|
ياعزوتي تكفوووون
بسم الله الرحمن الرحيم
السلام عليكم ورحمة الله وبركاته بدون مقدمات بأخش بالموضوع أنا طالب يوم الثلاثاء الجاي نتيجتي بالثنوي ( الحمد لله راح تكون نسبتي تقريبا فوق 95 ) درجتي بالقدرات 84 أحب الرياضيات والفيزياء بس مشكلتي باللغه الإنجليزيه مستواي طايح فيها بقووه ونا حاب أسجل بكلية الجبيل الصناعيه بس الشباب مخوفيني يقولون كلها إنقلش أنا مستواي بالإنجليش الكلمات إلي ممكن حافظ معانيها ما تتجاوز 300 والقواعد حق ثالث ثنوي حافظها صم بس حق السنين إلي أول زيييييرو يعني مستواي مقارنه بـإلي سمعته عن الكليه بالإنجليزي ضعييييف أبي أعرف ألحين س/ هل الدراسه صححيح زي ماقالوا الأخوان تكون بالإنجليزي ؟؟ س/هل يهيؤونك بالسنه التحضيريه لتقبل اللغه والتحسن فيها بشكل جيد أو يلزم تكون مهيأ نفسك قبل الدراسه ؟ س/ هل ممكن أطور نفسي بالشهور الثلاث المقبله للوصول إلى المستوى إلي أحتاجه بالسنه التحضيريه ؟؟ عن طريق معهد !! س/ وش المعاهد إلي تنصحون بها بالجبيل ؟ س / متى موعد التسجيل بالكليه ؟؟ س/ وش التخصص إلي يعتمد على الرياضيات والفيزياء بشكل رئيسي ؟؟ س/ كم مكافأة الكليه وهل تختلف إذا كان سكنك داخل الكليه ؟ س/ ماهي مواد السنه التحضيريه ؟ س/ ما درجت غضبك من أسئلتي الكثيره ؟ :c8: جاوبوني والله لي أكثر من 20 يوم مثل المجنون أخاف الإنجليزي يمنعني من تحقيق هدفي الثاني لأن هدفي الأول الدراسه بالبترول ويبقى الإنجلش هو العقبه الوحيده تكفووووون يعزوتي لقد المصايب تركام عشرين يوم ذقتها كنها السم أشرب بكاس المر الليالي والأيام ألذ ليله طعمها طعم علقم مثل إلي فالصبح موعود بإعدام |
رد: ياعزوتي تكفوووون
ابشر بعزك يالذيب ..
أول شي مو لاازم يكون مستوااك عالي فالإنقلش يعني أنا كنت أجيب فالثانوي 80 واذا مره 85 .. لكن الحمد لله مشيت وجبت فالترم الاول a لأنهم يعلمونك أشياء درستها قبل بس الحين تاخذها بشكل مكثف .. يعني فاليوم 4 حصص كلها انقلش .. راح تلقى مستواك بعد السنه التحضيريه تطور تطور كبير ..طبعا تدريجيا . أما بالنسبه لمواد التحضيريه الترم الاول انقلش ورياضه والترم الثاني انقلش ورياضيات .. طبعا بما انك تحب الرياضيات والفيزيا فأنصحك على طووول هندسه ميكانيكيه .. لأنها تعتمد على هالمادتين بشكل رئيسي ومستقبلها حلو .. أرجو اني أكون قدمت لك المعلومات اللي تبيها .. وحيااك الله في كلية الجبيل الصناعيه . |
رد: ياعزوتي تكفوووون
الله يجزاك الجنه ريحتني
كفيت ووفيت رفع الله قدرك بس متى التسجيل ؟؟ ومتى تبدأ الدراسه ؟؟ هههه حمستني بأبدأ أفصفص الإنجلش فصفصه :150: |
رد: ياعزوتي تكفوووون
يوووه .. ذكرتني بنفسي .. كنت اقول الانجلش هذي ماراح اتعلمها ابد .. لكن مع الكليه صرت اغرد انجليزي :)
ولا تنسى .. تابع افلام واجد خلال هالصيفيه .. يعني باليوم تابع لك فيلمين على الاقل .. وبتلاقي نفسك فلته بالنسبه للتسجيل .. للحين ماادري .. بس ادخل الموقع كل اسبوع لانهم راح يعلنون عنه بدري |
رد: ياعزوتي تكفوووون
بيض الله وجهك ياراعي
مشكور على ردك بس أبي أعرف المعاهد إلي بالجبيل ؟ لأني مو من المنطقه الشرقيه وما أدري عن المعاهد إلي بالجبيل وين أفظلها وأسعارها أت بس جيب لي الأسامي حسب الأفظليه والأسعار أنا أستفسر منهم وكم مكافأة الكليه ؟ ولك جزيل الشكر موفق إن شاء الله |
رد: ياعزوتي تكفوووون
معاهد وش ؟ انجلش؟
فيه كثير .. فيه اللي يسمونه نيوهورايزن .. بس ليه الخوف الزايد ؟ تعليم الكليه احسن .. الاسعار .. مدري عنها .. بس المعهد هذا مشهور وبكل مدينه .. تقدر تسأل عنه بالفرع اللي عندكم |
رد: ياعزوتي تكفوووون
[quote=صادق الوعد msq;1196442]بسم الله الرحمن الرحيم
السلام عليكم ورحمة الله وبركاته بدون مقدمات بأخش بالموضوع أنا طالب يوم الثلاثاء الجاي نتيجتي بالثنوي ( الحمد لله راح تكون نسبتي تقريبا فوق 95 ) درجتي بالقدرات 84 أحب الرياضيات والفيزياء بس مشكلتي باللغه الإنجليزيه مستواي طايح فيها بقووه ونا حاب أسجل بكلية الجبيل الصناعيه بس الشباب مخوفيني يقولون كلها إنقلش أنا مستواي بالإنجليش الكلمات إلي ممكن حافظ معانيها ما تتجاوز 300 والقواعد حق ثالث ثنوي حافظها صم بس حق السنين إلي أول زيييييرو يعني مستواي مقارنه بـإلي سمعته عن الكليه بالإنجليزي ضعييييف أبي أعرف ألحين س/ هل الدراسه صححيح زي ماقالوا الأخوان تكون بالإنجليزي ؟؟ س/هل يهيؤونك بالسنه التحضيريه لتقبل اللغه والتحسن فيها بشكل جيد أو يلزم تكون مهيأ نفسك قبل الدراسه ؟ س/ هل ممكن أطور نفسي بالشهور الثلاث المقبله للوصول إلى المستوى إلي أحتاجه بالسنه التحضيريه ؟؟ عن طريق معهد !! صدقني انا كنت مثلك ما ادري وش الانقلش يا رجال اخوياي يقولون انت لو تقول كلمة انقليزيه صح نسويلك حفله :D طبعآ الكلام ذا قبل ما ادخل ولكن الحين صرت افحمهم بالبلاغه والفصاحه الأنقليزيه <<بس يا سيبويه الأنقليزي:lllolll: س/ وش المعاهد إلي تنصحون بها بالجبيل ؟ الله أعلم س / متى موعد التسجيل بالكليه ؟؟ من 12-8 إلى 19-8 س/ وش التخصص إلي يعتمد على الرياضيات والفيزياء بشكل رئيسي ؟؟ هندسة كهربائيه (قوى , الآت دقيقه وتحكم) س/ كم مكافأة الكليه وهل تختلف إذا كان سكنك داخل الكليه ؟ المكافأه ثابته لو تسكن عندهم بالإداره برضوه تبقى هيه هيه 990... س/ ماهي مواد السنه التحضيريه ؟ السمستر الأول أنقلش وكمبيوتر ومهارات الأتصال(ماده مسويه زحمه بالجدول) وتربية بدنيه.. السمستر الثاني أنقلش ورياضيات(الجبرا)... س/ ما درجت غضبك من أسئلتي الكثيره ؟ :c8: ودي أذبحك:sdfgdsf: [ /quote] |
رد: ياعزوتي تكفوووون
[gdwl]أشـكـر بالأخــص عـشـق الغـرور وزود شــكـري لـــراعـــي الطويله ولـفتى جده كل الشكر والـتقدير [/gdwl] والله كفيتوا ووفيتوا الله يوفقكم ويسعدكم مشكورين يالذيابه وماشاء الله على راعي الطويله شكله مسنتر بالمنتدى الله يوفقه إجاباتكم شافيه وكافيه يالنشاما الله يوفق الجميع دعواتكم إختباري يوم الأثنين ( تحصيــــلي ) أتمنى أجيب 80 مع إنها صعبه شوي بس إن شاء الله |
| All times are GMT +3. الوقت الآن حسب توقيت السعودية: 07:56 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه