في ضيقة مالية ومن أصحاب الضمان الإجتماعي
 

السلام عليكم ورحمة الله وبركاته

لو سمحتوا
انا في أخر سنة ولله الحمد الترم هذا موادي كثير هم أساساً 9 مواد ولكن زدت مادتين فصارت رسومي 3600 ريال

في الوقت هذا أنا في ضيقه ماليه ؟ومحتاجة أساعد أهلي؟؟ قالوا كثير انوا الجامعة تدفع عن أصحاب الضمان ولكن فيه ناس ايضاً قالوا بس تخرجنا طالبوهم بالرسوم كلها ؟؟ عشان كذا خفت وجلست اسدد بمعاشي الشهري للضمان رغم حاجتي له؟؟؟ وانا ودي أدفع هالترم لكن فعلاً محتاجة للمبلغ بقوة وودي ان أدخل ايقونة الضمان ويسددون عني ؟؟

لو أنا دفعت الأن المبلغ ---وفتحت ايقونة الضمان وسجلت بياناتي هل يرجعون لي الفلوس والا لا ؟؟؟ الله ييسعدكم أفيدوني :Cry111:

رد: في ضيقة مالية ومن أصحاب الضمان الإجتماعي
 

ماعندي علم لكن اذا متازمه مره اجلي الترم وجمعي المبلغ


Sent from my iPhone using ملتقى فيصل

رد: في ضيقة مالية ومن أصحاب الضمان الإجتماعي
 

عزيزتي سجلي هذا الترم المفروض من الأول انتي مسجلة طالما انك من مستحقي الضمان
ماراح يطالبونك اخر شي بأي مبلغ انا كنت مسجلة و الحمدلله تخرجت الترم اللي راح
راح يرجعون لك رسوم الترم الاخير اللي سجلتي فيه فقط

الله يوفقك

رد: في ضيقة مالية ومن أصحاب الضمان الإجتماعي
 

كيف يرجعون لي الترم الأخير ؟؟؟ بس أبي اعرف أنا أقدر أدفع الأن لكن أبقى يرجعونها لي يصير والا مايصير ؟؟

رد: في ضيقة مالية ومن أصحاب الضمان الإجتماعي
 

لازم تدفعين الرسوم لان اعتقد يتاخرون على مايجيهم الرد من الضمان
ادفعي الان الرسوم وسجلي قبل انك من الضمان بيجيك رد بعدين انك من المشمولين
اللي دفعتيه ذا الترم بيرجع بحسابك
بس متى ؟
يمكن مع بداية الترم الجاي او بعد شهر شهرين الله اعلم

رد: في ضيقة مالية ومن أصحاب الضمان الإجتماعي
 

الله يسعدك يارب أمين

رد: في ضيقة مالية ومن أصحاب الضمان الإجتماعي
 

نسأل الله الكريم أن يفرج هم المهمومين وينفس الكرب عن المكروبين
وأن يقضي الدين عن المدينيين وأن ييسر لنا ولكم ولجميع المسلمين

رد: في ضيقة مالية ومن أصحاب الضمان الإجتماعي
 

مفروض حقين الضمان ما يدفعوا لين تقفل الأنظمة في وقت كافي يتأكدوا من الضمان عن حالة الطالب اذا يشمله او لا
كان الله في عون الجميع

رد: في ضيقة مالية ومن أصحاب الضمان الإجتماعي
 

اللهم أمين يارب