ايش مشكلة الطلاب مع المنتدى
 

السلام عليكم بصراحة ما فية تفاعل مع المنتدى لا شروحات لا رد على الطلاب مدري ايش المشكله علموني بعكس قروبات تليقرام وغيره

رد: ايش مشكلة الطلاب مع المنتدى
 

عليكم السلام

بخصوص الرد

مرات اسأله ماتكون عند الطلاب اجابه

زي موضوعك اللي تسألين عن المدرسه للي بالاعلان

مو كل الناس مجربه

ولا اعتقد ان فيه احد يعرف ولا يجاوب

رد: ايش مشكلة الطلاب مع المنتدى
 

طيب والمواد ادخل وشوف انت المستويات اسئلة الطلاب ما احد يرد عليها

رد: ايش مشكلة الطلاب مع المنتدى
 

وعليكم السلام
الملتقى جدا فعال
ونحاول نغطي كل التساؤلات
فيه اشياء مااحد جربها مثل ماقال اخوي مغترب
وفيه اشياء الرد عند العمادة مو عندنا
لو تنزلي تحت شوي تشوفي المواضيع
تلاحظي استفسارات اساسا مانقدر نبت فيها ..
والطلبة مو مقصرين الكل يشارك

رد: ايش مشكلة الطلاب مع المنتدى
 

لقلة الطلاب .،
التسجيل للمستجدين ادارة وانجليش
هذا يعني الاجتماع مغلق
والطلبة الموجودين مافيه تفاعل
الكل يبي ياخذ ع الجاهز
كيف بيكون تفاعل بالاقسام اذا الكل يبي ياخذ مايعطي !

رد: ايش مشكلة الطلاب مع المنتدى
 

ادخلي على مستوى ثاني اداب ميت القسم مافية تحديث للمواد من قبل المشرفات وما احد يرد عليك

رد: ايش مشكلة الطلاب مع المنتدى
 

كل الطلاب هجروا الملتقى وراحوا للتقرام

رد: ايش مشكلة الطلاب مع المنتدى
 

كل مرة تفتحون موضوع جديد بدون ماتبحثون عن الاجابات هذا يؤخر الرد
بعض الطلاب يظن اذا فتح موضوع جديد يجيه الرد على طول
بالعكس الاهمية بتكون للمواضيع المثبتة للاستفسارات الاسئلة اللي فيها اولى من الموضوع الجديد
ودخلت الان مستوى ثاني اداب مالقيت موضوع بدون ردود
اما اذا بخصوص الورش للمواد فهذي مسؤوليتكم انتم كطلاب
المشرفين تجاوزوا هذا المستوى مايعرفون ايش الملخصات لانكم انتم اللي تحضرون المحاضرات
ولا يعرفون ايش المناقشات والواجبات الجديدة لان مايقدرون يدخلون على موادكم
شوفي مستوى اول لكل مادة مسويين ورشة لان هم ادرى بموادهم

رد: ايش مشكلة الطلاب مع المنتدى
 

طيب حلم انتي ليه ما تبدين انتي تجمعين الملفات وتفتحين تجمعات
راح يكون هناك تعاون كبير جدا

رد: ايش مشكلة الطلاب مع المنتدى
 

ليه البعض منكم يضع اللوم على اداره الملتقى
والمشرفات
والله مايقصرون يدوبهم يلحقوا شغلهم
والتعاون مره يجنن
تجيك دعوات تفتح النفس
ب التوفيق لك