الاخت تهاويل استفسار بخصوص الادب الامريكي
 

السلام عليكم




اختي سؤالي واضح من العنوان

بخصوص مادة الادب الامريكي ايش رايك فيها و في دكتورها ؟


افكر اخذها المستوى هذا بس متردد ؟

رد: الاخت تهاويل استفسار بخصوص الادب الامريكي
 

الي عنده فكره عن الماده لا يبخل علينا بنصيحه

رد: الاخت تهاويل استفسار بخصوص الادب الامريكي
 

وعليكم السلام و رحمة الله.

اولا تصحيح تهاوبل اخ مو اخت :biggrin:.. وهو من خريجين السنة اللي فاتت ماشاءالله فأحتمال يتأخر على مايرد عليك.


بالنسبة لسؤالك.

مادة الادب الامريكي .. مشكلتها بدسامتها فقط وممكن تقسمينها قسمين ..

اول 6 محاضرات تقريبا كلها اسماء شعراء و مؤلفات و فترات تاريخية (الحفظ فيها كثير)
باقي المحاضرات قصائد و قصص طبعا مع مناسباتها و معاني كلماتها وصورها البلاغية وايضا مقدمة عن مؤلفها ..الخ.

احلى شئ بالدكتور انه باخر الترم ينزل ملخص اضافي يختصر المحاضرات الاولى (اسماء و مؤلفات) اذكر يمكن 4 او 6 صفحات فقط.
وايضا يضيف بالملخص الاضافي قصيدتين و قصه تقريبا.


ركزي معي بالنقطة هذي --> الدكتور بالمحاضرات المباشره يعطيكم طريقة تقسيم الاسئله .. يعني يقول القصة هذي عليها 5 اسئلة و القصة هذي عليها 12 سؤال ... ويلمح عن القصائد اللي بتدخل معنا بالاختبار هذا مهم مهم جدا
الاسئلة اللي يسألكم على اساس انها مراجعه 90% بتجيكم بالاختبار.

الدكتور يطالبنا بعلمومات عامه عن المؤلف او القصيدة حتى لو ماذكرها بالملخص او بالمحاضرات المسجلة (تلقين هالاسئلة مكرره بأختبارات الاعوام السابقة)
ايضا فيه مواضيع ممكن تستفيدين منها عباره عن تجميع المعلومات لاخوان قبلك هنا.



نصيحة سمعتها سابقا و بنقلها لك .. اذا بديتي مذاكرة ابدي بالجزء الثاني من الملزمة الاساسية اولا لانها اسهل وممتعة اكثر (مع تواريخ الولادة والوفاة للمؤلفين طبعا)

ونصيحة مني شخصيا مشيت عليها و ان شاءالله تفيدك ..
بالنسبة للجزء الاول من المحاضرات:
1- الفترات التاريجية بالاساسي: صنفيها الى مهم وغير مهم ...احفظي المهم مثل خصائصها , معلوماتها العامه و الاسماء المميزه. والغير مهم اقرئيه قراءة فقط.
2-الشعراء و مؤلفاتهم و التواريخ احفظي اللي بالاضافي كلها مثل اسمك.
3- تابعي المحاضرات المباشره و دوني النقاط اللي يقول .. لان الدكتور ما يطلع عن اللي يقولة ابدا خاصة بالمباشرة الاخيره.
4- ابدي بدري بمذاكرتها لان حفظ اسماء الشعراء و مؤلفاتهم مع ان صفحاتها قليله (اقصد الاضافي) الا انها تأخذ وقت بالحفظ.



على فكره دائما نسمع انتقاد للمادة اكثر من الاختبار نفسة فلا تخافين و توكلي على الله.

رد: الاخت تهاويل استفسار بخصوص الادب الامريكي
 

الله يوفقك ويجزاك الجنه يارب كفييتي ووفيتي :bawling::love080::106::106::106:
كنت ضايعه ماني عارفه من وين ابدا وكلامك ريحني :Cry111::icon1:

رد: الاخت تهاويل استفسار بخصوص الادب الامريكي
 

السلام عليكم
طيب مين الدكتور الي يدرسها ؟ وكم ساعه ؟ وبالتحديد كم لنا ساعه في المستوى السابع ؟

رد: الاخت تهاويل استفسار بخصوص الادب الامريكي
 

هذي المادة في المستوى الثامن

رد: الاخت تهاويل استفسار بخصوص الادب الامريكي
 

الاخ تهاويل
كتب عن هذي الماده على هذا الرابط

https://vb.ckfu.org/t782787.html

والماده دسمه تحتاج متابعه اول باول
ودكتورها مو سهل

بالتوفيق

رد: الاخت تهاويل استفسار بخصوص الادب الامريكي
 

اخذت المادة صيفي ..
المادة دسمة ..و الصيفي شهر ما كان يكفيها ..
فيها اسماء كثيرة في المحاضرات الأولى .. والمحاضرات الاخيرة كلها اعمال قصائد و رواية ومسرحية ..
صراحة كنت متخوفة منها كثير لأن ما كان عندي مجال .. وفوق ذا انضغطت من عدة امور اخرى غير الجامعة خلال فترة الفصل الصيفي وما كنت حاسه اني عاطيتها حقها من المذاكرة ..
لكن ولله الحمد .. الدكتور وصفي شقيرات كرر كثييير
واخذت في المادة الفل مارك .. الحمد لله

رد: الاخت تهاويل استفسار بخصوص الادب الامريكي
 

دكتورها وصفي ؟ ولا بس بالصيفي كان وصفي ؟؟