|
الدوام من الدمام للحساء بالقطار
السلام عليكم
كيفكم ابي اسال اكيد فيه حد منكم مثل وضعي انا بدوام من الدمام الى الحساء كل يوم بالقطار ابي اسال من جرب وكيف حجز التذاكر هل يكون كل يوم والا فيه اشتراك والا كيف ومتى كانت مواعيد الرحلات وكم تستغرق عندي اسئلة كثير والله محيرتني وابي اعرف اجوبتها قبل تبدا الدراسه ابي ارتب اموري وابي اعرف هل باصات الجامعه تتواجد في المحطه ؟؟ Sent from my iPhone using ملتقى فيصل |
رد: الدوام من الدمام للحساء بالقطار
عليكم السلام
في بنات كثير يداومون من الدمام وبقيق يوميا بالقطار , الموضوع يكون يخوف بالبدايه بس بعدين تتعودين . بالنسبه للحجز تقدرين تروحين المحطه وتحجزين , او عن طريق موقعهم على الانترنت وتقدرين تدفعين عن طريق نظام سداد . طبعا في خصم للطالبات 50 % على قيمه التذاكر , تقدرين تورينهم جدولك الدراسي او وصل البريد الجامعي اذا كنتي لسى ما طلعتي البطاقه الجامعيه . اذا كانت محاضراتك تبدا الساعه 7 ونص او 9 تقدرين تحجزين للذهاب على القطار اللي يمشي الساعه 5 من الدمام , اما اذا كانت تبتدي 11 او 1 في قطار يمشي الساعه 8 وربع . اما للعوده اذا كانت محاضراتك تنتهي 11 وربع تقدرين تحجزين عالقطار اللي يمشي الساعه 12 وربع من الهفوف , اما اذا كانت تنتهي 1 فتحجزين عالقطار اللي يمشي 2 وكذا . طبعا التخفيض يكون عالدرجه الثانيه بس , ولازم تاخذين معك بطاقة الاحوال حقتك او صوره من بطاقه العايله . واذا وصلتي لمحطه الهفوف في باصات كبيره 60 راكب توقف على يدك اليسار اذا طلعتي من بوابه المحطه خاصه بطالبات جامعة الملك فيصل وكلية الاداب , انتي اسالي البنات او المشرفين وهم بيدلوك عالباص الخاص بكليتك . و حاولي دايما تحجزلي قبل بوقت قبل لا تمتلي المقاعد , ويفضل قبل باسبوع . واحيان يتاخر القطار فحاولي تاخذين ورقه من الكليه تثبت انك من بنات القطار عشان يسمحولك الدكتورات بالدخول حتى لو تاخرتي . وشكرا . |
رد: الدوام من الدمام للحساء بالقطار
اقتباس:
الله يسعدك ماقصرتي شكرااااا [emoji177][emoji7] بس بسالك انا دوامي مسائي المحاضره تبدا ٣ وتنتهي ٧ تعرفين وقت الرحلات قريبه منها او لا وانا صراحه ماعمري استخدمت باصات الجامعه ولا اعرف هي بفلوس والا مجانيه ؟؟ Sent from my iPhone using ملتقى فيصل |
رد: الدوام من الدمام للحساء بالقطار
|
رد: الدوام من الدمام للحساء بالقطار
|
رد: الدوام من الدمام للحساء بالقطار
السلام عليكم ممكن سوال كيف تعرفين اذا الجدول حق مواد الماستر نزل او متي تسجيل المواد
|
رد: الدوام من الدمام للحساء بالقطار
الحين ما عرفنا متى الدوام يبدأ ومتى ينتهي
ناس يقولون يبدأ من 2 ... وناس يقولون من 3 |
رد: الدوام من الدمام للحساء بالقطار
حملي تطبيق سكة الحديد اللي هو (sro)
بالنسبه للدراسة للحين ما تقرر شي التسجيل الأسبوع الجاي والله يعنا على بعد الطريق الدمام الاحساء والعودة انا انسان اداوم الصبح الدمام وادرس بالليل الاحساء |
رد: الدوام من الدمام للحساء بالقطار
اقتباس:
شكرا لك ماقصرت .. ايه والله الله يعينا ويعينك وبالتوفيق Sent from my iPhone using ملتقى فيصل |
رد: الدوام من الدمام للحساء بالقطار
اقتباس:
السلام عليكم في قطار يمشي من الدمام 1 ونص ووصل 3 إلا ربع وترجعين ع قطار يمشي 8 إلا خمس من الهفوف ويوصل 9 ونص وبالنسبة لباصات الجامعه مافي بالفترة المسائيه يخلص دوامهم 3 . يعني لازم تدورين لك باص خاص يوديك الجامعه . |
| All times are GMT +3. الوقت الآن حسب توقيت السعودية: 07:48 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه