اللي درس ماستر ياليت يفيدني
 

السلام عليكم ورحمة الله وبركاته

انا هالسنة آخر سنة لي وبتخرج والحمدالله طالبة متفوقه وافكر اقدم على الماستر ولكن ماعندي ابدا معرفه بالموضوع وش الجامعات اللي مفتوحه لي بالرياض
عشان اقدم، وانا اقرا كثير هنا ماشاء الله يقولون درسوا وكملوا ماستر فممكن احد يفيدني بهذا الخصوص .

رد: اللي درس ماستر ياليت يفيدني
 

بروزي شهادتك وعلقيها

رد: اللي درس ماستر ياليت يفيدني
 

عزيزي آثاب

إن شاء الله تتخرجين على خير و بتفوق

أول شي بعد ما تستلمين الوثيقة تطبعين التوصيات من بوابة الخدمات الطلابية قبل لا تتقفل عليك و أتوقع تقدرين تطبعينها قبل استلام الوثيقة المهم احرصي عليها . و اخذي التوصيات في مواد التخصص و شوفي لو حابه تدرسين ادب أو لغويات أو ترجمة اختاري توصيات حسب اللي حابه تسجلين فيه بالماستر
حاولي تختبرين ايلتس أو توفل و الايلتس اسهل و حاولي بس تخلصين اختبارات تبدأين تشوفين المواقع و تتدربين على الاختبار لأنه بيفيدك في التقديم لو جبتي درجة عالية

و بالنهاية الجامعات الحكومية مثل سعود و الامام و نورة كلها تقدرين تقدمين عليها لكن القبول فيها مش مضمون لكن فيه فرصة بإذن الله
حاولي و لا تيأسين أبدا و إذا تقدرين تدرسين خارج المملكة ففي أمريكا و أوروبا الجامعات تقبل الشهادة مادامك محققة الشروط و خاصة اللغة .

و فالك التوفيق و لا تلتفي لأي شخص يحبطك اللي يحاول و يسعى يوصل لمبتغاه


تحياتي

رد: اللي درس ماستر ياليت يفيدني
 

جامعه الملك سعود تقبل عادي في وحده هنا تدرس فيها وكتبت تجربتها ولهم حساب ع تويتر من ضمن الشروط قدرات الجامعيين تكون من ٧٠ وفوق ومااعرف باقي الشروط