المستوى الثاني
 

السلام عليكم ورحمة الله وبركاته

اخواني اللي درسوا مستوى الثاني وش افضل المواد ننزلها ووش الماده اللي نرفعها لمستوى ثالث من خبرتكم والله يعطيكم الصحه والعافيه

رد: المستوى الثاني
 

1- انجليزي كتابة
2- القراءة والمحادثة
3- فقة السيرة
4- مبادئ الاحصاء
5- مبادئ علم الاجتماع
6- النحو التطبيقي 2
7- التذوق
8- البرامج المكتبية
9- انجليزي قراءة
على فكرة ترى مستوى ثاني أسهل من مستوى أول… وبالتوفيق

من جهازي SM-N920C بواسطة تطبيق ملتقى فيصل

رد: المستوى الثاني
 

المواد بالمستوى الثاني كثيره صراحه واشوف مبادى الاحصاء ترفعها للمستوى الثالث افضل لانها مسائل حسابيه وتحتاج تركيز بالرغم من الشباب اللي اختبروها يقولون سهل جدا كان اختبارهم عموما تطمن المستوى الثاني سهل جدا واستفيد منه برفع المعدل بعكس المستوى الاول اصعب منه


Sent from my iPhone using ملتقى فيصل

رد: المستوى الثاني
 

ترفع التلاوه والتجويد / التذوق الادبي للمستوى الثالث واحد منهم اغلب دفعتنا كذا كانت

مواد مستوى ثاني كلها سهله
الاحصاء صعب شوي اثناء مذاكرته بس الاغلب مدح الاختبار
ومن وجه نظري تاخد الاحصاء الصعب مع باقي المواد السهله
احسن من مايكون بمستوى ثالث

من غير ان الاحصاء في قروبات وتلقرام واعوام واكثر من شي
وبثالث عشانه بعد سهل نسبيا تاخذ فيه صعب من رابع او سهل من رابع عشان يخف ضغط رابع
لان المستوى الرابع فيه مواد صعبه

رد: المستوى الثاني
 

التلاوه والتجويد اهم نصيحه عدم الاعتماد على اسئله الاعوام السابقه لانه يجيب خارج المحتوى
بس الي حافظ القاعدات وفاهمها يحل من اسهل مايكون ويجيب a+
المنهج كله ثلاثات قاعدات
-1 احكام النون الساكنه والتنوين 2- احكام الميم الساكنه 3- المدود
فقه السيره
الاعوام كافيه ووافيه ويقول لحد يذاكرهم ومابجيب منهم ومن ذا الكلام وكله كذب اتوقع بنسبه 95٪‏ اعوام او 100٪‏ حتى !
القراءه والمحادثه سهل مايجي 30 ورقه ملزمه هتان والكلام سهل ومع الاعوام ايزي a
انجليزي قراءه اذا تسمع كلام الدكتور الي يحدده بالمباشر والقطع 100٪‏ هذي درجتي حرفيا وانا فاتحه الماده قبل الاختبار بساعتين ! وبس الي قاله
يعني الي يشاهد المحاضرات الي حددها بفهم او حفظ بينجح بكل سهوله ( واي احد قال انه ماقدم كويس انا اشوف انه ماذاكر لان حتى منت مجبور تقرأ القطعه بالاختبار يجيبها نفسها ويكون شارحها ويشرح بضمير يعني كل الي عليك تفهم السؤال وترجع تدور اجابته الي اهي موجوده قدام عينك بالقطعه والخيارات ، مايجيب شي مو واضح يمكن جاب سؤالين بس الي مو واضح مره او يعني مايبي له حل على طول شوي تفكير ) هذأ رايي بس في النهايه الناس قدراتها وامكانيتها مختلفه
انجليزي كتابه انا بالنسبه لي كان سهل والاستاذ حدد واسئلته اصعب من القراءه اشوف بس برضو سهل للي فاهم الماده او له باللغه
الاحصاء كريه بالمذاكره ويتعب النفسيه بس سهل الاختبار
النحو التطبيقي مايخرج عن امثله المحتوى والتعريفات نهائيا
وعلم الاجتماع محذف نص المنهج وكل الي تحتاجه تذاكر الي حدده بضمير جدااااااا لان طريقه الاسئله تنرفز بس مايخرج عن الي حدده
هذا رأي بكل ماده بشكل عام

رد: المستوى الثاني
 

عندك مقررين من الافضل ترحلّه لثالث يا التذوق الادبي او التجويد

انا اخترت التجويد لمستوى ثالث قلت لانه الاسهل بالنسبة لي

بخصوص مستوى ثاني نصيحة كل المقررات اللي اخذتها الاسئلة مكررة من السنوات الماضية ما نسبته 70 الى 100٪‏

يعني انتبه تفوّت اسئلة الاعوام الماضية ..

1- مقرر الانجليزي كتابة : الدكتور ما قصر حدد اربع قطع وساعدنا كثير ف المحاضرات بخصوص الاشياء المهمة وبالفعل مثل ما قال جابه ف الاختبار
وطبعا هالمقرر ما بيكون غريب عليكم لان في اشياء كثيرة مكررة من الانجليزي العامة
2- مقرر القراءة والمطالعات : بسيطة جدا والمحتوى ما يرهقك بما ان صفحاته قليلة .. والدكتور بعد كرر ف الاسئلة من اسئلة الاعوام الفائتة
3- فقه السيرة : مقرر ممتع جدا اقراه على انه قصة لانه بالفعل سيرة الرسول عليه الصلاة والسلام .. الدكتور بعد ما قالنا ما باكرر الاسئلة وخوفنا كرر لنا الاسئلة بالنص من السنوات الماضية ما فيه ولا سؤال جديد
4- مقرر الاحصاء : مقرر غثيث للي ما له ف الرياضيات كانطباع اولي لكن بعد ما تشوف محاضرات الدكتور تعرف انه مقرر بسييييط جدا وشرح الدكتور ممتااااز المعلومة تدخل يعني تدخل .. وفيه معلومة
الدكتور ف ورقة الامتحان يحط كل القوانين عدا القوانين السهلة يعني بس طبّق القوانين .. الشئ الحلوبعد ف دفعتنا كرر اسئلة العام الفائت بالنص والارقام 100٪‏ الدكتور عسسسل
5- علم الاجتماع : الدكتور الجمعان ما قصر ف المحاضرات المباشرة حذف كثير من ضمنها محاضرات وقالنا ركزوا ع اللي باقول مهم وبالفعل كل اللي قاله جانا ف الاختبار ساعدنا مساعدة تصل الى التغشيش الله يبارك فيه .. لكن ضع ف الحسبان ان المادة تلخبط شوي يعني ركز فقط وبالراحة تجيب +a
6 التذوق الادبي : عني انا اخذته بدل التجويد لاني قلت يمكن يكون اصعب اخذه وافتك ، لكنه سهل جدا والاسئلة مكررة ذاكرته ف نفس يوم الاختبار واخذت +a
7 - النحو التطبيقي2 : الدكتور الحقباني ما قصر حذف كثييير واي شي كان صعب حذفه ف الاختبار اعطانا الامثلة مثل اللي بالمحتوى ولا طلع منها
8 - الحاسبة المكتبية : مقرر غثيث كانطباع اولي اول ما شفته لكن الدكتور العضايلة يقولون شرحه ممتاز ف المحاضرات المسجلة لاني ما سمعتها كنت معتمد على انه يكرر الاسئلة وبالفعل كرر لنا اسئلة احد الاعوام ما تحضرني الان باستثناء المسائل ف الاكسل .. المقرر غثيث لانك ما تعرف تذاكره من المحتوى لازم تشوف المحاضرات لكن لما تشوف اسئلته للاعوام الماضية بتعرف وش بتذاكر وعلى ايش يركز والدكتور اللي لاحظته فيه من خلال اسئلته لكل الاعاوم الماضية يكرر كثير الله يوفقه
9 - الانجليزي قراءة : الدكتور الدهيش الله يوفقه حدد لنا 4 قطع ف المباشرة وبعدين تواصلوا معاه الطلبة ع الايميل وحذف قطعة يعني تقريبا ساعدنا حد التغشيش قالنا ذاكروا 3 قطع وجاب لنا ف الاختبار 3 قطع نفسها .. الانجليزي قراءة للعلم اسهل من الانجليزي كتابة

اخيرا كنصيحة ارجع اقول لا تفوتون اسئلة الاعوام الماضية + الواجبات .. والمستوى الثاني اسهل من المستوى الاول بكثيييير

فالنا وفالكم التوفيق ان شاءالله .

رد: المستوى الثاني
 

الله يعطيكم العافيه جميعا والله يوفقنا واياكم لما فيه الخير ،،،،،،،

رد: المستوى الثاني
 

فعلا مستوى اول صعب لانه في مواد مثل تقنية المعلومات ومبادئ الاداره
وثاني سهل جدا اغلب الدكاتره جايبين من الاسئلة الاعوام الا كلهم ماعدا علم الاجتماع
ولازم المحاضرات المباشره تسمعها ضروري ضروري

رد: المستوى الثاني
 

المستوى الثاني كلها 9 مواد ؟

رد: المستوى الثاني
 

اذا تبغى نصيحتي نزل المواد كلها ماعدى مادة التذوق الادبي رحلها للمستوى الثالث وبالتوفيق ، المستوى سهل جداً واسهل من المستوى الاول بكثير

من جهازي LG-H818 بواسطة تطبيق ملتقى فيصل