدا. موافق. محايد. غير موافق. غير موافق جدا)

هنا انت تعطي لك اختيار عدد من النقاط .. مثلا تقول موافق جدا لها 5 نقاط .. محايد لها 3 نقاط .. وغير موافق جدا لها نقطة واحدة ..
كل مشترك بتكون نتيجته بين 10 و 50

مجموع نقاطهم كلهم بين 1000 و 200 .. وبكذا راح يكون (متوسط النقاط) بين 10 و 50 ..
ممكن تقول كل ماقربنا 50 معناها ان متوسط ارائهم يميل الى كذا ... وكل ماقربنا الى 10 يدل ذلك ان انهم يميلون الى كذا

ممكن تقول راح استخدم البرنامج الفلاني لاستخراج النتيجة (مثلا قل spss )

اذا كانت اسئلتك مفتوحه .. (اي مالها خيارات) مثلا مارائك بكذا ... هنا انت اقرى بالنت عند طريقة تحليل بيانات الاسئلة المفتوحة

بالتوفيق