عضو من البحرين يطلب المساعدة
 

السلام عليكم اخواني الأعزاء

انا عبدالله من البحرين

من مواليد البحرين وجنسيتي سعودي يعني ابي سعودي وامي بحرينية درست وتربيت في البحرين .

تخرجت من الثانوية تخصص صناعي سنة 2006 بمعدل 78.5 في مدرسة الجابرية الصناعية بالبحرين

بعدها دخلت معهد البحرين للتدريب 3 سنوات دبلوم حاسوب شبكات وتخرجت سنة 2009 بمعدل 3.0 من 4.0 .

وبعدها عملت في محل كمبيوتر في مجال الصيانة والشبكات .

وطموحي ان اكمل دراستي وآخذ البكالريوس في نفس التخصص طبعا حاولت إكمال الدراسة في جامعات البحرين لكن لم أستطع والسبب :

هو اولا : هناك جامعة واحدة حكومية عندها قوانين قاسية في التسجيل ما يقبولني بها .

ثانيا : هناك جامعات اهلية يعني خاصة ما تهتم بالمعدل او التخصص بس تهتم بالفلوس يعني دراسة الكورس الواحد توصل على الأقل 6000 ريال سعودي وكل تخصص يختلف سعره وانا ما اقدر اوفر هذي الأسعار على 4 او خمس سنوات وضعي ضعيف بالإضافة إلى اني حاليا عاطل عن العمل .

ثالثا: بإمكاني تكملة الدراسة في نفس المعهد المتخرج منه بس ادرس سنتين وما احصل البكالريوس مجرد دبلوم عليا فقط .

نصحوني بالدراسة في السعودية بالإضافة اني عندي اخ درس وتخرج من جامعة الملك سعود واصبح مدرس الآن هو نفس حالتي مولود في البحرين وهو اكبر مني .

كل يلي اريده منكم تساعدوني وتشورون علي عن خطوات الدراسة في السعودية حاليا
وكيف ادرس هناك وياريت تعطون معلومات كافية عن هالشي .

وشيء ثاني هناك عنده في البحرين مؤسسة إسمها تمكين تتعاون مع وزارة العمل ومعهد البحرين للتدريب تقدم دورات مجانية في مجالات عدة منتهية بالتوظيف وهذي الدورات عالمية مثل ccna , mcse , mcitp , network plas , a plas وغيرها سواء في تخصص الحاسوب او اي تخصص آخر بس المشكلة لازم بحريني يعني جنسيته بحريني فبغيت استفسر هل القى دورات مثلها عندكم في السعودية .

انا إشتغلت في مجال الحاسوب وعندي خبرة في مجال الصيانة والشبكات والبرمجة بس محتاج هذه الشهادات بالإضافة إلى درجة البكالريوس حتى القى عمل افضل سواء في البحرين او السعودية .

والف شكر لكم مقدماً ..

وأعذروني على هذي القصة الطويلة بس لأني محتاج من يسعادني في هذا الأمر .

رد: عضو من البحرين يطلب المساعدة
 

الله يوفقك ويسهل عليك للاسف ما اقدر افيدك

رد: عضو من البحرين يطلب المساعدة
 

وعليكم السلام اخوي عبد الله
ومرحبا فيه معنى في الملتقى

نفس الوضع في السعودية هنا

الجامعات الحكومية لا تعادل دبلوم الكليات التقنية الي هو حكومي

فكيك تعادل دبلوم معهد غير سعودي !!!!

اما الاهلية نفس الشي حتى ان رسومها نفس المبلغ الي حطيته

اتمنى لك التوفيق ......

رد: عضو من البحرين يطلب المساعدة
 

تشكر خوي على الرد

بالتوفيق لك

رد: عضو من البحرين يطلب المساعدة
 

الف شكر لك على الرد خوي

بالنسبة للمعادلة حتى لو ما عادلوا الدبلوم مو مشكلة المهم ادرس :119:

بالتوفيق