|
نصيحة منكم تخص مستوى خامس
السلام عليكم / مثل ماهو واضح بالعنوان يا الآخوان و الأخوات
حابه أعرف نصيحتكم بهالمستوى ؟ ياليت أي نصيحة عندكم تفيدوني فيها ولو بسيطه ولو عن مادة وحده المهم اَي أحد درس هالمستوى ودخل الموضوع لا يطلع منه بدون إفاده لي و إليّ مثلي راح ينتقلون لهذا المستوى / وطبعاً الموضوع بدري عليه وكثير يقول هالشي بنفسه بس آنا أبي يكون عندي صورة عن المستوى من الآن أتمنى عدم حذف أو نقل الموضوع لأن الأغلب يكون هنا أما المكان الخاص لكل مستوى مهجورة حالياً |
رد: نصيحة منكم تخص مستوى خامس
ليه مستعجلة على عيشك
انتظري إلى أن تبدأ الدراسة وتعرفي من الدكاترة وبعدها بتسألي هذا السؤال |
رد: نصيحة منكم تخص مستوى خامس
أقدر لك حرصك واهتمامك ولكن ما أحد يدري من حيدرسكم
|
رد: نصيحة منكم تخص مستوى خامس
وعليكم السلام ورحمة الله ................
طبعا هالسؤال ينم عن روح التفوق التي تنتابكي اتمنى لها المزيد من التوهج والاستمرارية بالنسبة للمستوى الخامس فهو يعتبر اول المستويات التخصصية في مجال الادارة العامه ومن هالمستوى ستصبح جميع المواد تحتسب على ثلاث ساعات دراسية والى حدما ستكون المواد من هالمستوى ولحد اخر المستويات مواد تعتمد على الحفظ اكثر من الفهم ( مواد نظرية ) ومثل ما اشارت الزميله ان المواد وصعوبتها تعتمد بشكل اساسي على استاذ المادة وانا تأكدت من ذلك في المستوى السادس وفي مادة ادارة دولية كانت من المواد اللي يشتكون منها الطلاب اللي درسوها من قبل ولكن بفضل الله تغيير الاستاذ على دور دفعتنا وكان الله يعطيه العافيه سبب في سهولة المادة علينا للأختصار هذا رابط المستوى الخامس https://vb.ckfu.org/f431 تقدرين تشوفين ملخصات الخاصة بمواد المستوى الخامس وتطلعين على خطط التفوق فيها واستطلاعات قبل وبعد الاختبار والدرجات المستحقه وكمان تقدرين تبدئين بدراسة المواد اللي تتوصلين الى صعوبتها بعد الاطلاع على ماسبق من الآن بواسطة الملخصات الموجوده وكرأى شخصي اعتبر مواد المستوى الخامس كتالي : 1- مدخل محاسبة ادارية يبيلها شغل فيها تعاريف وقوانين لكن تعتبر اسهل من محاسبة مالية (المستوى الرابع ) 2- ادارة سلسلة الامدادات طويله جدا (لاتعتمدين على دراستها في نهاية الفصل ) دراسة من البداية 3- السلوك التنظيمي سهل 4- الادارة الاستراتيجية سهله ( لكن الدكتور عقدها كثير هالمادة وكانت من اصعب المواد ) 5- ادارة التفاوض وحل النزاعات سهله 6- نظم المعلومات الادارية يبيلها حفظ واجد لكن في المجمل سهله |
رد: نصيحة منكم تخص مستوى خامس
مذاكره اول بأول
وعلى حسب الدكتور إذا كان ok كان بها وإذا كان غير ذلك الله يعينكم |
رد: نصيحة منكم تخص مستوى خامس
وعليكم السلام والرحمة
مثل ما ذكر الاخ ممادو تقدري تتصفحي قسم مستوى خامس وتقرأي انطباعات الاختبارات النهائية سهولة وصعوبة المادة يعتمد على 3 شغلات بنظري طريقة فهمك واستيعابك، اذا عرفتي الطريقة المناسبة لك اخر الترم ما بتطلبي مساعدة وتقولي كيف اذاكر الشي الثاني المذاكرة اول باول، مهما كانت الطريقة الانسب لك للمذاكرة أعتقد لو ذاكرتي اول باول بتترسخ المعلومات في عقلك والاخير هو دكتور المادة وأسلوبه بالشرح والاسئلة، وهذا شي ما نقدر نعرفه الا بوقت الدراسة حتى لو قرأتي دفعة كاملة تقول هذا الدكتور اسلوبه صعب وما يشرح، ممكن يدرسك نفس الدكتور ويكون مناسب لك ولطريقة استيعابك هذا الكلام ينطبق على جميع المستويات بالتوفيق لك |
رد: نصيحة منكم تخص مستوى خامس
بالتــــــــــــــــــــــــوفيق
|
رد: نصيحة منكم تخص مستوى خامس
الى الاخ ممادو الله يسعدك ابي اتواصل معاك شلون الطريقة انا توني جديد وابي ارسل رسالة ولا يمدي الا بعد 25 مشاركة
|
رد: نصيحة منكم تخص مستوى خامس
اقتباس:
يعطيك العافيه انا كان عندي نفس استفسارات الاخت مو من الدفارة الي فيني لكن من الخوف من اسليب بعض الدكاترة الي تعقد |
رد: نصيحة منكم تخص مستوى خامس
موضوع جميل و ردود أجمل :rolleyes:
|
| All times are GMT +3. الوقت الآن حسب توقيت السعودية: 09:39 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه