كيف أحصل على ورقة قبول في الجامعة؟
 

السلام عليكم ورحمة الله وبركاتة

أنا من طلاب الجامعة وفي تخصص التربية الخاصة المستوى الاول وأن شاء الله ناجح ورايح الى المستوى الثاني . المهم
المشكلة الي تواجهني أني عسكري وتعرفون كيف انظمة العسكرية معقدة جدا
ولايسمحون في اجازة الاختبارات الا باوراق رسمية ومصدقة وموضوعة عليها ختم والا مايعترفون فيها
المهم احضرت لهم شهادة التعريف الي موجودة في موقع الجامعة ولم يعترفوا بها وحجتهم ان الشهادة منزلة عن طريق الانترنت وليست مختومة
فالحل الوحيد عندي أني اخذت اجازة من رصيدي في الاجازات,ورحت اختبر.
المهم وزبدة هالكلام كلة والمطلوب مني الان رفعه الى العمل خطاب رسمي من الجامعة مصدق وموثق ومختوم بختم رسمي بقبولي بالجامعة .
كي احصل على اجازة لتأدية الاختبارات
ولكم جزيل الشكر

رد: كيف أحصل على ورقة قبول في الجامعة؟
 

هلا اخوي

الله يعينك وهذي انظمة لابد من احضار الورق المصدق المقنع لهم .


طبعا ورقة التعريف لازم تنزل تحت في اسفل الورقه تلقى مكتوب طباعه
عطها امر الطباعه وراح تطلع لك بالتوقيع والختم بلون ازرق واضح
اعمل لها طباعه من طابعه ملونه وقدمها لهم

وهذا الرابط

http://www3.kfu.edu.sa/entisab_app/identification/


اذا ماضبطت معاك اخوي

عطهم هذا الرابط لتأكد من انك فعلا طالب منتسب في جامعة الملك فيصل

http://www3.kfu.edu.sa/entisab_app/student_status/


اذا لم يقتنعو ايضا بالتعريف والرابط

اطلب منهم ان يتأكدون من ذلك بطريقه رسميه وهي طلب استفسار عن حالة الطالب
وهل هو منتسب في الجامعه اولا وسوف يأتيهم الرد بطريقه رسميه من الجامعه


اتمنى اخوي ان اكون افدتك


واذا لم تضبط معاك كل هذه المحاولات ياليت تبلغنا
وسوف نطلب من الجامعه ارسال شهادة تعريف على البريد وان شاء الله يتعاونون معنا
لأن الجامعه لاترسل بالبريد وتكتفي في الشهاده الموجوده في الموقع ولكن هذي حاله شاذه


اتمنى لك التوفيق

تحياتي

رد: كيف أحصل على ورقة قبول في الجامعة؟
 

مشكور وماقصرت ياخوي ابو فهد
حاولت بالنسبة لتعريف الموجود بالجامعة طبعتة بطابعة ملونة ولم يوجد به ختم
والمطلوب مني شهادة قبول بالجامعة مختومة بالختم الرسمي
اما الروابط التي سبق وقدمتها الي مشكورا فأنها غير معتمدة عندهم
فلأن المطلوب مني كماذكرت سابقا هو خطاب رسمي من الجامعة مفاده موافقة من الجامعة لمواصلة الدراسه لديهم
ولك جزيل الشكر يابو فهد على الاهتمام والمتابعة