ملتقى طلاب وطالبات جامعة الملك فيصل,جامعة الدمام - استفسار عام طريقة الحد الادنى والاعلى

قانونه الاساسي هو :
التكلفه = التكلفة الثابته + المتغير * الكميه

(1) المتغير = (التكلفة الاعلى - التكلفة الاقل) / (الكمية الاعلى - الكمية الاقل) << اذا تستخدم الحاسبه انتبه لازم تستخدم الاقواس لانه لو ماستخدمتها بيبدأ بالقسمه اول وكذا بيلخبط النتيجه

اذا طلعت المتغير يكون باقي لنا التكلفة الثابته

(2) تعوض بأحد التكاليف اللي بالجدول (تأخذ الاعلى مثلا) وتعوضها بالمعادله الاساسيه وبيكون باقي لك الثابته مجهوله

يعني تضرب المتغير بالكميه وتحولها للجهة الثانيه عند التكلفة بيكون كذا >>> التكلفه - (المتغير * الكميه ) = التكلفة الثابته

بعد ماتطلع التكلفة الثابته , هو بيعطيك بالسوال يقولك عند الكميه كذا كم يكون التكلفة , فأخيراً بعد ماطلعت كل المحتويات السابقه تقدر تعوض بالمعادله الاساسيه
التكلفه = التكلفة الثابته اللي طلعتها (2) + المتغير اللي طلعته (1) * الكمية المعطاه بالسؤال