|
حفل التخرج من حقنا
السلام عليكم ورحمة الله وبركاته
ليه ماحـــــــــد يطالب بحفل تخرج حالنا حال المنتظمين بلى نحن احق منهم نحن دافعين دم قلبنا واخرتها مافي حفل من حقنا نفرح ومن حقنا حفل التخرج يلا كلنا نطالب ويلا كلنا عند الفريدان بتويتر. |
رد: حفل التخرج من حقنا
طيب حفل تخرج مع رمضان وهالحر وبعدين وش فايدة الحفل احتفلي مع اهلك واصدقائك افضل في بيتكم في جو بارد ترى الحفل مافي شيء يبسط غير انك تمشي ربع ساعه وبعدين كم كلمه وخطاب طويل ومع السلامه اجلسي في بيتك وجيبي مصوره واحتفلي ترى كلها كيكه و ورق عنب وجيبي مهرج بعد منها تنبسطي مع اهلك واذا في اطفال يحتفلون معكم واشتري طاقيه التخرج وارميها وسلامتك بعدين الانتظام يختلفون عنا هم يداومون من الصباح ومشاوير وتعب ومواد ثقيله واختبارات اصعب يعني فرق احنا عنهم بكثير قولي الحمد لله نحنا تحت هالمكيف متى ما نبي شغلنا اللاب او الجوال وتذاكر ونحضر محاضرات في بيتنا او في مطعم او في مقهى ورجل على رجل لا وصافطين الدكتور وهو يتكلم مع نفسه |
رد: حفل التخرج من حقنا
أنا شخصياً ماأبي إلا الشهادة والطربوش الاسود بتنازل عنه لإن ماني شايف فيه تميز ماغير هالشكل المعين :) |
رد: حفل التخرج من حقنا
اقتباس:
هههههههههههه اذا على قولتك حر ورمضان دائما في رمضان يكون الدوام مسائي هذا لانك ولد مايهمك حفل ولا شئ البنات الي رواعي ذا الشغلات نحن البنات بنسبه لنا حفل التخرج شئ عظيم وثاني شئ مو كل واحد مجبور يحضر حفل تخرج سوا حفل تخرج مدرسي ولا جامعي ولا ماستر الكل وراحته |
رد: حفل التخرج من حقنا
فيه طالبات بقروبات سوولهم حفل تخرج في قاعات وفنادق على حسابهم الشخصي ،،، وعن نفسي ماشاركت لأني خلال مسيرتي في الجامعه ماعرفت ولا وحده فصعب اني اشارك واحنا مانعرف بعض
بس صديقاتي بالدوام ماقصروا التزمولي بالحفله بس اجيب لهم الوثيقه ان شاءالله وعلى فكره اختي تخرجت انتظام من جامعة الدمام وحضرت حفلتها بملعب الجامعه بس ما انبسطت وفرحت مثل يوم سويت لها حفله في البيت من كيك لعشا لعباية تخرج وهيصه مع قريباتها وصديقات الدراسه والطفوله تاخذراحتها وعفويتها معاهم اكثر من حفل مايك وكلمة شكر |
رد: حفل التخرج من حقنا
حتى لو في المساء من فاضي يعني المساء نازل ثلج بالسعوديه نفس الشيء حر وزحمه سيارات يابنت الحلال جاي القرقيعان سوي قرقيعان وحفل تخرج مع بعض ودوري فستان العيد قبل الزحمه افضل لك |
رد: حفل التخرج من حقنا
اقتباس:
الرد مقنع ههههههههههههههههههههههههههههه من جد حفلة الاهل والصديقات هي الفرحة الحقيقية :004: |
رد: حفل التخرج من حقنا
الجامعه صلحت حفل تخرج للمتفوقات كان بتاريخ 28 /8 والمدعوات ارسلت لهم رسايل بالجوال
|
رد: حفل التخرج من حقنا
اقتباس:
|
رد: حفل التخرج من حقنا
اقتباس:
|
| All times are GMT +3. الوقت الآن حسب توقيت السعودية: 12:15 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام