|
عندي سؤال فهل من مجيب؟!
بسم الله الرحمن الرحيم عندي سؤال عن الموارد البشرية كيفية التسجيل ؟! وماهي شروطة؟! وكم النسبة المطلوبة للتسجيل ؟! وماهي التخصصات الصحية في الموارد البشرية؟! ومتى يبدأ التسجيل في الموارد ؟! وأين التسجيل؟! ولكم جزيل الشكر والتقدير تحياتي NoOoR Al-HaWrA |
رد: عندي سؤال فهل من مجيب؟!
كيفية التسجيل ؟!جيبي شهادة الثانويه وروحي مبنى الإداره المقابل لمبنى الطالبات مع 100 ريال وأصعدي الدور الثالث حق مس أمل وقدمي أوراقك طبعآآ نسخه من شهاداتك مو الأصليه ويعطونك وصل انك سجلتي ودفعتي 100>الله يساعدك ع الصعود لأنه يقطع القلب ولا فيه أصنصيل لاتنسي خذي معك علبة مويه ههههههههههه>> وبعد فتره طويــــــــــــــــــــــــــــله جدآآ يمكن بعد ماتبدأ الدراسه أو قبل يتصلوا عليك تجين للأختبار وطبعآآ وانتي جايه للأختبار تجيبي نفس الشيء مئة ريال وهالأختبار مو مهم مجرد لتحديد مستواك ب الأنجلش وأي مستوى ممكن يحطونك لما تبتدي الدراسه. وماهي شروطة؟!يشترط ان تكون نسبتك بالثانوي 90 وفوق والقدرات والتحصيلي 60 وفوق طبعآآ أن كنتي تبغي تنقبلي على حساب الموارد البشريه اللي هو برنامج ماهر12<12بس بصراحه أحس هالنسبه بس ديكور أنا شفت بنات نسبهم تحت 90 بالثانوي ومقبولين على الموارد.>>طبعآ تكوني متخرجه من العلمي لأن بنات الأدبي حاطينهم تأمين صحي وعلى حساب الصندوق الخيري. وماهي التخصصات الصحية في الموارد البشرية؟! اللي أعرفه بكالوريوس صيدله ودبلوم تمريض ومختبرات طبعآ البكالوريوس بدون مكافآت والدبلوم يعطونهم مكافآت طبعآآ أتكلم ع المقبولين على حساب الموارد ومتى يبدأ التسجيل في الموارد ؟! الحين التسجيل فاتح روحي وقدمي أوراقك وتوكلي على الله وأين التسجيل؟!في مبنى الإداره بالكلية الدور الثالث >>بالتوفيق |
رد: عندي سؤال فهل من مجيب؟!
اقتباس:
ماشاء الله ماشاء الله ابتسامة ماقصرت معاكي ياقلبي وقامت بالواجب واكثر وجابت لك معلومات حلوة وجاوبت على اسئلتك يالغلا .... يعطيك العافيه حبيبتي وبالنسبة للتخصصات المدعومة من الموارد دبلوم / بكالريوس تمريض بكالريوس صيدله وتأمين صحي فقط عالصندوق حاليا الموجودين بالتوفيق غلاتي :119: |
رد: عندي سؤال فهل من مجيب؟!
أبتسامة طفلة
مشكورة حبيبتي بس قصدك أي مبنى كليه؟! مافهمت عليك قصدك حق المانع اللي بنسجل فيه نقول نبي على الموارد ولا أيش؟! وشنهو قصدك على 100 ريال يعني نعطيهم 100 ريال؟! وشلون بدأ التسجيل ومابعد يعطونا الشهاده؟! ومشكورة حبيبتي تعبتك معاي موفقه ............................. شرقاوية والله يوفقك يارررب تحياتي |
رد: عندي سؤال فهل من مجيب؟!
يوفق الجميع يالغلا
مبنى الكلية تقصد تروحي للمانع وتدخلي المبنى الي يكون بالزاوية فيه 3 طوابق هو مبنى الادارة الطابق الثالث للتسجيل تروحي لهم وتقدمي لهم شهادتك ويعطونك اوراق تعبيها ومن ضمنها التخصص المطلوب الي تبينه وتسئليهم متى يجي الدعم وكذا وهم بيعرفوا انك مسجله وتبين الدعم باذن الله اذا تستوفين الشروط ... 100 ريال للتسجيل اول ماتسجلي و لما تروحي يقولوا لك تعالي اختبري تدفعي لهم بعد 100 والتسجيل حبيبتي مفتوح من هنا الى شهر 9 يعني يمدي تجي شهادتك وتروحي يالغلا :) |
رد: عندي سؤال فهل من مجيب؟!
كفّت ووفّت أختي شرقاااوية ع تساؤلاتك..>>وإذا عندك أي استفسار آخر أحنا بالخدمة.>>الله يوفقك.
|
رد: عندي سؤال فهل من مجيب؟!
مشكوررين حبايبي
الله يعطيكم العافيه بس عندي كم سؤال أذا مافي كلافه أنتوا مسجلين بكلية المانع؟! هل سجلتوا عن طريق الموارد البشريه؟! وشنهو تخصصكم؟! وكيف الدراسه هناك؟! وأسفه على أزعاجكم وبالتوفيق تحياتي NoOoR Al-HaWrA |
رد: عندي سؤال فهل من مجيب؟!
أنا بكلية المانع توني أول سنة تخصصي بكالوريوس صيدله على حساب الموارد.
الدراسة كجو حليو بس مو لذاك الزود صراحه يعني أنا أكثر شيء يضايقني أن أحنا نتنقل كثير من مبنى الطالبات إلى مبنى آخر>إللي هو الأولد بيلدنق>وهذا المبنى بعض الكلاسات تكون شباب وبعضها بنات بس المشكله الأكبر لما يزدحم المبنى بطلاب وطالبات وراح تصادفيهم أيضآ ف المبنى الآخر إللي راح تتنقلي عليه وطبعآآ كل هالشباب يدرسوا ف الكلية ويمكن أن الله أراد تجتمعي بكلاسات معهم>بس بعد فتره راح تتعودي ع الوضع أما بالنسبة للمدرسين>جنسياتهم باكستانيين واعتقد أن اللي يدرسوا اللي ع التخصص سوريين أو لبنانيين الله أعلم>> والمدرسات إللي درسوني كثير زينين وحبيتهم وأحس نفسي أستفدت كثير باللغه يعني يعلمون صح وللحين أنا بالسنة التحضيريه مابعد أبدأ أدرس مواد التخصص يعني لسى مابعد أدخل في العميق.>اسمع البنات اللي داخلين ع التخصص منهم إللي يذم ف المدرسين ومنهم إللي يمدح بس هذا الحال ف كل الجامعات منهم الزين ومنهم الشين>وأنتي ان طلع اسمك ف تخصص صحي غير كلية المانع أنصحك تروحي له أفضل أما أن طلع أسمك ف مكان ماله مستقبل ف حيّاك الله ف عالمنا....>>انتي لو قبلوك الكلية بإذن الله أهم حاجه تسويها انك تتمسكي بمبادئك وأخلاقك >لأني قابلت بنات ماشاء الله أخلاق وبالنهاية وتضعي هدفك إللي تطمحي انك توصلي له قدامك وأن شاء الله راح تعدي سنوات الدراسه بكل سهوله.>>وأن كان عندك أي استفسار أحنا بالخدمه. وبس...سلآآآآم |
رد: عندي سؤال فهل من مجيب؟!
السلام عليكم
سوري دخلت بالموضوع وانا كان اكثر شي مخوفني من الدراسه بالمانع لمه سمعت انو هي مختلط شي جديد علينا مو متعودين عليه و من كلام اختي ابتسامه طفله ريحتني شوي والحين اكثر شي خايفه منه انو ما اجيب النسبه المطلوبه عشان ما ادرس اساسيات الانكلش وانو ادرسها على حسابي وانا حالتي الماديه ماتسمح لي والله يستر |
رد: عندي سؤال فهل من مجيب؟!
لالا تخافي ياقلبي
ان شا الله تجيبي النسبة المطلوبة يالغلا بس حاولي تشوفي اي كتاب انجلش حق اي سنة من السنوات الدراسية وطالعي القواعد الي فيه وكذا يعني :) |
| All times are GMT +3. الوقت الآن حسب توقيت السعودية: 08:31 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه