ملتقى طلاب وطالبات جامعة الملك فيصل,جامعة الدمام - نداء إلى كل من الاخ الفاضل ابو ليان 11والاخت الفاضلة كهله ضاله

اقتباس:

المشاركة الأصلية كتبت بواسطة عبدالله السعد (المشاركة 1103997)

بسم الله الرحمن الرحيم

كتبت بعض الاستفسارات في نفس الموقع الذي رديتم عليه من قبل ولاكن لم تردوا واعترف ان

هذا غلط مني لان تعليقي لم يكن منفردا حتى يتبين فالمقصود حتى لا نطيل عليكم عندي

بعض الاسؤلة فيالت ولعلى وعسى أحظى بأهتمامكم وشكرا لكم......

1)ان يسر الله وسجلت في الجامعة كيف احصل على الكتب المقررة لي وكيف احصل على الملخصات .....

2)ذكرتم لي ان في المواد نحو فهل من امثلة على هذه المواد ....

3)هل جميع السنوات الاربع استطيع ان اختبر باذن الله في الرياض اطال الله اعمارنا وأعماركم على طاعة الله....

4)كيفية معرفة المواد المحذوفة لأنني رأيت في المنتدى كثير ممن يشكي من حذف المواد ولا يدري ماحذف من المقرر.....

5)كيفية معرفة هل المذاركة تكون من الكتاب او من الملخص....

واخيرا أعتذر عن هذا الكم الهائل من الاسؤلة .....

هلا أخوي عبدالله

نعتذر عن التأخير يالغالي مالقيت وقت اني اكون فاضي فيه اشرح جميع ماذكرت يالغالي وانا اسف مره ثانيه

بالنسبه لأسئلتك راح اشرحها لك واحد واحد وبالتفصيل

1)ان يسر الله وسجلت في الجامعة كيف احصل على الكتب المقررة لي وكيف احصل على الملخصات .....

الكتب يالغالي بالنسبه لترم الأول ماعندك الا كتابين تشتريهم من المكاتب الكبيره حقت الكتب مثل : مكتبة جرير , مكتبة العبيكان , وغيرها من المكاتب الكبيره اللي موجوده بنفس المدينه اللي انت فيها مراح يقصرون معك الأخوان بيدلونك على اسم مكتبه قريبه منك تشتري منها الكتابين

الكتب اللي تشتريها 1- مبادئ علم الإجتماع لطلعة لطفي وراح يوضح لكم الدكتور كل شي عن الكتاب

2- كتاب الانجليزي وراح يوضحه لكم الدكتور ويعرض عليكم الكتاب عن طريق الكام في المحاضره المسجله الأولى

فقط هذا اللي مطلوب من الكتب تشتريها للترم الأول

أما باقي المواد تحملها عن طريق محتوى المقرر لكل ماده وتطبعها عندك وتتابع المحاضره مع الدكتور من نفس الشرائح اللي طبعتها

اما بالنسبه للملخصات هذي تكون عن طريق جهد الطلاب والطالبات يلخصون الماده ويوضحون النقاط اللي فيها وينزلونها بالمنتدى

2)ذكرتم لي ان في المواد نحو فهل من امثلة على هذه المواد ....

بوضح لك كل ماده

الانجليزي --> يتحدث عن الماضي البسيط والمضارع وعن الفعل والفاعل وبعض القطع والمفردات

النحو التطبيقي ----> المقصود فيه القواعد للغه العربيه مثلا: الفعل والفاعل والمفعول به وحالات الاسم الأعربيه (النصب- الرفع -الجر) وهكذا

التحرير العربي ---> هو نفسه الإملاء يعلمك كيف تصحح اخطأك الإملائيه وعن التاء المربوطه والتاء المبسوطه وهمزة القطع وهمزة الةصل وهكذا

علم الإجتماع -----> بختصار عام يتكلم عن الحاله الاجتماعيه في المجتمعات مثل المشاكل اللي تحصل في المجتمع وكيف تعالجها وتتحدث عن الأسره وعن الزواج وهكذا

التذوق الأدبي ----> تعرف مادة (النصوص ) اللي في الثانويه نفسها قصائد شعريه وتعريف الشاعر وسبب القصيده

فقه السيره +العقيده الإسلاميه ----> اعتقد واضحه مايحتاج اشرحها :cheese:

3)هل جميع السنوات الاربع استطيع ان اختبر باذن الله في الرياض اطال الله اعمارنا وأعماركم على طاعة الله....

اللهم آمين والمسلمين اجمعين
ايه نعم طال عمرك تختبر كل السنوات بالرياض بإذن الله

4)كيفية معرفة المواد المحذوفة لأنني رأيت في المنتدى كثير ممن يشكي من حذف المواد ولا يدري ماحذف من المقرر.....

هذي عن طريق الشرح او عن طريق المحاضرات المباشره تكون قبل الاختبارات بشهر
اللي يشكي من هالشي يكون ماحضر المحاضره المباشره او ماتابع الشرح ويحب يعرف المحدد معه عن طريق الطلاب والطالبات

5)كيفية معرفة هل المذاركة تكون من الكتاب او من الملخص....
بالنسبه للكتب اللي اشرت لك عليها هي اللي تذاكر منها أما باقي المواد تكون عن طريق شرائح العرض أو الملزمه

وبس:cheese:

إن شاء الله اكون افدتك في اسئلتك واي استفسار انا حاضر

وبالتوفيق للجميع