ملتقى طلاب وطالبات جامعة الملك فيصل,جامعة الدمام - جميع التخصصات الجميع يشارك لا احد يتأخر علينا

- - [ جميع التخصصات ] : الجميع يشارك لا احد يتأخر علينا (https://vb.ckfu.org/showthread.php?t=79539)

الجميع يشارك لا احد يتأخر علينا

[align=center]
السلام عليكم ورحمة الله وبركاته

اخواني طلاب الاكادمية

اول شي يا شباب صراحه في شغلات شفتها سلبية وهي ان الواحد ما يبداء يدور شغلته الا قبل الاختبار بيوم او يومين وتحصله يحتاس ما بين المذاكرة بالكتاب والا يذاكر بالملخصات ويتشتت تفكيره

شي يزعل صراحه

لكن

بقول لكم يا صقور ابو متعب وربي انكم تبيضون الوجه وانكم شباب ترفعون الراس والواحد يفتخر فيكم واقسم بالله اني يوم ادخل المنتدى اني اشوف مشاركاتكم وتكاتفكم مع بعضكم والله اني احس بطعم السعاده وانا العام كنت طالب معكم والسنه هذي تخرجت بس والله عشت جو الاختبارات وتمنيت اني اكون معكم وانا والله العظيم ما عرفت الموقع هذا الا قبل شهر تقريبا ولكن شفت شباب ليتني ادرس معاهم كان هالحين معدلي 5 من 5

بس المشكله كانت مجموعتنا مجموعه فاشله ما نجح فيهم غير اثنين انا وخويي فقط والباقين غرزو في اختبار الهيئه البرومترك التافه جدا الي هو مو صعب على امثالكم

تكفووووووووووووووووووون يا شباب شدوووووووووووووو حيلكم تكفوووووووووووووووووووووووووووووووون قدمو ما عندكم اكسبوها فرصه تراكم انتم دافعين فلوس الاكادمية ما عليها نجحت رسبت ما عليها هم اخذو فلوسهم لو تنجح بمقبول ما تطالع فيك اخذت فلوسها وانت اخذت درجات قليله ولا توضفت ولا تجيك وضيفه وانت معدلك مقبول ولا تروح عليكم فرص العمل لو واحد اعلى منك بدرجه راحت عليك المفاضلة

وتكفون يا شباب لا تضيع من عمرك ثلاث سنين على الفاضي وغير انتم سمعتم بتصريحات الجرايد تقول ما في توظيف الا بالبكلريوس وانا اقولكم ابشرو والله بالوظايف غصب اصلا الكليات الي عندنا مافيها بكالوريوس الا قبل سنتين والي دارسين ما تخرجوا يعني لازم توضفكم عشان تسد العجز الي في المناطق والمحافظات البعيده مافي غير انتم الي تسدون هذا المكان والوظائف ترا كثيره والتشغيل الذاتي يدور الطلاب الممتازين وبعض المستشفيات تطلع الي يتوضفون عندهم تخليهم يكملون بكالوريوس على حساب المستشفى بعقود خاصه

فلا تروح عليكم الفرص بتضيع الدرجات والله اني اصيح باعلى صوت واقولكم يا شباب معدلكم لا يطيح عن اربعه

والنقطه الاخيرة الي بتكلم فيها

وكل واحد ابيه يعبر عن انطباعه في المذاكره والدراسة وبعد ما تنتهون ان شاء الله من الاختبارات وان شاء الله كلكم ناجحين باذن الله يا رب نبي كل طالب يصور شهادته تصوير واضح ويحطها لنا بالموقع نبي نشوف ثماركم الي جنيتوها

تقبلو الموضوع بصدر رحب ترا والله العظيم ما طلع الموضوع الا من شخص يحب لكم الخير
[/align]

اخوكم

عبادي العتيبي