التحويل من جامعة الامام الى جامعة فيصل
 

السلام عليكم ورحمة الله وبركاته
افيدووني الله يوفقكم صديقتي درست في جامعة الامام قسم ادارة اعمال ولها 3 سنوات فيها بس تقول صعبه والمفروض انها تتخرج بعد سنه بس حملت مواد كثيره وتقول يبغى لها سنتين زياده
سؤالي الله يسعدكم
اذا حولت لجامعة فيصل يحسبون لها المواد الي درستها وتقبل الجامعه نظام التحويل بسهوله ولا فيه تعقيدات
انتظر ردودكم وتفاعلكم

رد: التحويل من جامعة الامام الى جامعة فيصل
 

مافيه تحويل

تسجل ك طالبه مستجده وذا قبلت تعادل مواد ك حد اقصى 15 س

رد: التحويل من جامعة الامام الى جامعة فيصل
 

تستمر في جامعة الإمام لأنها في التقييم أقوى من جامعة الملك فيصل

رد: التحويل من جامعة الامام الى جامعة فيصل
 

كيف التقييم اقوى جامعة الامام

رد: التحويل من جامعة الامام الى جامعة فيصل
 

انصحك خليييها لاتحول وربي فيصل خياااااس لا تعامل ولا نتايج ولا اختبارات
بالعكس اقلها الامام فيه مواد ترفع المعدل فيصل مافيه وصعبه كثير خاصه قسم ادارة اعمال انا لي خمس سنوات ابشرك ماحصل اتخرج :(

رد: التحويل من جامعة الامام الى جامعة فيصل
 

انا مع مقولة (امسك مجنونك لا يجيك اجن منه )

رد: التحويل من جامعة الامام الى جامعة فيصل
 

فيه فرق بالأنظمة بين جامعة الملك فيصل وجامعة الامام
وجامعة الملك فيصل تتفوق من ناحية الأنظمة التعليمية والإلكترونية اما جامعة الامام ماتدري غير محاضراتك بشكل كامل نازلة بفيديو مدته بين4 إلى 8 ساعه وما تدري تسمعها كلها والا تلخصها والا وش تسوي (بالعربي ماتدري راسك من ساسك)
فيه فرق بحساب الدرجات جامعة الملك فيصل بيدك30 درجة (المشاركة-الواجبات-المناقشات-المحاضرات المباشرة) و70 بالإختبار
اما جامعة الإمام 100 درجة كاملة بالإختبار فقط
من ناحية المواد معروفة جامعة الإمام موادها واتجاها أغلبها إسلامي اكثر موادها من المواد العلمية في قسم إدارة الأعمال
كذالك فيه فرق في مراكز الإختبارك بين الجامعتين
حالياً يعتبر جامعة الملك فيصل أفضل

رد: التحويل من جامعة الامام الى جامعة فيصل
 

لا طبل لجامعه فيصل علشانك فيها وتكذب

اول شيئ جامعه الامام فيها محاضرات مباشره وجدول اسبوعي

لو تتابع المحاضرات مع الدكتور وتذاكر الملخص تجيب الدرجه الكامله

ثانيا في التخصص مافي غير مادتين او ثلاثه دينيه ترفع المعدل والباقي كلها مواد علميه

ثالثا كلنا نعرف ان جامعه الامام مراكز الاختبار بكل مناطق السعوديه حتى بالخارج وبسريلانكا وبا ندونسيا


ولاتنسى جامعه الامام فيها صيفي والرسوم اقل

وفي الاخير التخصص واحد تدرسه بالامام او بفيصل او باي جامعه

رد: التحويل من جامعة الامام الى جامعة فيصل
 

سم ابشر مارح اجادلك بشي بس انا لي اخوان فيها واشوف نظامهم وطريقتهم
وثانيا ما اطبل للجامعة عشان ادرس فيها
هذا شي من واقع مشهود


انا وضحت النقاط والفروق الي اعرفها وشفتها بنفسي


اعتذر لك وكل واحد يشوف الي ابخص واريح له

رد: التحويل من جامعة الامام الى جامعة فيصل
 

صح انا شفت زوجي درس فيها سنه ونظامهم يختلف كليا عن نظامنا 100 درجة على 25 سؤال