|
بين الطبيب والصيدلي الاكلينكي !
السلام عليكم ورحمة الله وبركاته ..~ وشلونكم عسآكم بخير / الف مبروك لَ كل متخرج ومتخرجه ولكل ناجح وناجحه وعقبال ان شاء الله الشهادات العليا في الدنيا والآخرهـ ..~ : لَ كل شخص منآ عند خروجه من الثانوية والتسجيل بَ الجامعة اكيد وجد حيرهـ في الأمر عن مستقبله وعن تخيلاته لَ الصورهـ الأمامية اللي يرى نفسه فيهآ وهذآ شي اكيد غير مفروغ منه وخصوصاً لمآ تكثر الاراء اللي حوله والمغريات تزداد اكثر واكثر / مآبين الطب والصيدلي الاكلينكي ؟ ولله الحمد تخرجت من الثانوية بَ نسبة تسمح لي ادخل القسمين وتؤهلني بَ جدارهـ لَ هالشئ بس وجدت مابين معارض ومؤيد لَ احد الأقسام ، ولا اعلم اين وجهتي في الأخير سوف تكون اكيد هي رغبتي في الأمر الأول والأخير ولكن لابد من حولي يكون لهم رأي وتثقيفي عن القسمين اذا احتجت الى ذلك الشئ معظم الأسئلة كآنت تدور حول : * في الدراسه ايهم اصعب ؟ * ايهم افضل مستقبل ؟ * مآبعد التخرج الى اي مدى يصل الطبيب والى اي مدى يصل الصيدلي الاكلينكي ؟ * البدلات والمعيشه اثناء الوظيفة .. تنحآز لَ صالح مين ؟ * ايهم تفضل وبَ صراحه ؟ / ( لَ كل شخص بيطرح لي رأيه وفكرهـ في هالموضوع ، رآح يأثر علي كثيراً .. اتمنى ثم اثمنى .. انكم تفكرون بَ ذلك الشي وتطرحون اللي يفيدني والأفضل لي في المستقبل ومن ليس لديه المعلومات الكافيه عن الصيدلة الاكلينكية .. اتمنى ان لا يفضل الطب بَ هواهـ ! ) : والأمر الثاني هل الآن جامعة الملك فيصل هي نفسها جامعة الدمام ؟ وعلى حسب علمي فيها صيدلة اكلينكية ،. بس تقدم فيها الماستر اللي هي 7 سنين وانت معك ماجستير والا لا ؟ الأمر الأخير فيه سكن بَ الجامعه والا نوب ؟ لأني من مكة وراح اعاني من هـ الشي لو نقلت الى الشرقيه / الله يخليكم لاتتركوني :011: http://www.cksu.com/vb/images/smilie...t_2xcs5lp9.gif |
رد: بين الطبيب والصيدلي الاكلينكي !
اول شي انا طالبه بالصيدله الاكلينيكيه =)
معظم الأسئلة كآنت تدور حول : * في الدراسه ايهم اصعب ؟ اتوقع نفس الشي ، بس على حسب كلام الدكاتره اللي يعطوننا ان الصيدله تحتاج فهم اكثر من حفظ والطب حفظ اكثر من فهم ..! وفي كثير مقررات مشتركه تقريباً * ايهم افضل مستقبل ؟ في رأيي الصيدلي الاكلينيكي مستقبله افضل ، لان التخصص جديد وعلى حسب كلام أحد الدكاتره " مدير أحد المستشفيات بالأحساء " ان اعتماد الدكتور مستقبلا سيكون على الصيدلي الاكلينيكي بشكل كبير ! * مآبعد التخرج الى اي مدى يصل الطبيب والى اي مدى يصل الصيدلي الاكلينكي ؟ هالشي ماافتي فيه ،، لاني لسه بصراحه بس راح تسمع كلام كثييير عن الصيدله واننها أقل من الطب بس هالشي مو صحيح لان الناس مو عارفه التخصص لسه بيقوولون لك بتبيع في"دكان" وتصرف ادويه وبس ! لكن التخصص أكبر من كذا بكثير * البدلات والمعيشه اثناء الوظيفة .. تنحآز لَ صالح مين ؟ ما أفتي بهالشي =) * ايهم تفضل وبَ صراحه ؟ انا عن نفسي فضلت الصيدله لاني حسيتها انسب للبنات من الطب الطبيب يتخرج بعد 7 سنوات دراسه ، ويكون لسه محتاج يدرس اكثر واكثر عشان يتخصص وعشان وعشان الصيدله اتوقع سنوات الدراسه كافيه بالاضافه الى الماستر عشان تثبت نفسك على حسب ماسمعته من احد الفارم دي بمستشفى التعليمي =) الأمر الأخير فيه سكن بَ الجامعه والا نوب ؟ لأني من مكة وراح اعاني من هـ الشي لو نقلت الى الشرقيه في سكن طلابي بالحسا ، بس التخصص موجود بجامعة الملك عبدالعزيز بجده ، مو أقرب لكم ؟ بالتوفيق لك ، ولا تنسى صلاة الاستخاره وان شاءالله ربي بييسر امورك للي فيه خير لك ،، |
رد: بين الطبيب والصيدلي الاكلينكي !
نقلًا عني في الموضوع الأصلي
أولاً مبروك على تفوقك .. ثانياً لا تنسى معركة التحصليلي فله الثقل الأكبر في القبول والله يوفقك فيه إن شاء الله. ثالثاً ..أخوي يدرس بقسم الصيدلة الإكلينيكية وأنا أدرس بالطب ..إن شاء الله تحصل على إجابة جميع تساؤلاتك اقتباس:
اقتباس:
بالنسبة للطب ما أدري وشو يخبي لنا المستقبل ,خاصة وأنّ أعداد طلبة الطب في تزايد ..كليات تزيد وتزيد وبعثات ..لكن إذا كنت واثق من قدراتك وأنك تستطيع أن تتميز فلا تخف من ذلك . اقتباس:
اقتباس:
ولا أحد يعرف ما هي البدالات اللتي ستوضع للصيادلة الإكلينيكيين أهي مشابهه للأطباء أم ماذا؟. ولكن شيء لازم يذكر ... مكافئة طلاب إمتياز الصيدلة الإكلينكية هو 3.5 آلاف ريال. وأما طلاب إمتياز الطب فهو 6 آلاف ريال بعد تخفيضها من 10 آلاف ! اقتباس:
وأخاف أقول لك صيدلة وأشنق روحي :cheese: بالتوفيق ,,, |
رد: بين الطبيب والصيدلي الاكلينكي !
سارا
والله افدتيني كثير الله يسعدك لكن انا ناوي جامعة الملك فيصل او الأحساء لأني ما ابي الغربيه ، ودي اغير للشرقيه مره وحده وحاجه كويسه فيه سكن للطلاب بس المتخرج يكون معاه ماستر < قصدي من الصيدلي الاكلينكي ؟ والشي الثاني ومعليش بَ اتعبك معاي ، فيه سنه تحضيرية والا لا ؟ يارب توافيني اول بَ اول سارا كل الود لك :) |
رد: بين الطبيب والصيدلي الاكلينكي !
ما اقول الا ماشاء الله تبارك الله
اثنين اجتمعو في قسمين ان شاء الله راح يكون لهم شأن في المستقبل :) / بَ النسبه للتحصيلي ، الله يعيني يوم الثلاثاء والله اني خايف منه خوف مايعلمه الا رب العالمين لكن الله يعين ويسر ويسهل علينا :) / والله بيني وبينك يعني على مغريات الطب من الرواتب لكن امس كنت مع المدير الطبي لَ مستشفى عندنا في مكه وطبعاً هو سوداني قالي ان استشاري الصيدلي الاكلينكي ممكن يوصل لَ راتب استشاري الطبيب واكثر خصوصاً وانه دخل بنته صيدله اكلينكية على الرغم كان يمديها ان تدخل طب هذا الجانب تقريباً خلاني اقتنع وارتاح بَ مستقبل الصيدله الاكلينكية في الامام واكيد طبعاً من محبي الكيمياء وبَ قوه :) / وعلى سنه الماستر يابعدهم في كل الجامعات اللي فيها صيدله اكلينكية والا بس جامعة الملك عبدالعزيز لأني سمعت زي كذا وابي اعرف هل جامعة الملك فيصل تقدم الماستر لطلاب الصيدله الاكلينكية بعد خروجهم منها ؟ الأمر الأخير ، فيه سنه تحضيرية والا لا ؟ ويآليت توافوني بَ رابط تقديم جامعة الأحساء لأن بعد التعديلات ما ادري من وين اقدم :( <-- نفسه بَ الشرقيه واجد :) |
رد: بين الطبيب والصيدلي الاكلينكي !
اقتباس:
|
رد: بين الطبيب والصيدلي الاكلينكي !
هلا اخوي
التسجيل في جامعه الملك فيصل يبدأ..السبت بتاريخ 28/7/1431هـ الموافق 10/7/2010م وحتى نهاية دوام يوم الأربعاء 2/8/ 1431هـ الموافق 14/7/2010م في تمام الساعة 3 ظهراً. وللحين مافي رابط محدد..انت تابع موقع الجامعه بأستمرار على هذا الرابط www.kfu.edu.sa وقريب التسجيل ..بيتكون كل المعلومات موجودة موفق اخي |
رد: بين الطبيب والصيدلي الاكلينكي !
روح شفافه
يعطيك الف عافيه يالغلا وبدون امر عليك لو قدرتي توصلين لَـ خبر الماستر ، راح تفيديني كثير وربي / لاعدمناك ..~ |
رد: بين الطبيب والصيدلي الاكلينكي !
الله يجزاكم خير
بصرآآحة معلومات افادتني والعذر منك اخوي محمد لاني خشيت في موضوعك بس حبيت استفسر - هل هناك وظايف بعد التخرج لطلاب الصيدلة لان اللي فهمته من الكلام المكتوب ان الطب وظايف العمل فيه اكثر والصيدلي الأكلينيكي مابعد تحدد لهم وظايف افيدوني لو سمحتوا |
رد: بين الطبيب والصيدلي الاكلينكي !
هي في وظائف بس ما بعد
يعني اول بتخططين على الكرتون بعدين تسوين شغلاتك الثانية وانت ما يمديك تتخرجين الا صارحت فيه وظائف |
| All times are GMT +3. الوقت الآن حسب توقيت السعودية: 01:11 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه