ملتقى طلاب وطالبات جامعة الملك فيصل,جامعة الدمام - ليش نزلتي عيونك إرفعيها وطالعيني ..!

- ملتقى الفنون الأدبية (https://vb.ckfu.org/forumdisplay.php?f=150)

- - ليش نزلتي عيونك إرفعيها وطالعيني ..! (https://vb.ckfu.org/showthread.php?t=80881)

ليش نزلتي عيونك إرفعيها وطالعيني ..!

*ليش نزلتي عيونك إرفعيها وطالعيني !

وإلا يعني إنحرجتي يوم جاوبتي سؤالي ؟

ليش قلتيلي : أحبك ، ليش كنتي تخدعيني !

ليش قلتيلي : حبيبي ، ليش قلتيلي ياغالي !

كان ممكن ما أحبك ; كان ممكن تتركيني ,
كان ممكن من بدايه تخدعي غيري بدالي

*ليش أنا بالذات يعني ؟ ليش قولي جاوبيني ؟
بعد غدرك خبريني وقولي بس شلي بقالي

والله إني ما جرحتك ليش أنتي تجرحيني !
هنت على قلبك حسافه وإنقضت أجمل ليالي
. .
والقهر للحين أحبك وادري إنك ماتبيني
والمحبه من "طرف واحد" نهايتها زوالي

*كان عمري بيدينك - قولي وش كان بيديني ؟
أذكر إنه من غلاتك كان قدرك فوق عالي
،

كنت أتجاهل وأطنش يوم نغزاتك تجيني
وكنت أقول الحب أكبر من تصرف لا مثالي

أبغي من وقتك دقيقه وليت أنك * تمنحيني
بس أبا أقولك ثلاث أشياء وأروح أمشي لحالي

. !
*أولاً :

فعلا أحبك ، كنتي قلبي كنتي عيني !
وكانت الدنيا بوجودك ; شي روعه شي خيالي

ثانياً :
عاللي بدر مني دخيلك سامحيني !
يمكن إنه زل لساني وقلت إنك راس مالي

ثالثاً :
أسألك بالله وأطلبك " لا تذكريني ] !
إحرقي كل القصايد . ، وإنسي أشواقي ووصالي

المهم إني أببعد وإنتي روحي وأتركيني ,
إرجعيله ومثّلي دور "البريئه" اللي تبالي